Thih hnuah nunnak timi a um maw?




Thusuhnak: "Thih hnuah nunnak timi a um maw?"

Sannak:
Thih hnuah nunnak a um maw? Bible cun, “Nunau sung suak milai hmuahhmuah, an nunnak a tawi ih zonzaih an tuar. Pangpar bangin an `hangih an ziam sal; Phenthlam bangion an hloralta, rei an awh lo. Minung a thih cun a ung sal thei ding maw? Asinain tikcu `ha ka hngak ding” (Job 14:1-2,14).Zozo khal Job vekin hi thusuhnak hi kan ton ciomi a si. Kan thih hnuah ziangvek si kan cang taktak? Kan um nawn lo ti mennak maw si? Thihnak timi nasa deuh kan nun sal theinak ding a si tinak maw? Mi hmuahhmuah an fehnak khal a bang aw thluh tinak maw si? Vanram le hell ti hi a um taktak maw? Asilole kan suangtuahnak meimei maw a si?

Bible cun thih hnuah nunnak a um thu in sim. Cui nunnak cu a sunglawi tuk mi a si. “ Mailai zohman in an hmuh dah lomi, Zohman in an theih dah lomi, a cangthei ding tiah zohman in an ruah dah lomi, cumi cekci cu Pathian in Amah a duhdawtu hrangah a timtuah mi a si” (2 Korin 2:9). Taksa ih Pathian a rung cangmi Jesuh Khrih cu kan hnenah kumkhua nunnak laksawng in pek dingah a ra. “Sikhalsehla, kanmah ih sual ruangah hriamhma a pu, thil `ha lo kan tuah ruangah vuaknak a tong. Hremnak a tuar mu cu kan rundamnak a si” (Isaiah 53:6).

Kan tuar ding tlak a si mi sualman rori cu Jesuh in a taksa in a phurih kan hrangah a nunnak a liam. Nithum a rei hnuah thinak ihsin a tho salih cutin thihnak, thlanmual cu nehnak thawn a puang. Cu tiih a thawhsal hnu ni sawmli sung leitlun a um. Cu tiih a umlai khalah minung thawngtel in hmuh le theih a si hnuah vanram ah a feh sal. Rom 4:25 cun, “kan sualnak ruangah thihnak ah thlenter a siih Pathian thawn kan rualrem awknak dingah le thiam coter ka sinak dingah nunnan ah thawhter sal a si.”

Jesuh Khirh ih thawsalnak cu mi hmuahhmuah ih theih khal a si. Paul khalin minung tamtak hniksak a fialih zokhal in an el thei lo. Jesuh thawhsalnak cu Khris`ian zumnak ih hrampi bik le a kil ih a kaihngettu bik a si; Jesuh Khrih cu thawsal ih a um ruangah kan nih khal thawh ter sal kan si dingah zumnak kan nei thei a si.

Paul in Jesuh thawhsalnak a zumlotu Khris`ian hmaisa pawl ralring dingin a sim hnai: “Kan thu phuanmi cu: Khrih cu thihnak ihsin thawhtersal a si zo, tihi a si ih a tu-ah ziangtinso mihrek khat in mithi thawter salnak a um lo tiah nan ti thei? Cutiih nan timi cu a dik sibang sehla Khrih thawhter sal a si lo, ti a cang ding” (1 Korin 15:12-13).

Thihnak ihsin thawhtersal a si ding pawl hmuahmuah lakih a hmaisa bikih a tho saltu cu Jesuh Khrih a si. Taksa thihnak cu mipakhat (Adam) ruangah a ra.Jesuh Khrih zumnak thawngin Pathian innsangih a lut le fa sinak a co zotu pawl hmuahhmuah cu nunnak thar pek an si ding (1 Korin 15:20-21).Jesuh Khrih cu taksa rori ih thawhter sal a si vekin Pathian in kan taksa khal cu Jesuh a ratsal zawngah thawhter sal a si ve ding (1 Korin 6:14).

Kan zaten thawhter sal cu kan si thluh ding nan kan zaten vanram kan feh tlang thluh lo ding. Mi bulpak in kanmah ten leitlun kan nun sungah thu tithluknak kan tuah a `ul ding. Bible cun, milai hmuahhmuah hrangah vaikhat thih cu ruat cia a si a ti (Hebru 9:27). Asinan, zumnak thawnih dingfelnak a co ngahtu pawl lawngin kumkhua hmunramah an feh dingih zum lotu pawl cu kumkhua meilipi ah hremnak tuar in an feh ding (Mathai 25:46).

