Thlarau daan pali cu ziangpawl an si?




Thusuhnak: "Thlarau daan pali cu ziangpawl an si?"

Sannak:
Thlarau daan pali ti mi cu Khrih zumnak thawngih ngah a si mi rundamnak thuthang `ha phuan daan ding an si. Thuthang ~ha bu sungih a `ulmi thu pawl daan pali ih `hen mi men an si.

Cuih daan pali lakih daan pakhat nak cu hihi a si, “Pathian in a lo duhdawt ih na hrangah a sunglawi mi tumtahnak a nei.” Johan 3:16 cun hitin thu in sim, “Pathian in leilung hi a duhdawt zet ruangah a Fapa neihsun a pek ih zokhal a zumtu hmuahhmuah cu siatral loin kumkhua nunnak an co ding.” Johan 10:10 in Jesuh a ratnak san khal hitin in sim, “…Kei cu nunnak an neih ih tlamtling zetih an neihnak dingah ka ra a si.” Cuti asile Pathian duhdawtnak ihsin ziang in si in dawnkham? Nunnak tlamtling nei lo dingin ziangbik ni a si in dawnkham.

Thlarau daan pali lakih a pahnihnak cu, “ Milai hmuahhmuah hi sual ih `en`oi mi an siih sual ruangah pathian thawn a `hen aw zo mi an si. Cui ruangah kannih hin Pathian in duhnungza kan nunih a tumtah pawl kan thei thei lo. Hi thu hi Rom 3:23 ih a ti hnget bet a si, “Zangah tile, kan zatein ka sual thluhih Pathian sunlawinak kan co baan lo.” Rom 6:23 in sual ih rahsuah asilole “sual ih man cu thihnak” a si tiah in sim. Pathian amah thawn pawlkomnak nei dingin in sersiam. Asinan, a sersiam mi milai in leitlunah sual cu a lut pi ruangah Pathian hnen ihsi a hla ter. Pathian in neih dingih a tumtah mi cu kanmah sualnak ruangah kan siatsuah tinak a si cu. Cucu ziangtin so ka ti `hat sal ding?

Thlarau daan pali lakih a pathumnak cu, “Jesuh Khrih lawng hi kan sualnak hrangih a famkimmi Pathian hna`uannak a si.” Jesuh Khrih thawngin kan sual ngaihdam a si thei lawng siloin Pathian thawn pawlkomnak khal kan nei thei a si. Rom 5:8 cun hitin thu in sim, “Pathian in ziangtluk in duhdawt ti cu a lang ter zo. Misual kan si hrih cingin Khrih cu kan hrangah a thi.” 1 Korin 15:3-4 khal in rundam kan si theinak dingih ka theih `ul mi le kan zum `ul mi in sim, “Ca Thianghlim sungih nganmi vekin Khrih cu kan sualnak ruangah a thi; an phumih, Ca Thianghlim sungih nganmi vekin ni thumnak ah thawhtersal a si.” Amah Jesuh rori khal in amah lawngih rundamnak lamzin a si thu thawn pehpar awin hitin a rel, “ Kei cun lamzin, thutak le nunnak ka si. Kei mah loin zohman ka Pa hnen an thleng thei lo ding” (Johan 14:6). Hi duhumzet rundamnak laksawng cu kei the ziangtin ka ngah ve thei pei?

Thlarau daan pali nak cu, “Kan nunih Pathian tumtah theih theinak ding le rundamnak laksawng kan co ve theinak ding ahcun Jesuh Khrih cu Rundamtu a si tiah zumnak amah Jesuh Khrih ih kan `hum a `ul.” Johan 1:12 in hi thu hi hitin fiangten a rel, “Mi `henkhat cun an saangih an zum. Curuangah Pathian ih fate cantheinak thu a pek.” Tirhthlah 16:31 in fiangzetin a rel ve, “Bawi Jesuh zum awla cutin rundam na si ding.” A zaangfahnak zarah Jesuh Khrih zumnak thawng lawngin rundam kan si thei (Efisa 2:8-9).

Jesuh Khrih cu Rundamtu a si tiih na co hlan duh ve a si ahcun a hnuailam pawl hi Pathian hnenah sim aw. Hi `ongkam pawl na sal ve mei mennak cun a lo rundam lo ding. Jesuh Khrih na zumnak lawng in si a lo rundam ding. Hi thlacamnak cu Pathian ih pek zo mi rundamnak hrangih lungawi thu sim le na zumnak ti lang tertu men a si. “Pathian, kei cu na hmaiah mi sual ka si ti ka thei. Sualman tuar tlak khal ka si. Asinan, ka sualman tuar ding hmuahhmuah cu Jesuh Khrih in a tuar zo ruangah amah zumnak thawngin ka sual ngaihdam a si thei ka zum. Ka sual tlansan tahratin rundamnak hrangah nangmahah ka zumnak cu ka `hum a si. Mangbangza na zaangfahnak, ngaihdamnak le kumkhua nunnak laksawng in pek ruangah ka lungawi! Amen!”

Hi ca pawl na siar ruangah Khrih hrangah thutitluk nak na tuah a si le a hnuai teih “Tuini ah Khrih ka cohlang zo a si” timi hi hmet aw.


Chin `ongah kirsal aw

Thlarau daan pali cu ziangpawl an si?