যীশুখ্ৰীষ্ট কোন?




প্রশ্ন: যীশুখ্ৰীষ্ট কোন?

উত্তৰ:
যীশুখ্ৰীষ্ট কোন? “ঈশ্বৰৰ অস্তিত্ব আছেনে?” এই প্ৰশ্নৰ দৰেই বহুতো লোকে প্ৰশ্ন কৰে যে যীশুখ্ৰীষ্টৰ অস্তিত্ব আছিলনে। এইটো সাধাৰণভাৱে মানি লোৱা হয় যে যীশু সঁচাকৈ এজন মানুহ আছিল, 2000 বছৰৰ আগতে যি ইজৰাইলত জন্মগ্ৰহণ কৰিছিল। সাধাৰণতে যেতিয়াই যীশুৰ সম্পূৰ্ণ পৰিচয় লৈ আলোচনা হয়, তেতিয়াই তৰ্কৰ সুত্ৰপাত হয়। প্ৰায় সকলোবিলাক মুখ্য ধৰ্মই শিকায় যে যীশু এজন পয়গম্বৰ বা এজন মহান শিক্ষক বা এজন পৱিত্ৰ পুৰুষ। সমস্যাটো হ’ল এই - বাইবেলে আমাক কয় যে যীশু এজন পয়গম্বৰ বা এজন মহান শিক্ষক বা এজন পৱিত্ৰ পুৰুষতকৈ অনেক বেছি আছিল।

চি এছ লুইছে তেওঁৰ গ্ৰন্থ সাধাৰণ খ্ৰষ্টানধৰ্মত এইদৰে কৈছে: “মই ইয়াত মানুহক তেওঁ [যীশুখ্ৰীষ্ট]ৰ বিষয়ে মুৰ্খৰ দৰে কথা কোৱাৰ পৰা বিৰত ৰাখিবলৈ চেষ্টা কৰিছো। “মই যীশুখ্ৰীষ্টক এজন মহান শিক্ষক হিচাপে গ্ৰহণ কৰিবলৈ ৰাজী আছো, কিন্তু তেওঁ নিজকে ঈশ্বৰ বুলি কৰা দাবী মই মানি নলও।” -এইধৰণৰ কথা আমি কোৱাটো উচিত নহয়। এজন মানুহ যি একেবাৰেই সাধাৰণ পৰ্যায়ৰ, তেওঁ যীশুৱে কোৱা কথাবোৰ কলেও এজন মহান শিক্ষকলৈ পৰিবৰ্তিত নহয়। হয় তেওঁ নিজকে ভজা কণী বুলি কোৱা মানুহৰ তুলনাত এজন মূৰ্খ, নহয় নৰকৰ যমদূত। আপুনি আপোনাৰ পছন্দ দৃঢ় কৰি লোৱা উচিত। এনে এজন মানুহ হয় ভগৱানৰ সন্তান নহয় এজন পাগল অথবা তাতোকৈ বেছি কিবা। আপুনি তেওঁক মূৰ্খৰ দৰে কথা কোৱাৰ পৰা বিৰত ৰাখিব পাৰে, আপুনি তেওঁলৈ থুৱাব পাৰে, ৰাক্ষস বুলি বধ কৰিব পাৰে অথবা তেওঁ ঈশ্বৰ বা প্ৰভু বুলি প্ৰাৰ্থনা কৰি তেওঁৰ ভৰিত পৰিব পাৰে। কিন্তু আমি তেওঁ এজন মহান শিক্ষক আছিলনে নাই এনে অৰ্থহীন কথাৰ পৃষ্ঠপোষকতা কৰিব বিচৰা নাই। তেওঁ এই প্ৰশ্ন আমাৰ বাবে এৰি যোৱা নাই। তেওঁৰ এনে ইচ্ছাও নাছিল।

