জ্ঞানপ্ৰাপ্তিৰ আঁচনি/ জ্ঞানপ্ৰাপ্তিৰ পথ কি?




প্রশ্ন: জ্ঞানপ্ৰাপ্তিৰ আঁচনি/ জ্ঞানপ্ৰাপ্তিৰ পথ কি?

উত্তৰ:
আপুনি ভোকাতুৰ নেকি? শাৰিৰীকভাৱে ভোকাতুৰ হোৱাৰ কথা কোৱা নাই, জীৱনত আপুনি কিবা এটাৰ বাবে ভোক অনুভৱ কৰিছে নেকি? আপোনাৰ ভিতৰত এনে কিবা এটা আছে নেকি যি কেতিয়াও পৰিতৃপ্ত হোৱা যেন অনুভৱ কৰা নাই? যদি এনে হৈছে, যীশুৱেই হৈছে আপোনাৰ পথ! যীশুৱে কৈছিল, “মই হলো জীৱনৰ মূল্য। মোৰ লগত যিয়েই আহে, তেওঁ কেতিয়াও অতৃপ্ত হৈ নাথাকিব, আৰু যি মোৰ ওপৰত বিশ্বাস ৰাখে তেওঁ কেতিয়াও পিয়াহত আতুৰ নহব।” (জন 6:35)

আপুনি দোধোৰ-মোধোৰত পৰিছে নেকি? আপুনি কেতিয়াবা জীৱনৰ পথ বিচাৰি পোৱা বা জীৱনৰ অৰ্থ বুজি পোৱা নাই নেকি? আপোনাৰ এনে লাগে নেকি যে কোনোবাই বিজুলী-বাতিটো নুমুৱাই দিলে আৰু আপুনি তাৰ চুইছটো বিচাৰি পোৱা নাই। যদি এনে হৈছে, যীশুৱেই হৈছে একমাত্ৰ পথ! যীশুৱে কৈছিল, “মই এই বিশ্বৰ পোহৰ। যি মোক অনুসৰণ কৰে তেওঁ কেতিয়াও আন্ধাৰত গতি কৰিবলগীয়া নহয়, বিপৰীতে জীৱনত আলোক লাভ কৰিব।” (জন 8:12)

আপুনি কেতিয়াবা এনে অনুভৱ কৰে নেকি যে জীৱনৰ পৰা আতৰাই আপোনাক বন্দী কৰি ৰখা হৈছে? আপুনি বহুসংখ্যক দুৱাৰ পৰীক্ষা কৰিছে নেকি, যাৰ যোগেদি কেৱল শূণ্যতা আৰু অৰ্থহীনতালৈহে গতি কৰিব পাৰি? আপুনি এনে এখন প্ৰৱেশদ্বাৰৰ সন্ধান কৰি আছে নেকি যাৰ যোগেদি জীৱনক পৰিপূৰ্ণ কৰি তুলিব পাৰি? যদি এনে হয়, তেন্তে যীশুৱেই হৈছে আপোনাৰ পথ! যীশুৱে ঘোষণা কৰিছিল, “ময়েই পথ; যিয়েই মোৰ যোগেদি প্ৰৱেশ কৰে তেওঁ ৰক্ষা পৰিব। তেওঁ ভিতৰলৈ সোমাই আহিব পৰিব আৰু বাহিৰলৈ ওলাই যাব পৰিব আৰু নিজৰ স্থান লাভ কৰিব।” (জন 10:9)

আন লোকসকলে সদায় আপোনাক অৱজ্ঞা কৰে নেকি? আপোনাৰ সম্পৰ্কবিলাক অগভীৰ আৰু শূণ্য নেকি? এনে লাগে নেকি যে সকলোৱে আপোনাৰ পৰা সুবিধা লবলৈ চেষ্টা কৰে? যদি এনে লাগে, যীশুৱেই হৈছে আপোনাৰ পথ! যীশুৱে কৈছিল, “মই সকলোতকৈ ভাল ভেৰাৰখীয়া। এজন ভাল ভেৰাৰখীয়াই ভেৰাৰ বাবে নিজৰ জীৱনকো তুচ্ছ জ্ঞান কৰে...মই এজন ভাল ভেৰাৰখীয়া; মই মোৰ ভেৰাবিলাকক জানো আৰু মোৰ ভেৰাবিলাকেও মোক জানে।” (জন 10:11, 14)

