Ka thi zawk ciangin vantungngam theng tu kahi hunlam bangbang he thei tukhi ziam?




Dokna: "Ka thi zawk ciangin vantungngam theng tu kahi hunlam bangbang he thei tukhi ziam?"

Zokikna:
Ngupna nga nahi hunlam le na thi zawk ciangin vantungngam nga tu nahi hunlam na kihe ziam? Na kiheak tu Pathian in hong dei hi. Lai Thiangtho in “Pathian tapa a ummi theampo nuntak tawntungna nga tu hi ci a, a kiheakna tuin hi thute note kungah hong at ka hihi” (1John. 5:13). Nang sia tu-in Pathian mai ah ding a, Pathian in “nang vantungngam ah banghangin hong tum sak zezen tukhi ziam?” ci-in hong dong le, bangbang zokik tu ni ziam? Na zo kikna tu na he bua tha tu hi. Hibangin na zo kik tu hi. Pathian in eite hong it a, tawntung nuntakna ih nga thei natu in ama in lampi hong hon sak hi. Lai Thiangtho in hibangin son hi. “Pathian tapa a ummi theampo kisia ngawl-a nuntak tawntungna a nga thei na tuin Pathian in a tapa khat bek neisun hong piak dongin leitung mite a it hi” (John.3:16).

Vantungngam ih nga thei ngawlna tuin lam hong khak nate ih heak tu ahi hi. Hong lam khak nate in hibang ahi hi. Ih mawna, ih khelhnate in Pathian taw suakta takin ih kipawltheina tu pan lam hong khak ahi hi. Ih lua suk mawna hangin maw neite ih hihi. Ih teal zong ahi hi. “Mi theampo maw siat uh ahi manin hong hunkhia Pathian taw kikhuala hi” (Romte. 3:23). Ei le ei ih kihun khia zo bua hi. “Pathian hong hesuakna hangin upna taw ngupna kinga hi. Ei hanciamna hang hi ngawl hi. Pathian hong piakthong letsong ahi hi. Ngamtat phatna hang zong hi ngawl hi. Tua ahimanin kuama in kisialhpui thei ngawl tu uh hi.” (Eph. 2:8-9). Eite in thina a thuak tu le hell sungah a om tuin ih kilawm hi. “Mawna thaman in hong piak sia thina ahi hi” (Romte. 6:23).

Pathian sia thiangtho hi. Thuman hi. Mawna dan thuak sak hi. Ahizongin ama in eite hong it a, mawmaina ih nga thei natu lampi hong hon sak hi. Jesu in “Keima in lampi ka hi hi. Thuman le nuntakna zong ka hihi. Kei hong suang lo in kuama in Pa kungah a theng batu hi” (John.14:6). Jesu sia eite atu-in thinglamte tungah thina hong thuak hi. “Khris in mawneite a tuin khat vei thina taw hong tan zo hi. Thuman ngawlte thuman mi a suak theina tuin Pathian kungah hong paipui hi”(1Peter.3:18) . Jesu sia thina panin hong tho to kik zo hi. “ Ama in ih mawna hangin thinglamte tungah thina hong thuak a, thuman mi ih suak theina tuin hong tho kik ahi hi” (Romte. 4:25).

Tua ahimanin hi dotna sia enpha kik tawng. “Ka thi zawk ciangin Vantung ngam nga tu kahi hunlam bangbang he thei tukhi ziam?” Hibangin na he thei tu hi. Topa Jesu Khris um a, sang lete tatkhiatna na nga tu hi (Sawl.16:31). Jesu a sang a a um theampote tungah le ama min a um mi theampote tungah , ama in Pathian ta hina a pia hi” (John.1:12). Tawntung nuntakna sia man ngen ngawl-a hong kipia letsong bangin na san tu ahi hi. “Pathian ii a thonga hong piak letsong in ih Topa Jesu Khris hangin tawntung nuntakna ahi hi” (Romte. 6:23). Tu mama-in nang in a kicing le a mannei nuntakna taw na nungta thei hi. Jesu in “ Amate a kicing nuntakna a nei thei na tuin ka hong pai hi” (John. 10:10) a ci hi. Jesu ih hong kamciamna bangin nang sia Pathian taw vantungah a tawntungin na mangkhawm tu hi. Jesu in “Keima in note a tuin omna tu mun vawtkhol tuin ka pai tu hi. Tua zawk ciangin kong pai kik tu-a tua ka vawtsa innpi ah note taw a tawntung mang khawm tuin note ka hong la to tu hi” ci hi. (John. 14:3).

Jesu Khris sia gumpa in sang a, Pathian kung panin mawmaina na nga nop le hi bangin thu na ngen thei hi. Hi thungetna le a dang thungetna hangin ngupna na nga batu hi. Jesu Khris upna hang bek taw na mawna hong kimai sak tu hi. Hi thungetna in Pathian um nahi hunlam ama tungah son na hi-a, ama hong piak mawmaina hangin ama tungah lungdamkona zong ahi hi. “Topa awng, keima in nang kong langdo manin thukhenna a thuak tu ka hihi. Ahi zongin Jesu Khris in ka thuak tu thukhennateng hong lak sak siat zo hi. Ama ka upna hangin mawmai sakna anga tu ka hihi. Ngupkhiatna ka nga na tuin ama ka muang hi. Alamdang nong hesuakna le mawmaina – tawntung nuntakna letsong hangin lungdam kong ko hi! Amen!’’

Hiteng aki-at thute na simna hangin Christ up tu khentatna na nei tha ziam? Na nei le hi a nuai-a akiat, “Tu ni-in Christ saang zo ing” ci lai ngual meek in.


Laimai kipatna ah kilekik in

Ka thi zawk ciangin vantungngam theng tu kahi hunlam bangbang he thei tukhi ziam?