Zeitindah Pathian Ngeihthiamnak Ka Hmuhning A Si Lai?




Bia halh nak: "Zeitindah Pathian Ngeihthiamnak Ka Hmuhning A Si Lai?"

Bia leh nak:
Lamkaltu 13: 38, Ka u le kan nau hna, nan dihlak in nan hngalh awk cu Jesuh thawng hin pei sual ngeihthiamnak bia nan sin i chim hi a si cu.

Ngeithiamnak Hi Zeidah A Si I Zeiruangahdah Kan Herh?

“Ngeihthiam” timi biafang a sullam cu leiba kan ngeihmi calung cungah cattail in a ummi kha hloh/hnawh, letpiak, zaangfah tinak a si. Mi dang cungah palhnak pakhatkhat kan tuah sual tikah, ngeithiamnak kan halt awn, zeicatiah i ral le i rem loin um kha kan duh lo. Ngeithiamnak hmuh ding in kan I tlak ruangah ngeihthiam kan si lo. A ngaingai ti ahcun ahohmanh ngeihthiam awk aa tlakmi kan um hna lo. Ngeihthiamnak hi dawtnak, velngeihnak, zaangfahnak in a tuahmi a si. Ngeithiamnak kan timi cu mi dang cungah zeihmanh rem lonak, thinhunnak le thatlonak ka ngei ti lai lo a ti a si. Mi dang nih kan cungah zei bantuk thil hmanh an tuah tikah kan ngeihthiam cang hnu ahcun rem-rual tein kan um awk a si cang.

Pathian ngeihthiamnak hi mi kip nih an herh dih tiah Bible nih a chim. Kan zapi in kan sual cio dih hna. Phungchimtu 7: 20 nih a chimmi cu, “Vawleicung ah thil hman a tuah I a sual bal lo timi miding an um lo.” a ti. 1 Johan 1: 8 nih a chimmi cu, “Kan sual lo an ti ahcun kanmah le kanmah kan I hlen a si I biatak kan sinah a um lo tinak a si” tiah a ti. Sual poahpoah cu Pathian ralchanh a si (Psalm 51:4). Cu ruangah Pathian sual ngeihthiamnak kan herh dihnak hna hi a si. Kan sualnak hi Pathian nih a ngeihthiam lo ahcun zungzal teminnak hell ah kan um lai (Matthew 25:46; John 3:36).

Ngeihthiamnak Hi Zeitindah Kan Hmuhning A Si Lai?

Law hawk ngai a ummi cu, Pathian hi dawtnak le velngeihnak a ngei tukmi a si, kan sualnak vialte ngeihthiam ding in timh cia peng a si. 2 Peter 3:9 nih a chimmi cu, “Bawipa cu a biakam tlinter awk ah a khur a nuar ko ti in mi a cheu nih an ruah bang hin a si lo, nanmah cung i lungsaunak a ngeih ca tu ah hin a si deuh. Zeiintiah pakhat tlau hmanh hi a duhmi a si lo i mi vialte hi sual ngeihchihnak ngei hna she tit u hi a duhmi a si” a ti. Pathian nih ngeihthiam a kan duh dih caah ngeihthiamnak lam zong a kan serpiak.

