Thiang Thlarau Hi A Hodah A Si?




Bia halh nak: "Thiang Thlarau Hi A Hodah A Si?"

Bia leh nak:
Thaing Thlrau hi a hodah a si timi kongah a hmaan lomi tampi ruahnak a um. Cheukhat nih Thiang Thlarau hi tthawnnak pakhat khat bantuk ah an ruah. Cheukhat nih cun Thiang Thlarau hi zumtu zeimaw ca lawng ah a si tiah an ruah. Asinain Bible nih Thiang Thlarau hi a hodah a si tiah a chim? Bible nih Thiang Thlarau hi Pathian a si a ti. Bible nih a chim tthanmi cu Thaing Thlarau hi minung a si a ti, asullam minung nih kan ngeih bantukin ruahnak, duhnak le thinlung in tuar khawhnak a ngei ve. Cucaah Thiang Thlarau hi tthawnnak a ngeimi sawhsawh lawng a si lo.

Thiang Thlarau cu Pathian a si timi hi Bible nih fiang tein a kan cawnpiak. Lamkaltu 5: 3-4 ah Peter nih Ananias a sinak kan hmuh. Ananias le a nupi Sapphiara hi Khrihfa an si. An thil kha an zuar I Lamkaltu sinah cun a phaisa cu an rak rat pi ve, asinain a dawng tein pek loin a chue kha anmah caah an I chiah. Mah tikah a dawng tein kan pek dih tiin an hrokhrol kha an chim. Cucaah Peter nih khan “zeicaah Thiang Thlarau nan hlen” a ti hna. “Minung na kan hlen a si lo, Pathian nan hlen a si” a ti tthan. Peter nih kahin Pathian le Thiang Thlarau kha aa khat ah a hmuh hna. Thaing Thlarau hlen kha Pathian hlen bantuk ah Peter nih cun a chim. Cun Thiang Thlarau hi Pathian a si kan tinak a ruang cu Pathian nih a ngeihmi sinak Thiang Thlarau nih a ngei ve. Tahchunnak ah Pathian hi khawika poah a um bantukin Thiang Thlarau zong a um ve (Salm 139: 7-8), “Na Thlarau a um lonak hmun ah khawika dah ka kal khawh lai? Na hmaika in khawika dah ka zam khawh lai? Vancung ka kal zongah na um ko, vawlei tangah ka um zongah na um ko” a ti. 1 Korin 2: 10-11 ah Paul nih a chimmi cu “Cu biathli cu Pathian nih a Thlarau in kannih sinah khan a phuan. Thlarau nih cun zeizong vialte kha a dah a hriah dih, Pathian nih aa tinhmi a thukmi hmanh kha a coih dih hna. Minung cu a chung i a ummi amah a thlarau nih khan a konglam cu a dihumnak in a hngalh; cu bantukin Pathian zong cu Pathian Thlarau lawnglawng nih a konglam kha a dihumnak in a hngalh ve” a ti.

Thiang Thlarau hi minung sinak a ngei. Minung sinak a ngei kan ti tikah chim duhmi cu: ruahnak, thinglung tuar khawhnak, le duhnak a ngei. Thiang Thlarau nih khua a ruat ve i a thei kho ((1 Korin 2: 10). Thaing Thlarau hi a ngeihchiatter khawh a si (Ephe 4: 30). Thaing Thlarau nih thla a kan campiak (Roman 8: 26-27). Pathian nih a duhnak kha Thaing Thlarau nih biakhiahnak a ngei (1 Korin 12: 7-11). Thiang Thlarau hi Thumkomh Pathian i a pathumnak minung a si. Pathian a si bantukin a riantuanmi cu hnemtu, cawnpiaktu le lamhruaitu a si (John 14:16, 26, 15:26), cu pinaah Thiang Thlarau hi khamhnak kan hmuhmi caah ttazeih (seal) Pathian nih a kan namnak a si (Ephe 1: 13-14).


Hakha holh in leh mi ahramthawk ah vazoh than

Thiang Thlarau Hi A Hodah A Si?