Tawntung Nuntakna na nga zo le?




Dokna: "Tawntung Nuntakna na nga zo le?"

Zokikna:
Tawntung nuntakna nga thei na’ng lampi Lai Thiangtho in teltakin hong son hi. A khatna-ah eite in Pathian ih langdo lam ih heak tu ahi hi : “Mi theampo maw siat ahi manin hong tankhia Pathian taw kikhuala hi” (Romte. 3:23). Ih sepna theampo hangin Pathian khuangai mama hi. Tua ahi manin eite sia thukhenna a thuak tute ihi hi. Ih mawnate in tawntung Pathian ledo ahi manin, ei te sia tawntung thukhenna a thuak tute ihi hi. “Mawna in hong piak thaman sia thina hi a, ahi hangin Pathian hong piak letsong in ih Topa Jesu Christ hangin tawntung nuntakna ahi hi” (Romte. 6:23).

Ahihang, maw nei ngawl Jesu (1Pet. 2:22), Pathian Tapa Jesu sia mi bangin hong piang a, (John 1:1,14), ih mawna hangin thina hong thuak hi. “ Pathian in eite hong itna hibangin hong kilang sak hi: Eite in maw nei i hi laitak-in Christ in eite tangin thina hong thuak hi” (Romte. 5:8). Jesu Christ in thinglamte tungah thina hong thuak in (John 19:31-42), ih thuak tu thukhenna theampo ama in hong laksak siat hi( 2Corinte. 5:21). Nithum zawk ciang thina zo-in hong tho kik hi(1Corinte. 15:1-4). Ama thawkikna hangin mawna le thina zo ahina hong lak hi. “ Jesu Christ thina pan a thawkikna taw Pasian hong hesuakna ahi a nungta lametna ih nga theina tu-in ni vei suakikna eite sungah a hong kipia ahi hi” (1Pet. 1:3).

Upna taw in, Christ sia ngumpa le Topa in ih sang thei-a, ngupna ih nga thei natu in ama nasepte le asepna ahang thu ih heak tu ahi hi (Sawl. 3:19). Eite in ama ih up a, Jesu in kei tangin thinglamte tungah thina hong thuak hi, ci-in ih up le mawmaisakna nga in, Pathian hong kamciam tawntung nuntakna ih nga tu hi. “Pathian in leitung mi theampo hong it mama ahi manin Ama Tapa a um mi theampo kisia ngawl a, tawntung nuntakna a nga thei natu in, Tapa khat bek a neisun hong piak dongin leitung mite hong it hi” (John 3:16). “ ‘Jesu-in Topa’ hi ci-a na kam taw pulakin Pathian in ama sia thina panin tho kik sak zo hi ci-a na thinsung takpi taw na up le tattkhiatna na nga tu hi” (Romte. 10:9). Christ ii thinglamte tungah a sepsa nate upna hang bek taw tawntung nuntakna kinga hi. “ Pathian hong hesuakna hangin upna taw ngupna kinga hi. Eite hanciamna hang hingawl het hi. Pathian hong piakthong letsong ahi hi. Ngamtat phatna hang zong hingawl hi. Tua ahi manin akuamapo kisialhpui thei ngawl tu uh hi” (Eph. 2:8-9).

Jesu Christ sia, na ngumpa le na Topa tuin na sang nuam le hibangin thu na ngen in. Hi thungetna le a dang thungetna taw in ngupna kinga ngawl hi cisia heak tu ahi hi. Jesu Christ upna le muanna hang bekin mawna saltanna sung pan hong hun thei bek hi. Hi thungetna in Jesu um na hihun lam Pathian tungah pulakna le Ama hong piak ngupkhiatna hangin Ama tungah lungdamkona ahi hi. “Pathian awng, keima in nang kong langpanna taw mawna vawt ka hihun lam le thukhenna a thuak tu kilawm ka hihun lam ka kihe hi. Ahi zongin Jesu Christ in ka thuak tu thukhennateng hong lak sak siat zo hi. Ama ka upna hangin mawmaisakna ka nga hi. Ngupkhiatna ka nga natu Ama ka um hi. Nong hesuakna le mawmaina- tawntung nuntakna letsongte hangin Nang tung lungdam kong ko hi! Amen!”

Hiteng aki-at thute na simna hangin Christ up tu khentatna na nei tha ziam? Na nei le hi a nuai-a akiat, “Tu ni-in Christ saang zo ing” ci lai ngual meek in.


Laimai kipatna ah kilekik in

Tawntung Nuntakna na nga zo le?