এই জীৱনৰ পাছত কি হয় আপুনি জানিব বিচাৰে নেকি? আপোনাৰ জীৱন অপ্ৰয়োজনীয় আৰু অৰ্থহীন বস্তুৰে যাপন কৰাৰ বাবে আপুনি ভাগৰি পৰিছে নেকি? কেতিয়াবা আপোনাৰ মনলৈ এনে চিন্তা আহে নেকি – এই জীৱনৰ কিবা অৰ্থ আছে জানো? আপুনি মৃত্যুৰ পাছতো জীয়াই থাকিব বিচাৰে নেকি? যদি বিচাৰে, তেন্তে, যীশুৱেই হৈছে আপোনাৰ পথ! যীশুৱে ঘোষণা কৰিছিল, “ময়েই জীৱন আৰু জীৱনৰ গতি প্ৰদান কৰোতা। যি মোৰ ওপৰত বিশ্বাস ৰাখে, তেওঁ মৃত্যুৰ পিছতো জীয়াই থাকিব আৰু যিসকল জীয়াই থাকিব, সেইসকলে মৃত্যুবৰণ নকৰিব।“ (জন 11:25-26)

পথটো কি? সত্য কি? জীৱন কি? যীশুৱে উত্তৰ দিছে- ময়েই পথ, সত্য আৰু জীৱন। মোৰ জৰিয়তে নাহিলে কোনোৱেই পৰম পিতাৰ ওচৰলৈ আহিব নোৱাৰে। (জন 1:46)

আপুনি অনুভৱ কৰা ভোকটো হ’ল আধ্যাত্মিক ভোক, যাক কেৱল যীশুৰেহে দূৰ কৰিব পাৰি। যীশুৱেই হ’ল একমাত্ৰ পথ, যি অন্ধকাৰক দূৰ কৰিব পাৰে। সন্তুষ্ট জীৱন এটাৰ বাবে যীশুৱেই হ’ল প্ৰৱেশদ্বাৰ। যীশু হ’ল বন্ধু আৰু ৰক্ষাকৰ্তা, যাক আপুনি ইমানদিনে বিচাৰি আছিল। এই ইহলোক আৰু পৰলোকত যীশুৱেই হৈছে জীৱন। জ্ঞানৰ সৰ্বোচ্চ প্ৰাপ্তিৰ বাবে যীশুৱেই একমাত্ৰ পথ!

আপুনি ভোক অনুভৱ কৰা, অন্ধকাৰৰ মাজত হেৰাই যোৱাৰ দৰে অনুভৱ কৰা, জীৱনৰ অৰ্থ বিচাৰি নোপোৱাৰ কাৰণ হ’ল আপুনি ঈশ্বৰৰ পৰা আঁতৰি আছে। বাইবেলে আমাক কৈছে যে আমি সকলো পাপী আৰু সেই বাবেই ঈশ্বৰৰ পৰা বিচ্ছিন্ন হৈ আছো। (একলেচিয়াচটিছ 7:20; ৰোমান 3:23) আপুনি আপোনাৰ হৃদয়ত অনুভৱ কৰা শূণ্যতা হ’ল আপোনাৰ জীৱনৰ পৰা ঈশ্বৰক হেৰুওৱাৰ শূণ্যতা। ঈশ্বৰৰ লগত সম্পৰ্ক স্থাপন কৰিবৰ বাবেই আমাক সৃজন কৰা হৈছে। আমাৰ পাপৰ বাবে আমি সেই সম্পৰ্কৰ পৰা বিচ্ছিন্ন হৈ আছো। তাতোকৈ দুখৰ কথা যে আমাৰ পাপৰ বাবেই আমি ভগৱানৰ পৰা ইহলোক আৰু পৰলোকএই চিৰদিনৰ বাবেই আঁতৰি আছো। (ৰোমান 6:23; জন 3:36)

