Jesu Gumpa leh Topa a sang cih a khiatna bang ahi hiam?




Dotna: "Jesu Gumpa leh Topa a sang cih a khiatna bang ahi hiam?"

Dawnna:
Jesu Khazih pen gumpa in na sang khin zo hiam? Hih dotna na dawn kik ma in hoihtak in ka honggen pha ding hi. Hih dotna hoih tak a na theih theih na dingin, “Jesu Khazih’’, “keimah”, leh “Honpa” cih kammal te ih a khiat na ih theih masak ding ki sam hi.

Jesu Khazih pen kua a hi hiam? Mi tampi tak te in Jesu Khazih pen mihoih, sangsia minthang, ahih kei leh Pasian ih kamsang khat bangin ciamteh uh hi. Amau ciamteh na pen man mahmah hi. Ahi zongin amau te in Jesu ih a hihna taktak a thei kei uh hi. Jesu pen Pasian hi in mihing a hongpiang ahihna thu Laisiangtho in hong gen hi. Pasian pen mi bangin a hong pianga hihi (John.1:1,14). Eite hong dam sak ding, thu hong hilh ding, hong puahpha ding, ih mawhna hong maisak ding leh eite a dingin sih na hong thuak dingin Pasian pen hih leitung ah hong pai ahihi. Jesu Khazih pen Pasian, na khempeuh a bawl pa, vanglian Topa a hi hi. Hih Jesu pen na sang khin ta hiam?

Honpa ih cih in bang hi a, bang hangin honpa ki sam ih hi hiam? Eite in mawhna ih bawl a, siatna nam kim ih sem hi ci in Laisiangtho in a gen hi (Rom. 3:10-18) . Eite in mawhnei ih hih manin Pasian hehna a thuak ding te ih hihi. Pasian do na tawh in mawhna bawl na thaman pen tawntung sihna a hihi (Rom.6:23; Mangmuhna. 20:11-15). Tua a hih manin eite in Honpa ih ki sam hi.

Jesu Khazih pen hih leitungah hong pai in eite tang dingin sihna hong thuak hi. Jesu Khazih, Pasian pen mihing in hong pianna, a sihna hangin ih mawhna khempeuh siang khin ta hi (2Cor.5:21). Jesu in ih mawhna hanga ih thuak ding thukhenna teng hong lak khiat sak zo hi (Rom.5:8). Jesu in ih piak ding leiba teng hong lohsak khin ahih manin eite in ih loh kul nawnlo hi. Jesu in sihna zo in hong tawh kikna in ih mawhna thaman hongpiak sak theih na dingin a ma sihna pen kicing hi cih hong lak hi. Tua ahih man in Jesu bek Gumpa leh Topa a hihi (John.14:6 ; Sawltak.4:12 ). Jesu pen na Gumpa leh na Topa in na sang ding hiam?

Jesu pen “na” Gumpa leh Topa a hi hiam? Christian biakna pen biakinn ah paina, pawituamtuam bawl na, mawhna bawl loh na bangin mitam pi takte in ngaihsun uh hi. A hizongin Christian biakna pen hih bang ciang bek hi lo hi. Christian biakna man pen Jesu Khazih tawh a tawntung in ki pawl den ding hi. Jesu pen Gumpa leh Topa a sang cih a khiatna in amah upna leh muanna cih nopna ahihi. Midang te upna tawh in gupna ki ngah lo hi. Adang na sephoih sepna hangin zong gupna ki ngah lo hi. Hotkhiatna ngah theihna dingin Jesu pen Gumpa leh Topa a san kul a, ama sihna in ka mawhna thaman teng hong loh sak hi ci a muanna leh ama thawh kikna in tawntung nuntakna hong pia hi ci a upna ih neih ding ahihi (John.14:6). Jesu pen na Gumpa leh na Topa a hi hiam?

Jesu Khazih pen na Gumpa leh na Topa in nasan nop leh hih bangin thu na ngen ding hi. Hih thungetna leh a dang thunget na hangin gupna na ngah kei ding hi. Jesu Khazih in mawhna kol sungpan honghon khia khin zo hi ci in upna hang bek tawh in gupna na ngah ding hi. Hih thungetna pen Pasian um na hih lam ama tungah gen na hi a, ama hong piak mawhmaina hangin ama tungah lungdam kohna zong ahihi. “Topa aw, keimah in nang kong lang do na hangin thu khen na a thuak ding ka hihi. A hi zongin Jesu Khazih in ka thuak ding thukhenna teng hong lak khiatsak khin zo hi. Nong piak mawhmai na ka ngah zo a, gupna ka ngah theih na dingin nang kong muang hi. Tu in Jesu pen Gumpa leh Topa in ka sang zo hi. Alamdang nong hehpihna leh mawhmaina – tawntung nuntakna letsong hangin lungdam kongko hi! Amen!’’

Hih teng a ki gelh thu te na simna hangin Khazih up ding khentatna na nei kha hiam? Na neih leh hih a nuai a aki gelh, “Tu ni in Khazih ka sang khin ta hi” cih lai ngual met in.


Lai mai kipat na ah ki leh kik in

Jesu Gumpa leh Topa a sang cih a khiatna bang ahi hiam?