Thu um mi khat ih cih in bang ahi hiam?




Dotna: "Thu um mi khat ih cih in bang ahi hiam?"

Dawnna:
Webster’s dictionary sungah Christian cih pen “ Jesu pen gumpa a, a um te a hih kei leh Jesu ih thu hilh na sangin tua thuhilhna tungtawn in a nung ta mite cih nop na a hihi” a ci hi. Christian khat hihna ih a khiatna tawh ki patna pen a hoih mahmah thu a hihi. Leitung kammal tawh in a khiatna tampi tak om thei kha ding hi. A hi zongin Laisiangtho tawh etkak le hang hih leitung kammal tawh akhiatna letna pen kammal manlo tampitak om hi.

Laisiangtho thak sungah Christian cih kammal thum vei ki mu thei hi (Sawl tak. 11:26 ; Sawltak. 26:28 ; 1Peter. 4:16). Antioch khua pi ah Jesu Khazih nung zui te pen “Christians” ci in ki sam masa pen hi (Sawltak 11:26). Bang hang hiam cih leh amau te om dan, gamtatdan leh kampau dan te Khazih tawh a ki bang man a hihi. Hih kammal pen Antioh a om thu um lo te in Jesu nung zui te pen a zah ko na in Christians ci in a sap uh a hihi. Christian cih kammal a khiatna in, “Khazih tawh a ki pawl te” a hih kei leh “Khazih thuzuite/nung zuite” cih nopna hi a, hih a khiatnapen Webster’s Dictionary ih a gen na tawh aki naih huai pen a hihi.

Kamsiatna tawh in “Christian” cih kammal a deihna bulpi hong bei ta in Jesu Khazih nung a zui apiangthak bek Christians ci a ki sam nawn lo a, biakna hah kat te ahih kei leh gamtat na hoihte pen Christians ci in ki samta hi. Jesu Khazih Gumpa leh topa a a sang lo ten a ngawn in amau leh amau Christians ci in ki sam dih zen uh hi. Bang hang hiam cih leh amau te biakinn ah ki khawm a pai zel a hih kei leh “Christian” te sungah a om man a hihi. A hi zongin biakinn ah ki khopna, mi sangin Pasian na sep hah katzawk na leh mihoih hih ding han ciamna tawh in Christian ki suak zolo hi. Lungdam na thu tang ko sia pa khat in, “Mawtaw puahna a pai khempeuh mawtaw ahih loh mah bangin, biakinn a apai mi khempeuh pen Christian hi pah lo hi” ci in thu a hilh ngei hi. Pawlpi mi suahna, kikhopna tawntung den keina, leh pawlpi a dinghak kat tak a na sepna te in Christian hong suak sak ngei lo ding hi.

Ahoih ih sep nate pen Pasian mai ah santak a hih loh lam Laisiangtho in tel tak in hong gen hi. Titus. 3:5 na sungah, “nahoih ih sepna ih thuman na hangin amah in eite honghon khia hi lo hi. Ahizongin hong hehpihna hang bek a hihi. Amah in eite nihvei suah kik na tawh a hi zong, Khasiangtho tawh thak suah kik na tawh a hi zongin eite hong honkhia hi” a ci hi. Tua a hihmanin Christian ih cih pen Pasian kiangpan in nih vei suah kikna a ngah te a cih nopna ahihi (John.3:3 ; John.3:7 ; 1Pet.1:23 ). Jesu Khazih a um te bek Christian ci in kiciam tehthei bek hi. Ephet.2:8 na sungah, “….. Pasian hong hehpihna hangin upna tawh gupna ih ngah hi. Ih hoihna hang hi lo hi. Pasian hongpiak letsong a hihi” ci hi. A mawhna a ki sik nu/ pa hi a, Jesu Khazih bek mah um in a pom khempeuh te pen Christian taktak te a hi uh hi. Amau upna pen biakna, gamtat hoih na ding hanciamna, leh sep ding leh seploh ding tawh nuntakna bek hi lo ding hi.

Christian taktak ih cih te in Jesu Khazih gumpa leh topa a, a sang mi, Jesu pen kei tangding in singlamteh tungah sihna hong thuak a, nithum khit ciang in sihna zo in kei tangding in hong tho to kik zo hi ci a, a um mi leh amah a um mi khempeuh te in nuntak tawntungna a ngah hi ci a a um mite a hi uh hi. John. 1:12 na sungah: “Amah a sangmi te leh ama min a ummi khempeuh te tungah Pasian in Tapa ta suahna apia hi” a ci hi. Christian taktak te pen Pasian tate a hi uh hi. Pasian inn kuan pih zong a hihi. Khazih hangin nuntakna thak zong a ngah uh hi. Chrisian taktak ci a, aki ciamtehna pen midang te itna leh Pasian Kammal zuihna a hihi (1John.2:4 ; 1John.2:10).

Hih teng a ki gelh thu te na simna hangin Khazih up ding khentatna na nei kha hiam? Na neih leh hih a nuai a aki gelh, “Tu ni in Khazih ka sang khin ta hi” cih lai ngual met in.


Lai mai kipat na ah ki leh kik in

Thu um mi khat ih cih in bang ahi hiam?