A ka soeng oeng nah ti hih bang ni?




Ol dawt nah: "A ka soeng oeng nah ti hih bang ni?"

Ol leh nah:
Ka cak ka ok a zoi na, hno pai a zoi na hmuel ko ah lai ham i, ceih veing ah i, mah loeh i, ngai bik hi tah thel i ti hno pai tuh i, tuek tih i lai val ta koep lah tuhinah nang neh kai loh khoh a ka soeng oeng nah/ bawk nah hih bang lei ti hih tuek thai ham lah a ngoe coeng. Thlang phil tom loh a ka soeng bawk na/ beik nah ti hih bang koep poek lae ti lah zak ming cim uh pah. Dik lai hmal ah Pathen beik na, bawk nah a phun phun moe a om thung ah a ka soeng oeng nah lei lei a thel poek ti hi peik boe thai nah na ming cim coeng aa?

Dik lai hmal kah bawk nah Muhamet , confusius, milem a ka bawk rhoek teing ah zi su kri loh i lung vat nah kong hi bang koel lei i, thui ham? Bawk nah phil tom hih val dong kho ah kang pha thai ham poek aa? Kri faneh a tloe bawk na/ oeng nah hi ta tluk uh thae poek aa? Long puei ta kuem hih American, India ah kang a pha thai pah ta koel ah Bawk nah phun tling phil tom khoh lo she val dong kho ah kang pha thai ma pah.

Zi su pakhat dueng hih ni van ceih nah long puei lah om, a soep rep so ah nawl a ka khueh kung lah om. Dik lai hmal kah bawk nah loh a oeng uh Pathen rhoek thung ah zi su dueng loh ni duek nah a ta tih a thum hnil ah koep tho ti hi i, ming tha lah om. Tu dong ah krica rhoek kah Pathen bawk nah hih a ka soeng bik oeng nah ti hi zak ming cim na khueh val tang sih.

Zi su duek na lang ka loh koep tho ti hi Bible ca dong ah moe I, hmuh thai Thlang 500 rhoek teing ko ah, A hnuk vai rhoek teing ko ah van pum neh dik lai hmal ah kho hnil Ni-40 thung ah moe tueng uh ti hi i, hmuh thai lah om. Hlan mual ah a rhoek a pum a hmuh uh voel pah thawng dong ah zu dah mi phun rhoek loeh a hnuk vai rhoek loh a huel ti lah a thui uh mai ni. Rom ral kap rhoek loh kho hnil thum khing ah kho zil kho dai ih om mue lah a cawngh uh tih thlang khoh a teing ah ceih na nawl a om thai moe hih ti hi Bible ca dong ah cim ca lah a tueng sak.

Zi su kri kah hnuk vai rhoek zi su a duek veang ah Rom ral kap rhoek loh ip tuk tholh ni a ti uh tih kang zong uh. Hi kah hno loh khoh duek nah lang kah loh tho tak tak ti hi sausih tette a tueng sak, Duek nah a ta tih a ka tho Pathen kah ca pa zi su kri hih ni oeng ham lah a ka soeng. (Jn 14:6) dong ah. Kai tah long puei neh ol tak neh rhing nah lah ka om ti lah a thui. Kho deing a ka ming neh rei thai a ka za rhoek ka teang ah a lo uh hawh, ngai mong nah kal peak ni (Jn 11:28). Dik lai hmal tah Duek nah, rhah nah, kho deing ming nah hmuel lah om. Bawk nah moe a om thung ah lei hih lei a ka soeng poek ti hih na nawt thai coeng aa? A ka sai kung pa Pathen ming mueh lah naw ni kho vawk na sak pueng?

Tholh ngai thoem nah a ka ngai rhoek loh Pathen ol a om nah kung ah ceit uh tih zi su tuh a tang na uh (Jn 10:42), Pathen neh rhoep rhoi ca lah om thai nah phi tah lung nah neh a ka bea zi su kri dueng ni (Jn10:10b). Pathian loh I, lung nah tuk dong ah ca pa tawl tuel i, peik, A mah ka tang nah thlang phil tom tah dueng zan rhing nah a hmuh ni (Jn 3:16).

Tholh ngai thoem lah om na ngai a tah zi si mah tuh tang na hawh. Tholh zut na neh Pathen teang ah hi ta koel ah thang thui hawh, Pathen loh a dueng cim nah kong na rhing nah dong ah i, cong pui boeh ni. Bawipa, thlang tholh lah ka om dea, Nal lung nah tuk dong ah Na ca pa zi su kri nal poek, zi su krih rhang neh tholh salthung lang kah loeih ca lah nal khueh dueng mue lah Na ca lah nal khueh coeng dong ah ba hoeng ka om ngai, Na min ka thang pom! Amen!

Hi ca nate thawng neh oltloek nah na khueh coeng aa? Na khueh ah tah “Zisu kri ka tang nah coeng ti” dong ah “click”.


Lai mai kipat na ah ki leh kik in

A ka soeng oeng nah ti hih bang ni?