Tu in Jesu um ta ka hih manin bang sem ding ka hi hiam?




Tu in Jesu um ta ka hih manin bang sem ding ka hi hiam?

Hong lungdam pih ing! Nangin nuntak kikhel na khentatna a nei khin na hihi. “Tu-in bang ka sem ding hiam? Keimah in Pasian tawh in koibangin ton khawm dingka hi hiam?” ci-in na dong thei kha ding hi. Laisiangtho sunga, a om hih a nuai a thu nga te-in Lam honglak ding hi. Pasian tawh naton khop na sungah dotnop na neih leh www.GotQuestions.org/Chin/Tiddim na en in.

1. Gupna thu thei na hih lam ki thei-in.

IJohn. 5:13 na sungah, “ Hih thute note kiangah ka hongngen hi. Pasian Tapa a um mi khempeuh te-in tawntung nuntakna ngah a hih na a ki thei ding uh hi” a ci hi. Gupna thu ih theih ding Pasian in hong deih hi. Eite pen tatsa ih hih lam ih ki theih tel ding Pasian in hong deih hi. Gupkhiatna ngah theih na ding lampi tawm khat ki kumsuk lai ni.

(a) Eite pen mawh nei te ih hi hi. Ih sep na khempeuh te hangin Pasian lungtang na hi (Rom. 3:23).

(b) Ih mawhna te hangin eite in Pasian tawh tawn tung kikhen na ahi thukhen na a thuak dingte ih hihi (Rom. 6:23).

(c) Ih mawhna thaman hongloh sak dingin Jesu pen Singlamteh tungah hongsi hi (Rom.5:8, IICorin.5:21). Jesu pen eite tangding in sihna hong thuak a, ih thuak ding thukhen na khempeuh hong lakkhiat sak hi. Jesu ih thawhkikna in aman sihna pen ih mawhna hongsawp siang a hih lam hongthei sak hi.

(d) Jesu um a asang te, amah pen kei tang dingin si hi ci-in a um te tungah Pasian in mawhmaisak na leh gupkhiat na a pia hi. (John.3:16; Rom. 5:1; Rom.8:1).

Hih thu pen gupkhiat na ngah theih na ding a, aki genthu a hihi. Jesu Khazih pen gumpa leh topa a na san leh hotkhiat na a ngah na hihi. Na mawh na khempeuh te hong ki maisak in Pasian in nang hong mangngilh lo a zong hongnusia ngei kei ding hi (Rom.8:38-39; Mate.28:20). Jesu Khazih sungah na ngah gupna pen bit/muanhuai a hih lam thei in (John. 10:28-29). Jesu bek gumpa in sang a um te in vantungah Pasian tawh a tawntung in a mang kahwm ding a hihi!

2. Laisiangtho a hilh pawl pi zongin.

Pawlpi ih cih in a ki lam biakinn hi ci-in ngiah sun kei in. Pawlpi ih cih in mihingte a hi hi. Jesu Khazih sungah thu-um mite pum khat suak a, biak piak na a neih khop na pen a thupi penpen a hihi. Hih pen Pawlpi ih a deihna bul pi zong a hihi. Tu in nang pen Jesu Khazih gumpa in sang khin na hih manin na kiim na paam a om Laisiangtho tawh a ki tuak pawlpi zong in la, pawlpi kem siapa kiangah lut khuan ngen in. Pawlpi kem siapa kiangah Jesu Khazih ugmpa in nasan lam ki thei sak in.

Pawlpi hih na ih a nih na deihna bul pi in Laisiangtho hilh ding a hihi. Na nuntak na dingin Pasian hong hilh thute na zat toh theih na dingin na sin ding ki sam hi. Christian nuntak na sungah ngual zawh na leh vangliatna na ngah theih na ding tawhtang in Laisiangtho theih tel na in na a hihi. IITimothy 3:16-17 na sungah, “ Laisiangtho kammal khem peuh te pen Pasian hu mop a hih manin , thuhilhna, mawhna pulakna, kipuah phatna leh thuman thutak sinna ah a ki zang a hihi. Laisiangtho kammal bek tawh in Pasian mi-in na hoih a sem dingin aki puah pha thei bek a hihi”.

Pawlpi ih a thumna a deihna in biakpiak na a hihi. Biakpiak na ih cih in Pasian ih hong sep sak nate hang in ama tungah lungdam koh na a hihi. Pasian in eite hong hon khia hi. Pasian in eite hongit hi. Pasian in ih ki sap n ate hong sik hi. Pasian in lam honghilh in hong makaih hi. Tua hong sepsak n ate hangin lungdam lo in om thei mawk ding ih hi hiam? Pasian pen siangtho hi. It na tawh ki dim hi. Hehpihna nei hi. Lainatnatawh ki dim hi. Mangmuhna. 4:11 na sungah, “ Aw vanglian Pasian,nangmah in na khem peuh na bawl khin zo hi. Aki bawl n ate pen nang deih bang hi a, nang ma bawl a hihi. Tua a hih manin nangmah in phatna leh pahtawi na piak dingin na ki lawm hi a cih khit ciangin biakna tau nuai ah a lukhu te a koih uh hi.”

