Zum tu rhoek loh i, rhing nah dong ah thol hi bang Koel ni i, ta thai ham?




Ol dawt nah: "Zum tu rhoek loh i, rhing nah dong ah thol hi bang Koel ni i, ta thai ham?"

Ol leh nah:
Thol ta thai na ham la tah mah bel lang ka loh sai thai na neh ta thai lah om pah ti hi Bible ca dong ah i hmuh thai. A ti dei imah bel lang ka loh tholh sai thai nah pa ham lah i om ham lah ni. Thol ta thai nah tah Pathen loh a ol tak thawng neh a ol a ka zulh vai nah rhang neh tholh nah ti hi ta thai lah om ni.

Tholh na ta thai na ham lah A cimmui thla hi tawl lang hma ham lah a ngaih. Zumh tu rhoek rhing nah dong ah peak lah ka om A cimmuithla neh ta thai lah om. (Gal 5:16-25) dong ah “Thlarau kah ko ngai na hi thlang rhing ko ngai na neh a lo uh rhoi moe nih. Peter loh khoh A cimmuithla neh a bea phoi lang ka tah rhal thel nah neh Judah mi phun rhoek teing ah ol thang thel a thui thai.

(IThes 5:19) dong ah Thlarau kah hu ham tuh hma ta sak boek, (Eph.5:18-19). A cimmuithla neh bea uh, O.T dong ah thlang rhing hmang na neh hno a sak sak (Gen.41:38, Exo31:3, cd.2:4, Ism 10:10). Pathen thlarau neh a ka bea tu ni Pathen loh a hmang (Eph.5:18-21, col 3:16). Pathen ca rhock loh hnothel sai poe pa ham lah om. (2Tim 3:16-17, Heb 4:12, Ps.119). Zisu loh ta ral a ta thai na hih thlarau neh ol tak neh a bea dong ah ni ti hi i hmuh thai.

Zumh tu rhing nah dong ah hnil ta Kuem ah Bible ca teh tha om tha ra loh poe pa ham lah a ngai. Bible ca hih tlueng nate ah tah na rhing nah dong ah Pathen loh a cimmuithla thawng neh tha om nah i, peak dueng mueh lah tholh ta thai nah na hmuh ni. (Eph.6:12-18). Tholh ta thai na ham lah thla cam poe pa ham lah a ngoe bik ti hi ming a ngai (Lam 3:1, 4:31, 6:4, 13:1-3). Pathen loh thlacam hi a phu a om sak (Mt. 7:7-11, lk-18:1-8, Jn 6:23-27, IJn 5:14-15). Thlarau ral tuk nah ham lah thlacam hih ol pui ti lah Paul loh a thui (Eph 6:18).

Zisu loh vai lam tah dong ah ngawl lah a om hlal veang ah Gesmane dum ah thla cam neh tha om nah a loh (Mt 26:41). Pathen teang ah na bih phil tom hi ka hmuh coeng ti lah na tang nah a tah i ko ngai nah phil tom pathen loh a soep sak ni (Mt.7:7, IJn 5:14-15). Zum tu rhoek kah vainam tah thlacam hi ni. Zisu ming neh a zul tu rhoek loh sei tan a vai thai uh (Mt. 10:1) ka ming neh pahnih pathum na om uh khoh nang mi teang ah kai ka om (Mt.18:20). Pakhat neh Pakhat thla cam uh (Heb-10:24-25, Jeim 5:16). Thlang zet nu neh khoh seitan ta thai lah om (Jeim 5:16, Pro 27:17, Pct 4:11-12).

Pakhat neh pakhat thalcam neh na bom uh thea a tah seitan ral tah ta thai lah om ni. Zisu kri zumh na hi. Tha zong peak tu, thlacam tu, Hat rhai nah a tongh veing ah loeih sak kung neh tha om tha rat ha hlue nah ka peak kung ni (Icor-10:13) ti lah athui.

A can ah zumh tu rhing nah dong ah hno thae sai ngai na, thol sai ngai nah ko poek naw hih mah bel lang ka loh rhei thai lah om ngawl pah dea, Pathian loh i, peik a cimmuithla thaung neh thol ta tahi nah peak lah I om coeng. Tholh ta thai na ham lah Pathen teang ah thlacam na neh tha zang lo uh silt ah kho sa uh tang sih ti hi coep ceal ham lah ka ngai. Thol ta thai nah Acimmuithla rhang neh ta kung lah Pathen loh thlachuah i, peak uh nawl seh.


Lai mai kipat na ah ki leh kik in

Zum tu rhoek loh i, rhing nah dong ah thol hi bang Koel ni i, ta thai ham?