তেন্তে, যীশুক কি বুলি দাবী কৰা যায়। তেওঁ কোন?- এই প্ৰশ্নৰ উত্তৰত বাইবেলে কি কৈছে? প্ৰথমতে জন 10:30ৰ যীশুৰ বাণীত চকু ফুৰাই চোৱাটো যুক্তিসংগত হব- “মই আৰু পিতা একেজনেই।” প্ৰথম দৃষ্টিত ইয়াত তেওঁ নিজকে ঈশ্বৰ বুলি দাবী কৰা যেন নালাগিব পাৰে। তেওঁৰ এই মন্তব্যৰ প্ৰতি জিউছসকলৰ প্ৰতিক্ৰিয়া চাওক, “আমি এইবিলাকৰ বাবে তোমালৈ শিলগুটি নিক্ষেপ নকৰো” জিউছসকলে কৈছিল, “তুমি এজন সাধাৰণ পাপী বাবেই নিজকে ভগৱান বুলি দাবী কৰিছা।” (জন 10:33) জিউছসকলে যীশুৱে নিজকে ঈশ্বৰ বুলি কৰা দাবীক বুজি পাইছিল। তলত দিয়া বাক্যবিলাকত যীশুৱে জিউছসকলক কেতিয়াও শুধৰাই দিয়া নাছিল,- “মই নিজকে ঈশ্বৰ বুলি দাবী কৰা নাই।” ইয়েই প্ৰমাণ কৰে যে যীশুৱে “মই আৰু পৰমপিতা একেজনেই” (জন 10:30) বুলি সঁচাকৈয়ে দাবী কৰিছিল। জন 8:58 হ’ল আন এটা উদাহৰণ, য’ত যীশুৱে ঘোষণা কৰিছিল-“মই তোমালোকক সঁচা কথাই কৈছো, আব্ৰাহামৰ জন্ম হোৱাৰ আগতে ময়েই আছিলো।” ইয়াৰ প্ৰত্যুত্তৰত যীশুলৈ নিক্ষেপ কৰিবৰ বাবে জিউছসকলে আকৌ হাতত শিলগুটি তুলি লৈছিল। (জন 8:59) যীশুৱে অল্ড টেষ্টামেন্টত তেওঁৰ পৰিচয় “মই” দিয়াটোৰ আন অৰ্থ ঈশ্বৰ বুলি নিশ্চয়কৈ কব পাৰি।(এক্সোডোছ 3:14) যদি যীশুৱে একো কোৱাই নাছিল তেন্তে কিয় জিউছসকলে তেওঁক ঈশ্বৰ বুলি দাবী কৰা এজন সাধাৰণ পাপী বুলি শিলগুটি দলিয়াব বিচাৰিছিল?

জন 1:1 ত কোৱা হৈছে যে “শব্দটো ভগৱান আছিল।” জন 1:14ত আছে যে “শব্দটো মাংস বা শৰীৰ হৈ পৰিল।” ই নিশ্চয়কৈ আঙুলিয়াই দিয়ে যে মানুহৰ শৰীৰৰ ৰূপত যীশু ঈশ্বৰ আছিল। শিষ্য থমাচে যীশুৰ ক্ষেত্ৰত ঘোষণা কৰিছিল-“প্ৰভূ আৰু মোৰ ঈশ্বৰ” (জন 20:28)। যীশুৱে তেওঁক শুধৰাই দিয়া নাছিল। এপ’ছল জনে যীশুক বৰ্ণনা কৰিছিল এইদৰে- ...আমাৰ মহান ঈশ্বৰ আৰু উদ্ধাৰকাৰী, যীশুখ্ৰীষ্ট। (2 পিটাৰ 1:1) পৰমপিতা ঈশ্বৰ যীশুৰ পৰিচযৰ ক্ষেত্ৰত সাক্ষী, কিন্তু পুত্ৰৰ সম্পৰ্কত তেওঁ কৈছে, “হে ঈশ্বৰ, তোমাৰ সিংহাসন যুগ-যুগান্তৰলৈ অক্ষত হৈ ৰব আৰু শুদ্ধ পথৰ পথিকসকল তোমাৰ ৰাজ্যৰ প্ৰজা হ’ব।” অল্ড টেষ্টামেন্টৰ যীশুৰ ভৱিষ্যত বাণীবিলাকে তেঁওৰ দেৱত্ব প্ৰমাণ কৰিছে, আমাৰ বাবে এক শিশুৰ জন্ম হব, আমাৰ বাবে এক সন্তান আহিব আৰু ৰাজ্যভাৰ তেওঁৰ কান্ধৰ ওপৰত থাকিব। তেওঁক এজন সক্ষম শাসক, সৰ্বশক্তিমান ঈশ্বৰ, চিৰসেউজ পিতা, শান্তিৰ ৰাজকুমাৰ বুলি অভিহিত কৰা হ’ব।