3. Pasian tawh kihona hun la den in.

Nisim a Pasian tawh kiho theihna dingin hunlakna pen thupi mahmah hi. Mipawl khat te in “gamdai hun” na ci uh hi. Pawl khat te leuleu in “biakpaik hun” ci uh hi. Bang hang hiam cih leh hih hun pen Pasian tawh ki ho hun ahih man a hihi. Mipawl khat te ih hih Pasian tawh ki ho hun pen zingsang lam in zang uh a, pawl khat te leuleu in nitak lam in a zang uh hi. Hih Pasian tawhki ho hun pen na ut bangbang in ki sam thei a zong na ut hun mah in na nei thei hi. A thupi penpen ah Pasian tawh hun na lak den ding a hihi. Pasian tawh koibangin hun hongla sak thei a hi hiam?

(a) Thunget na. Thungetna ih cih pen Pasian tawh ki ho na a hihi. Ih dieh ih sap na leh ih haksatna teng Pasian tungah ap na a hihi. Khalam pil na leh ama panpih na ih ngah theih na ding in Pasian tungah huh nget na ahihi. Ih ki sap n ate aman hongsik na ding in Pasian tungah ap na zong a hihi. Pasian tungah na it na zah leh ama bawl sa na te hoih hi ci a ama tung ah ih ngen na zong a hihi. Hih dan a sepna pen thunget na a hihi.

(b) Laisiangtho simna. Biak inn ah a hi zong, Sunday school ah a hi zong, Laisiangtho ki hilh n ate ah ahi zong Laisiangtho kihilh nate na ngiah khit ciangin nang leh nang in Laisiangtho na sim ding a hihi. A ngualzo Christian nuntak na tawh na kal suan theih na ding a aki sam thu khempeuh te Laisiangtho sungah om hi. Pilvang tak a khensatna ih neih theih na ding ahi zong, Pasian deih na ih theih theih na ding a hi zong, midang te kiangah Pasian na ih sep dan ding ahi zong, Kha lam ah ih khan toh theih na ding a hizong Laisiangtho sungah om hi. Laisiangtho pen eite a dingin Pasian kammal a hihi. Pasian ih lungkim sak theih na ding leh ih sepna te hangin alungdam theih na ding in ih nuntak zia ding tawh ki sai Pasian hong lam lah na pen Laisiangtho a hihi.

4. Na kha khantohna dingin hong huh thei dingte tawh ki thuah in.

ICorin. 15:33 na sungah, “ Ki ma kaih khial sak kei-in. Mihoih lote tawh na ki thuah leh na ngam tatna hoih teng kisia mang ding hi” a ci hi. Laisiangtho sungah “mihoihlo” te na siatak a ih ki dop ding hong ngen hi. Tua mihoih lote tawh ki thuah khop na in amau na sep hoihlo te hangin ei zong mawhna ki bawl kha thei hi. Ih kiim ih paam a mihoih lo te hangin ih nuntakna “sia mang” thei lai hi. Tua a hih manin Pasian a it a, ama tungah a ki ap te tawh ih ki pawl khop ding thupi mahmah hi.

Na om na pawlpi ah nang hong huh zo ding leh tha hongpia zo ding mi khat a hih kei leh mi nih bang na zongin (Hebia.3:13; 10:24). Gamdai hun na lakna a hizong, na na sepna te a hi zong, Pasian tawh na nuntak nate pen na lawm te in hong theih pih na dingin gen in. Amau zong tua dan mah in a nuntak theihna dingin hanthawn in. Jesu pen gumpa leh topa in a sang nai lo na lawm te tawh ki thuah nawn kei-in a cih na hi lo hi. Amau zong lawm bawl in la it in. Jesu in na nun takna hongkhel a hih lam amau te thei sak inla, abeisa hun a na zat ngei te tu in zang thei nawn lo na hih lam amau te thei sak in. Jesu thu amau te tawh ki kup theih nang hun na ngah na ding Pasian kiangah thu ngen in.

5. Tuiphum in.

Mitam pi takte in tuiphum na tawh ki sai in san khialh na tampi tak nei uh hi. “Baptize” ih a khiatna pen tui sungah ki phum suk a cih nopna a hihi. Tui phumna pen Khazih gumpa a sang na hih na leh ama nungzui ding in khensat na hih na mipi te mai ah lah na a hihi. Tui sungah kiphum suk na in Khazih tawh ki vui khawm a cih nop na ahihi. Tuisung pan thawhto kik na in Khazih ih thawh kik na a gen nop na ahihi. Kitui phum na in Jesu ih sihna, ki vuina, leh a thawh kikna pulak nopna a hihi.

Ahi zongin kituiphum na tawh in gupna ki ngah lo hi. Ki tuiphum na hang in zong na mawh nate hongsawp siang lo ding hi. Ki tuiphum na in thu manna lah na ahihi. Khazih hang bek in gupna ngah ing ci a mipi te mai- ah lah na a hihi. Kitui phum na in thupi mahmah hi . Bang hang hiam cih leh hih pen thuman na ih kal masa a hihi. Khazih um ing ci a lah na zong hi a, ama tungah ih ki ap na zong a hihi. Nang pen tuiphum na la dingin ki nging sa in na om leh pawlpi kem sia khat peuhpeuh tungah tuiphum nuam ing ci a na ngen ding a hi hi.


Lai mai kipat na ah ki leh kik in

Tu in Jesu um ta ka hih manin bang sem ding ka hi hiam?