এই সমস্যাটো কেনেকৈ সমাধান কৰিব পাৰি? যীশুৱেই হ’ল একমাত্ৰ পথ! যীশুৱে আমাৰ পাপ গ্ৰহণ কৰিব। (2 কৰিন্থিয়ানছ 5:21) আমি পাবলগীয়া শাস্তি মূৰ পাতি লৈ যীশুৱে আমাৰ সলনি মৃত্যুবৰণ কৰিলে। (ৰোমান 5:8) তিনিদিনৰ পাছত, যীশুৱে পাপ আৰু মৃত্যুক জয় কৰি মৃত্যুৰ পৰা উভতি আহিল। (ৰোমান 6:4-5) তেওঁ কিয় এই কাৰ্য কৰিলে। যীশুৱে নিজেই এই প্ৰশ্নৰ উত্তৰ দিছে- “ইয়াতকৈও আৰু মহান ভালপোৱা কি থাকিব পাৰে, মই মোৰ বন্ধুসকলৰ বাবে নিজৰ জীৱনক আহুতি দিলো।” (জন 15:13) যীশুৱে এই বাবেই মৃত্যুবৰণ কৰিলে যাতে আমি জীয়াই থাকিব পাৰো। যদি আমি আমাৰ বিশ্বাস যীশুৰ ওপৰত স্থাপন কৰো, তেওঁ নিজৰ মৃত্যুৰ যোগেদি আমাৰ পাপৰ মূল্য পৰিশোধ কৰা বুলি বিশ্বাস কৰো; তেন্তে আমাৰ সকলো পাপ ক্ষমা আৰু ধুই নিকা কৰাৰ যোগ্য হৈ পৰিব। আৰু তেতিয়া আমাৰ আধ্যাত্মিক ভোক পৰিতৃপ্ত হ’ব। আলোকবিলাক উজলি উঠিব। আমি জীৱনক পূৰ্ণ কৰিবলৈ সুযোগ পাম। আমি আমাৰ সকলোতকৈ বিশ্বাসী বন্ধু আৰু ৰক্ষাকৰ্তাক জানিব আৰু উপলব্ধি কৰিব পাৰিম। আমি উপলব্ধি কৰিব পাৰিম যে মৃত্যুৰ পাছতো আমাৰ এটা জীৱন থাকে, স্বৰ্গত অনন্তকালৰ বাবে যীশুৰ সৈতে এটা সম্পূৰ্ণ জীৱন।

“ঈশ্বৰে পৃথিৱীখনক ইমানেই ভাল পায় যে পৃথিৱীৰ বাবে তেওঁ তেওঁৰ একমাত্ৰ সন্তানকো আহুতি দিছিল, গতিকে যিয়েই তেওঁত বিশ্বাস ৰাখে তেওঁ মৃত্যুবৰণ নকৰে, বৰং এক অনন্ত জীৱন লাভ কৰে।” (জন 3:16)

যাৰ বাবে আপুনি এয়া পঢ়ি আছে সেই যীশুৰ বাবে আপুনি সিদ্ধান্ত গ্ৰহণ কৰিলেনে? যদি কৰিলে, তেন্তে অনুগ্ৰহ কৰি তলত থকা “মই আজি যীশুক গ্ৰহণ কৰিলো”ত ক্লিক কৰক



অসমীয়া গৃহপৃষ্ঠালৈ ঘূৰি যাওক



জ্ঞানপ্ৰাপ্তিৰ আঁচনি/ জ্ঞানপ্ৰাপ্তিৰ পথ কি?