Christian biakna ih cih in bang ahi hiam? Christiante upna in bang a hi hiam?




Dotna: "Christian biakna ih cih in bang ahi hiam? Christiante upna in bang a hi hiam?"

Dawnna:
1Cor. 15:1-4 na sungah “Sanggam te aw, tu in note tungah kong gen lungdamna thu na ngaih sut kik ding uh kong deih sak hi. Note tua lungdamna thu sang khin in tua tungah na ding uh hi. Note in hih lungdamna thu pen hoihtak a na let uh leh hih lungdamna thu hangin gupkhiatna na ngah ding uh hi. Na up kei uh leh note in a ki mang lo nate a um na hi uh hi. Kaneih na khempeuh te note tungah aman langin kong pia hi. Khazih pen Laisiangtho hong gen bangin ih mawhna tangdingin sihna hong thuak hi. Amah pen kivui in Laisiangtho hong gen na bang in nithum khit ciang in sihna pan in hong tho to kik hi.”

Hih pen Christiante ih upna ahihi. Adang upna te sangin aman pha zaw hi. Christian biakna pen biakna thu zuihna bek ahi kei hi. Christian biakna pen “sep ding” leh “sep loh ding”cih bang bek hi lo in, Pasian tawh in a tawntung in ih nuntak ding a hihi. Jesu Khazih ih hong sepsak nate hang a hi zongin, thu um mite sungah Khasiangtho na sepna te hang a hi zongin eite in Pasian tawh ih ki pawl kik thei a hihi.

Christiante in Laisiangtho pen Pasian humop, khialhna omlo Pasian kammal, leh Laisiangtho hong hilh thute pen ukna a nei pen hi ci-in a um uh hi (2Tim. 3:16; 2Pet.1:20-21). Christiante in thumngawm Pasian: Pa, Ta (Jesu Khazih), Khasiangtho om hi ci-in a um uh hi.

Mihing te pen Pasian tawh a ki pawl den dingin Pasian hong bawl hi ci in Christian te in a um uh hi. A hi zongin mawhna in mihing te pen Pasian tawh hong ki khen sak hi (Rom.3:23, 5:12). Jesu Khazih pen hih leitungah hong piang a, amah pen Pasian hi in mihing zong a hihi ci-in Christian te in a um uh hi (Phi.2:6-11). Jesu in singlamteh tungah sihna hong thuak hi. Jesu pen singlam teh tungah a sih khit ciangin hong ki vui in sihna pan in hong tho to kik a, tu in Pasian taklam ah tu in thu um mite a ding thu hongngetsak hi (Heb.7:25) ci –in Christian te in a um uh hi. Jesu pen singlamteh tungah a sihna hangin ih mawhna teng mai hi ci in Christian te in a um uh hi. Ama sihna hangin Pasian leh mihing te hongki pawl sak kik thei a hihi (Heb.9:11-14,10:10, Rom.5:8, 6:23).

Gupkhiatna ih ngah theihna dingin singlamteh tungah Jesu hongsep khiatsak nate ih um ding hi. Mikhat peuh in Jusu pen ka mawhna tha man hongpiak sak dingin hongsi a, kei a dingin sihna zo in hong thoto kik zo hi ci in a up leh gupna a ngah ding hi. Kuamah in gupna a ngah theih na dingin a hanciam thei kei hi. Kuamah in Pasian lungkim na ding a sem zo kei hi. Banghang hiam cih leh mikhempeuh mawh nei a hi uh hi (Isa.53:6, 64:6,7). Anih na ah eite in bangmah sep ding aki sam nawn kei hi. Banghang hiam cih leh Khazih in eite a ding hong sepsak khin zo hi. Jesu pen singlam the tungah a sih lai takin “Ka zozo hi” (John. 19:30) a ci hi.

Mikhat peuh in amau hanciam na thu tawh gupna a ngah zo kei hi. Singlamteh tungah Khazih hong sepsak nate upna hangin gupna aki ngah a hihi. Banghanghiam cih leh Khazih hongsepsak na pen ki cing khinta hi. Gupna pen eite hoihna hangin ih ngah kei hi. John 10:27-29 na sungah “Ka tuute in ka aw hong thei hi. Keimah in ka tuute ka thei a, a mau te in keima nung hong zui uh hi. Keimah in a mau te nuntak tawntungna ka pia khin hi. Amau te a ki sia ngei nawn kei ding hi. Keima khut sung panin kuamah in hong sut khia zo kei ding hi. Amau te ka khut sungah hong pia pa pen a dang nate sangin a lian zaw hi. Amau te pen kuamah in ka pa khut sung panin a sut zo ngei kei ding hi”.

Mi khat peuh in “Kei mah in gupkhiatna ka ngah khit a ki pan keima deih bangin ka gamtat hangin gupkhiatna ka tan ngei kei ding hi” ci thei kha ding hi. Ahi zong in gupkhiatna pen ih ut bangbangih sepna ding a akingah a hi kei hi. Gupna ih ngah na thu in mawhna bawl nawn lo in Pasian tawh a man ki zopna ih neih theih na ding ahi zaw hi.

Eite in hun khat lai in mawhna sila ih hi a, tu in Khazih sila te ih hihi (Rom.6:15-22). Mihing te pen hih leitungah mawhna pumpi tawh ih nuntak lai tengin mawh na tawh ih ki pelh thei ngei kei ding hi. A hi zongin Christian te in a nuntakna sungah Pasian kammal sinna leh ih nuntakna sungah zat na, Khasiangtho kima kaihsakna tawh in mawhna tawh ih ki pelh thei ding hi. Khasiangtho kima kaih sakna ih cih ciangin Khasiangtho ukna tungah ki apna, nisim in ih nuntakna sungah Khasiangtho vangliatna leh Pasiankammal up na tawh in kima kaih sak na a hihi.

Tua a hih manin adang biakna tuamtuam te in sep ding leh sep loh ding tam pi nei uh hi. Christian te in Jesu pen kamawhna tangin sih na hongthuak a hong tho to kik hi ci up na tawh in gupna ih ngah hi. Na mawhna hong ki loh sak khinta hi. Pasian tawh ki pawlkik theihna khuan na ngah hi. Nangin mawhna ukna tungah zawhna na ngah khin zo hi. Tua hih man in Pasian tawh na ki pawl kik thei a, amah thu na mang thei hi. Hih bang nuntakna in Laisiangtho tawh aki tuak Christian biakna a hihi.


Lai mai kipat na ah ki leh kik in

Christian biakna ih cih in bang ahi hiam? Christiante upna in bang a hi hiam?