সেইবাবে, চি এছ লুইছে কবৰ দৰে, যীশুক এজন মহান শিক্ষক বুলি বিশ্বাস কৰাটোত কোনো যুক্তি নাই। ঈশ্বৰ হিচাপে যীশু সন্দেহ আৰু তৰ্ক-বিতৰ্কৰ উৰ্ধত। যদি তেওঁ ঈশ্বৰ নহয় তেন্তে তেওঁ এজন মিছলীয়া, আৰু সেয়ে হলে তেওঁ পয়গম্বৰ, মহান শিক্ষক নতুবা এজন ভাল মানুহ নহয়। যীশু শব্দটো বা যীশুৰ বিষয়ে আলোচনা কৰাৰ প্ৰয়াসত আধুনিক “পণ্ডিতে” যুক্তি দাঙি ধৰে যে “সঁচা ঐতিহাসিক যীশুৱে” বাইবেলত তেওঁৰ ওপৰত আৰোপ কৰা বহু কথাই প্ৰমাণ নকৰে। ঈশ্বৰে কি কৈছিল বা কি কোৱা নাছিল সেই কথা লৈ যুক্তি-তৰ্ক কৰিবলৈ আমিনো কোন? যিসকলে যীশুৰ লগত বাস কৰছিল, সেৱা-সত্কাৰ কৰিছিল আৰু যিসকলক যীশুৱে নিজে শিক্ষা প্ৰদান কৰিছিল, দুহেজাৰ বছৰৰ পাছৰ এজন পণ্ডিতেনো তেওঁলোকতকৈ কেনেকৈ ভালকৈ জানিব যে যীশুৱে কি কৈছিল বা কি কোৱা নাছিল। (জন 14:26)

যীশুৰ সঁচা পৰিচয়ৰ বিষয়টোনো কিয় ইমান প্ৰয়োজনীয়? যীশু ঈশ্বৰ হওক বা নহওক তাক জনাৰ প্ৰয়োজনীয়তা কি? সবাতোকৈ গুৰুত্বপূৰ্ণ কথাটো হৈছে এই - যীশু ঈশ্বৰ হবই লাগিব, নহলে তেওঁৰ জীৱন সমগ্ৰ পৃথিবীৰ পাপৰ প্ৰায়চিত্ত কৰিবলৈ যথেষ্ট নহ’লহেতেন। (1 জন 2:2) কেৱল ঈশ্বৰহে এনে অসীম মূল্য পৰিশোধ কৰিব পাৰে। (ৰোমান 5:8; 2 কৰিন্থিয়ানছ 5:21) আমাৰ পাপৰ ধাৰ পৰিশোধ কৰিবলৈ হ’লে যীশু ঈশ্বৰ হবই লাগিব। যীশুৰ মৃত্যু হ’বলৈ হলে তেওঁ মানুহ হবই লাগিব। যীশুৰ ওপৰত বিশ্বাসেই হ’ল জ্ঞান লাভৰ একমাত্ৰ উপায়! যীশু হ’ল দেৱদূত কিয়নো তেওঁৱেই হ’ল মোক্ষ লাভৰ একমাত্ৰ পথ। তেওঁ দাবী কৰিছিল, “ময়েই পথ, সত্য আৰু জীৱন। মোৰ যোগেদি নাহিলে কোনোৱেই পৰমপিতাৰ কাষ চাপিব নোৱাৰে.” (জন 14:6)



অসমীয়া গৃহপৃষ্ঠালৈ ঘূৰি যাওক



যীশুখ্ৰীষ্ট কোন?