Zungzal Nunnak Hi Zeidah A Si?




Bia halh nak: "Zungzal Nunnak Hi Zeidah A Si?"

Bia leh nak:
Zungzal nunak lam hi Bible nih fiang tein a kan cawnpiak. A pakhatnak ah, kan theih awk a herhmi cu kan sualnak nih Pathian he ral bantukin a kan umter: “Zeicatiah mi vialte cu kan sual dih cio ko i Pathian sunparnak kha kan bau dih cio ko” (Rom 3: 23). Pathian nih a duh lomi kan tuah dih cio hna, cu ruangah dantatnak hmu ding lawngte kan si hna. A hmun zungzalmi Pathian hmaiah a sualmi lawngte kan si hna bantukin zungzak thihnak a ing dingmi lawngte kan si hna. “Sual man cu thihnak a si, sihmanhsehlaw kan Bawipa Jesuh Khrih thawngin Pathian laksawng cu zungzal nunnak a si (Romans 6:23).

Kan sual cuahmah lio le kan thih cuahmah lioah, Jesuh Khrih, sualnak a ngei lomi (1 Peter 2:22), a hmun zungzalmi Pathian Fapa cu minung ah a rung cang (John 1:1,14), i kanmah nih kan sual man ah kan in dingmi dantatnak cu amah nih vailam cungah a kan inpiak. “Asinain Pathian nih cun zeitlukindah a kan dawt kha hitihin a langhter: Kan nih cu misual kan si ko rih lioah hin Khrih cu kan caah a thi” (Romans 5:8). Jesuh Khrih cu vailam cungah a thi (John 19:31-42), kanmah nih in dingmi dantatnak kha amah nih a kan inpiak (2 Corinthians 5:21). Nithum hnuah thihnak in a tho than (1 Corinthians 15:1-4), sualnak le thihnak cu a kan tei piak. “Kan Bawi Jesuh Khrih i a Pathian le a Pa cu lawm ko u sih. Zeicatiah a zangfahnak a nganmi ruangah kan nih cu Jesuh Khrih thihnak in a thawhternak khan nunnak thar a kan pek. Cucaah kan nih cu zumhnak nun in kan khat i Pathian nih a mi hna caah a chiahmi thlachuah van luhnak tampi cu co awk ah kan i ruahchan (1 Peter 1:3, 4a).

Zumhnak in, Jesuh Khrih kan hmuhning—Ahodah a si, zeidah a tuahmi a si, zeicaahdah kan caah a thih timi kan hmuhning hna hi kan thlen awk an si. Jesuh Khrih hi kan zumh i kan sualnak caah vailam cungah a kan thihpiak ti kan zumh ahcun kan sualnak in ngeihthiam kan si lai i zungzal nunnak kan hmu ko lai. “Cuticun Pathian nih vawlei hi a dawt hringhren caah a Fapa ngeihchunte kha a pek, cucaah amah a zumhmi poah cun an thi lai lo, zungzal nunnak an ngei lai (John 3:16). “Nan ka in ‘Jesuh cu Bawi a si,’ tiah nan ti i amah cu Pathian nih mithi hna sinin a thawhter tiah nan lung in nan zumh ahcun, khamh nan si lai” (Romans 10:9). Cucaah Jesuh Khrih cu kan sualnak caah vailam cungah a thimi a si tiah kan zumhnak lawng in zungzal nunnak kan hmuh lai. “Nan nih cu vel an ngeih hna caah an khamh hna i khamhnak nan hmuh cu amah nan i bochan caah a si. Khamhnak nan hmuhmi cu nanmah tuahmi a si lo, Pathian laksawng a si (Ephesians 2:8-9).

Jesuh Khrih hi a ka khamhtu a si tiah na nunnak uktu Bawi ah na cohlan ahcun hitihin Pathian sinah thlacam awk a si ko. Na theih awk cu na thlacamnak menmen nih an khamh lai lo. Khamhnak an petu taktak cu Jesuh Khrih cungah na zumhnak kha a si. Hi bantukin thlacam cu na zumhnak le naa lawmhnak Pathian sinah na langhtermi khi a si ko. “Pathian Bawipa, kei cu miusal ka si i dantatnak a hmu ding ka si. Sihmanhsehlaw khamhnak kan hmuh khawh nakhnga dingah keimah nih ka in dingmi Jesuh Khrih nih a ka lakpiak cang. Keimah khamhnak dingah nangmah sinah ka zumhnak kan pek. Na vel ngeihnak le na zaangfahnak ruangah lawmhnak tampi ka ngei. Amen.

GotQuestions.org ah Pathian thawngttha na relnak thawngin Jesuh Khrih na zum maw? Na zumh ahcun, a tangah aa ttialmi “Nihin in Jesuh Khrih ka zumh cang” timi kha hmet ko.


Hakha holh in leh mi ahramthawk ah vazoh than

Zungzal Nunnak Hi Zeidah A Si?