Hellram khal hi Vanram vek thotho in a um men meimi a si lo. A taktak in harnak khal tuar a si ding.Hellrem ahcun Pathian thinhennak cu mi dinglo pawl in cem ti ni nei loin an tuar ding. Zum lotu pawl cun taksa, thinglung le theihnak hmuah thawn ningzahnak, sirawknak le harnak an tuar ding.

Hellram cu pit asilole cem ti nei lo kuapi vekih sim a si (Luke 8:31, Thuphuan 9:1). Meisa lipi a siih cem ti nei lo in a alh ringring dingmi hmunram khal a si (Thuphuan 20:10). Hellram ahcun hacang rialnak le `ahnak hlirin a khat dingih thinhennak hmuah thawn a si ding ( Mathai 13:42). “anmah a eitu tholung pawl cu an thi dah lo ih anmah kangtu meisa khal a mit dah lo a si” (Mark 9:48). Misual pakhat a thih hmuh cu ka lungawi zawng a si lo.Sualnak bansan ih a nun hmuh ka duh sawn” tiah Pathian cun a ti (Ezekiel 33:11).Pathian cu ti lo theihlo in zianghman in fial lo ding. Phatsan le cohlang duhlo ih kan um le kanmah hril vekih kan hril mi cu kan tuar ding. Pathian hnen lo ahcun nunnak dang a um nawn lo.

Leitlun kan um sungih nun hi hniksaknak vek men a si…a ra ding mi tikcu hrangih timlam awknak a si. Zumtu hrang ahcun pathian cencilh nak thawn kumkhua nun tep rero a si. Cu ti a sile ziangtin mi dingah kan cangih Pathian pek mi kumkhua nunnak kan nei thei ding? Lamzin pakhat lawng a um…cucu Jesuh Khrih zumnak thawng lawngin a si. Jesuh cun, “ Kei cu nunnak le thawhsalnak ka si. Zokhal keimah I zumtu cu midang vekih an thih khal le, a nung sal ding. In zumnak ruangah kumkhua nunnak pek an si ih an siatral dah nawn lo ding” (Johan 11:25-26).

Kumkhua nunnak laksawng cu mi zapi hrangah cohlan theih ringring a si.Asinan, kanmah lam ihsin nomnak le kan mah le kan mah tlansan awk tahratin Pathian hnenih kan pek awk a `ul. “ Pathian Fapa a zumtu hmuahhmuah cu kumkhua nunnak an nei. Fapa a zum lotu cu kumkhua nunnak an ngah lawng siloin Pathian thinhennak an parah a um” (Johan 3:36). Kan thih hnu ahcun sualsir nak ding tikcu kan nei nawn lo ding. Pathian kan mit ih a hmuh hnu ahcun a si ngai tiih zum men lawng a si thlang ding. Curuangah a tu roriah Pathian hnenih kan feh ding le kan duhdawt ve ding hi a duhmi cu a si. Kan sual ruangih Jesuh pekmi kan sualman kan cohlan a si ahcun, leitlun kan nun sung sullam nei zetih kan nun men ding lawng siloin Khrih umpinak hmaiih kumkhua nunnak khal tiamkam cia kan si.

Jesuh Khrih cu Rundamtu a si tih na pom ve duh le na pian thar duh ve a si ahcun hi thlacamnak te hi na cam ve mei lo ding maw? Asinan. Hi thlacamnak le thlacamnak dang sal ve menmei nak cun a lo rundam lo ding. Jesuh Khrih na rinsan lawngah si rundamnak ti mi cu na co ding. Hi thlacamnak cu Pathian ih pek zo mi rundamnak hrangih lungawi thu sim le na zumnak ti lang tertu men a si. “Pathian, kei cu na hmaiah mi sual ka si ti ka thei. Sualman tuar tlak khal ka si. Asinan, ka sualman tuar ding hmuahhmuah cu Jesuh Khrih in a tuar zo ruangah amah zumnak thawngin ka sual ngaihdam a si thei ka zum. Ka sual tlansan tahratin rundamnak hrangah nangmahah ka zumnak cu ka `hum a si. Mangbangza na zaangfahnak, ngaihdamnak le kumkhua nunnak laksawng in pek ruangah ka lungawi! Amen!”

Hi ca pawl na siar ruangah Khrih hrangah thutitluk nak na tuah a si le a hnuai teih “Tuini ah Khrih ka cohlang zo a si” timi hi hmet aw.


Chin `ongah kirsal aw

Thih hnuah nunnak timi a um maw?