Kei aa dingin a man biakna pen bang hi ding ahi hiam?




Dotna: "Kei aa dingin a man biakna pen bang hi ding ahi hiam?"

Dawnna:
Ansai ah ih pai ciangin ih teel ding an namkim te lai tawh in ih duh theihtheih dingin ih mai ah hong koih sak hi. Niang tui sai pawlkhat ah niangtui ahih kei leh coffee nam za val bangih mai ah hongkoih sak thei hi. Inn ahi a mawtaw a hi zongin ih leiding ciangin ih deih pen pen ih teel theih ding namtam pi tak hong koih sak thei hi. Eite in a khang to nai lo na mun ah ih nung ta kei hi. Kumpi khat bangin teel theihna khuan ih nei hi. Na deihna leh na lung ngulhna bang in na teel theih nading khuan na nei hi.

Tua hi leh nang a ding bang biaknaman pen ding ahi hiam? Suakta tak a mawhna bawltheina, khalna omlo, sepding leh seplo ding a thukhun a nei lo biakna in bang biakna ahi hiam? Hih thu tawh ki sai in ka hong gen khin zo hi. Ahizong in biakna pen puan lei bangin ih deih bangin a ki lei thei dinga hi hiam?

Ih lunglut theihna dingin biakna tawh kisai thu hilhna tampi tak ih za khin zo hi. Tua hi leh mikhat in bang hangin Muhammad, Confucius, Buddha, Charles Taze Russell, leh Joseph Smith te sangin Jesu pen lian zaw hi ci thei ding ahi hiam? Tua bek hi lo in lam khempeuh ih vantung gam nuam honglut pih thei ding ahi hiam? Biakna khempeuh a ki bang khin ahi hiam? Lampi khempeuh in Indiana a tunpih loh bangin lampi khempeuh in vantung gamgam hong tun kei hi,cih genna pen thuman ahihi.

Jesu in sihna zo a hong tho to kik ahih manin amah in Pasian thuneih na a gen thei bek a hihi. Muhammad, Confucius leh a dang biakna makai te a hih leh tuni dong han sungah lum lai uh hi. Ahi zongin Jesu ahih leh Roman galkap te ih thah na a thuak khit ciangin sihna zo in hong thoto kik hi. Sihna a zo biakna makai pa ih hong ngen thute ih ngaih ding ahi zaw hi. Sihna zo a, a tho kik pa ih genna bangin ih gamtat ding a hi zaw hi.

Jesu ih a thawh kikna teti tampi tak tawh ki lak thei hi. Amasa penpenin Mitul nga val in a tho kik Jesu a mu uh hi. Mitam pi takte inteti pang khin uh hi. Mi tulnga te ih gen thu pen ih nial thei kei ding hi. Tua bek tham lo in hankhuk sungah bangmah a om kei hi. Jesu ih galpa in Jesu sih na, a pumpi a siatna te hangin Jesu pen thokik lo hi ci kha thei ding uh hi. Hankhuk sungah bang mah om lo hi.Nung zui te in Jesu luang hawm gu thei ding uh a hi hiam? Haksa mahmah ding hi. Banghang hiam cih leh Jesu luanghawm pen a ki guk dinglau uh a hih manin galkap te in hoih tak in a cing uh a hihi. Nung zuite om zia ngaih sun dih in. Jesu a sihni a ki pan in amau zong a ki mat ding uh lau a hih manun bumang khin uh hi. Galkap te ih mat ding lau lua uh a hih manin bukawm sa in gasa a beng kik uh a hihi. Tua hun laitak in nungzui te pen a nuntak na-uh ki pia in sihna thuak uh hi cih pen a zuau pi uh ahihi. Bang hanghiam cih leh Jesu ih a thawh kik na pen amau te in gensiangna anei thei het kei uh hi.

Sihna zo in a tho kik pa thu gen pen ih ngaih zawk ding ahihi. Jesu in sihna zo ahih na hngki lang sak khin zo hi. Tua hih manin ama hongngen thu te ih ngaih ding a hihi. Jesu bek in gupkhiatna lampi hi ci-in amah in a hong gen hi (John. 14:6). Amah pen lampi tampi pan in lampi khat hi lo in, amah bek lampi a hihi.

Jesu in, “vangik pua a, a gimmi khempeuh te aw ka kiangah hong pai un, tawldamna ka hongpia ding hi” ci in hong sam lai hi ( Mate.11:28). Hih leitung pen haksatna mun ahih manin nuntak na zong haksa hi. Mitam a tam zawte in kidona, ki huatna leh ki langpanna tawh in nung ta uh hi. Na thu kim hiam? Tua hi leh nang bang deih pen ding na hi hiam? Phattuamna hong pia thei ding biakna maw? Ahih kei leh biakna mawkmawk tel zaw ding na hi hiam? A thokik honpa tel zaw ding maw? Ahih kei leh a si “kamsang te” tel zaw ding na hi hiam? Akhiatna nei kizopna maw? Ahih kei leh akhiatna nei lo ki zopna tel zaw ding? Jesu pen ih tel ngeingei ding a hi hi. Adang ih teel het kei ding hi.

Mawhnai sakna biakna na zon leh Jesu pen aman biak na a hihi (Sawl tak.10:43). Pasian tawh akhiat na nei ki zopna na deih leh Jesu pen aman “biakna” a hihi (John.10:10). Vantungah tawntung nuntakna na ngah theihna ding biakna na zon leh Jesu pen aman “biakna” a hihi. (John.3:16). Jesu pen na Gumpa leh na Topa in sangin. Kisik lo ding hi teh. Amah in na mawhna hong mai sak khin zo hi ci in um in. Lungkiat na na thuak kha ngei kei ding hi.

Pasian tawh “aman kizopna” na neih nop leh hih bangin thu na ngen ding hi. Hih thungetna leh a dang thu ngetna hangin gupna na ngah kei ding hi. Jesu Khazih upna hang bek tawh in na mawhna hong ki mai sak ding hi. Hih thungetna pen Pasian um na hih lam ama tungah genna hi-a, ama hong piak mawhmaina hangin ama tungah lungdam kohna zong ahihi. “Topa aw, keimah in nang kong lang do a hih manin thukhen na a thuak ding ka hihi. A hi zongin Jesu Khazih in ka thuak ding thukhenna teng hong lak khiatsak khin zo hi. Amah ka upna hangin mawhmaisakna angah ding ka hihi. Gupkhiatna ka ngah na dingin amah ka muang hi. Alamdang nong hehpihna leh mawhmaina – tawntung nuntakna letsong hangin lungdam kongko hi! Amen!’’

Hih teng a ki gelh thu te na simna hangin Khazih up ding khentatna na nei kha hiam? Na neih leh hih a nuai a aki gelh, “Tu ni in Khazih ka sang khin ta hi” cih lai ngual met in.


Lai mai kipat na ah ki leh kik in

Kei aa dingin a man biakna pen bang hi ding ahi hiam?