Kan sual man ah dantatnak kan hmuh dingmi cu thihnak hi a si. Rom 6:23 nih a chimmi cu, “zeicatiah sual man cu thihnak a si…” tiah a ti. Zungzal thihnak hi kan sualnak ruangah a si. Kan sualnak hi ngeihthiam a si lo ahcun zungzal in a thi dingmi kan si. Pathian nih tling hirhiar tein a timh cang bantukin, Pathian cu Jesuh Khrih ah minung ah a hung cang (Johan 1:1,14). Jesuh Khrih cu vailam cungah a thi, thihnak kan in dingmi a kan inpiak. Pathian a si bantukin, Jesuh Khrih a thihmi hi vawleicung minung sualnak vialte caah a si. 1 Johan 2:2 nih a chimmi cu, “Cun kan sualnak ngeihthiam kan sinak zong cu Khrih thawng cun a si i kanmah kanmah sualnak lawng si loin mi vialte zong an sualnak kha ngeihthiam an si lai” a ti. Jesuh Khrih cu a thi I a tho than, sualnak le thihnak a teinak cu phuan a si (1 Korin 15:1-28). Pathian cu thangthat si ko seh, Jesuh Khirh a thihnak thawng le a thawhthannak thawngin kan hmuhmi cu, “Pathian laksawng cu zungzal nunnak a si I cu nunnak cu kan Bawipa Jesuh Khrih he aa pehtlaimi nunnak a si.”

Na sualnak in ngeihthiam na duh maw? Kan thinlung a thurhnawm tuk tiin lungdong in an um maw? Hi thinlung thurhnomhnak in ka luat kho lai lo tiah lungdong in na um bal maw? Thian khotertu a um. Jesuh Khrih hi a ka khamhtu le ka Bawipa a si na ti i na zumh ahcun khamhnak zong na hmu lai i na thinlung thurhnomhnak zong an thianh lai. Ephesians 1:7 nih a chimmi cu, “Khrih thihnak nih kan nih cu a kan luatter, cucu kan sualnak ngehthiam kan si tinak a si. Pathian vel cu a va lianngan hringhren dah.” Ngeihthiam kan si khawhnak dingah Jesuh Khrih nih a thihnak thawngin kan sual leiba cu pekpiak kan si cang. Kan tuah awk ding cu Jesuh Khrih min in Pathian sinah sual ngeihthiamnak hal hi a si. Kan sual ngeihthiamnak caah Jesuh Khrih a thi timi hi kan zumh awk a si. Kan sualnak cu ngeihthiam loin a kan um hrimhrim lai lo. John 3:16-17 nih Pathian dawtnak sunglawng hitihin a kan chmh, “Cuticun Pathian nih vawlei hi a dawt hringhren caah a Fapa ngeihchunte kha a pek, cucaah amah a zumhmi poah cu an thi lai lo, zungzal nunnak an ngei lai” a ti.

Sual Ngeihthiamnak Hmuh Hi A Fawi Tuk Ko Lo Maw?

Fawi tuk! Sualngeihthiamnak hi Pathian sin in cawk khawh a si lo. Nangmah tein ngeihthiamnak hmuh khawh zong a si lo. Zumhnak in a co lawng na cohlan khawhmi a si. Jesuh Khrih hi ka Bawipa le a ka khamhtu a si tiah na cohlan i Pathian sin in ngeithiamnak hmuh na duh ahcun thlacam ding a si ko. Thlacamnak menmen in khamhnak na hmu kho fawn lai lo. Jesuh khrih hrimhrim na zumhnak a hau. Kan sualnak a ka ngeihthiam tiah na zumh rhimhrim a hau. “Pathian, na cungah sualnak ka tuah tiah ka theih, thihnak le dantatnak hmu ding in kaa tlak. Sihmanhsehlaw, Jesuh Khrih ka zumhnak thawngin keimah nih kan tuar dingmi vialte Jesuh Khrih nih a ka tuarpiak dih cang timi ka theih. Khamhnak ka cotin khawh ve nakhnga na cungah ka zumhnak ka chiah. Na zaangfahnak le na velngeihnak ruangah lawmhnak tampi ka ngei. Amen.

GotQuestions.org ah Pathian thawngttha na relnak thawngin Jesuh Khrih na zum maw? Na zumh ahcun, a tangah aa ttialmi “Nihin in Jesuh Khrih ka zumh cang” timi kha hmet ko.


Hakha holh in leh mi ahramthawk ah vazoh than

Zeitindah Pathian Ngeihthiamnak Ka Hmuhning A Si Lai?