Misualmi Hna Thlacamnak Hi Zeidah A Si?




Bia halh nak: "Misualmi Hna Thlacamnak Hi Zeidah A Si?"

Bia leh nak:
Misualmi hna thlacamnak cu ka sual ti an theih, khamhnak ka herh ti an theih i Pathian sinah zaangfah halnak thla an cammi kha a si. Pathian sinah khamhnak thlacam in an halnak kha a si, Sual ngeihthiamnak Pathian sinah an halnak kha a si.

A pakhatnak ah misualmi hna nih kan theih dingmi cu misual kan si ti hi kan theih a herh. Romans 3:10 nih a chimmi cu, “Ca thiang ah aa tial bang, ahohmanh mi thiang an um lo, pakhat taktak hmanh an um lo” a ti. Bible nih fiang tein a chimmi cu aho taktak hmanh ka thiang lo. Kan sual dih hna. Pathian vel le zaangfahnak kan herh dih hna (Titus 3:5-7). Kan sual ruangah, zungzal thihnak kan i tlak dih hna (Matthew 25:46). Dantatnak hmuhnak kan innak hnga lo misualmi hna thlacam cu zaangfahnak hal kha a si. Pathian thinhunnak kan hmuh sualnak hnga lo a vel ngeihnak hal kha a si.

A pahnihnak ah misualmi hna nih kan theih awk cu Pathian nih hin kan caah zeidah a kan tuahpiak timi hi kan theih a hau. Pathian nih JesuhKhrih hmang in taksak kha aa lak i kan sinah khua a rung sa (John 1:1,14). Pathian biatak kha Jesuh Khrih nih a kan cawnpiak i tling tein a nung (John 8:46; 2 Corinthians 5:21). Kanmah hmun ah vailam cungah a kan thihpiak. Kan sual ruangah kan in dingmi kha amah nih a kan inpiak (Romans 5:8). Thihnak, Hell le sualnak a teinak cu thihnak in a thawhtthannak in a langhter (Colosa 2:15; 1 Korin 15).

Hi ruangah hin, Jesuh Khrih kan zumh ahcun kan sualnak ngeihthiam a si lai, vancung ah zungzal nunnak kamh kan si lai. Kanmah nih kan tuah ding cu Jesuh Khrih hi ka caah a thi, ka caah a thotthan, a rak ra tthan lai timi kan zumh ding a si (Romans 10:9-10). Pathian vel ngeihnak lawnglawng in khamhnak hi kan hmuh khawhmi a si, cucu Pathian nih a Fap ngeihchunte a kan pekmi kha a vel taktak cu a si. Efesa 2:8 nih a chimmi cu, “khamh kan sinak cu vel thawng lawnglawng in a si, kanmah tein kan hmuhmi a si lo, Pathian laksawng a si.”

Hi misualmi thlacamnak cu Jesuh Khrih hi a ka khamhtu a si tiah kan i bochannak Pathian sinah langhter kha a si. Khamhnak hi zeihmanh nih a chuha pi kho lo. Jesuh Khrih a thawhtthannak le kan zumhnak hi khamhnak kan hmuhnak cu a si. Jesuh Khrih hi khamhnak kan hmuhnak lam a si tiah na theih i, misual ka si tiah na theih ahcun hitihin Pathian sinah thlacam khawh a si ko. Pathian, kei cu misual ka si tiah kaa thei, thihnak le dantatnak a hmu ding ka si. Asinain Jesuh Khrih hi a ka khamhtu a si tiah ka zumh cang. A thihnak le a thawhtthanak hi ka sualnak ngeihthamnak caah a si tiah ka zumh. Jesuh Khrih lawnglawng hi ka Bawipa le a ka khamhtu a si tiah ka zumh. Na ka khamh ca le na ka ngeihthiam caah ka lawm. Amen.

GotQuestions.org ah Pathian thawngttha na relnak thawngin Jesuh Khrih na zum maw? Na zumh ahcun, a tangah aa ttialmi “Nihin in Jesuh Khrih ka zumh cang” timi kha hmet ko.


Hakha holh in leh mi ahramthawk ah vazoh than

Misualmi Hna Thlacamnak Hi Zeidah A Si?