क्या यीशु ईश्वर ऐ ? क्या यीशु ने कदें आपूं कबूल कीता जे ओह् ईश्वर ऐ ?




सुआल : क्या यीशु ईश्वर ऐ ? क्या यीशु ने कदें आपूं कबूल कीता जे ओह् ईश्वर ऐ ?

जबाब :
यीशु ने बाईबल च कदें बी साफ ते सिद्धे शब्दें च एह् नेईं गलाया जे “अ’ऊं ईश्वर आं” पर एह्दा मतलब एह् बी नेईं जे उ’न्न कदें बी घोशणा नेईं कीती जे अ’ऊं ईश्वर आं। उदाह्रण दे तौर उप्पर जान 10:30 च उद्धृत इनें शब्दे गी लेई सकनेआं “अ’ऊं ते ओह् परम पिता परमेश्वर इक गै रूप न।“ इस संदर्भ च असेंगी सिर्फ यहूदियें दे व्यहार गी दिक्खने दी लोड़ ऐ जिस च उनेंगी लग्गेआ जे ओह् अपने आप गी ईश्वर मिथै करदा ऐ, इस्सै कारण ओह् उसी बार-बार प्रताड़ित करदे न, तूं इक आम माह्नू होइयै अपने आप गी ईश्वर मिथै करना ऐं। यहूदी असल च समझे जे यीशु अपने आप गी देवी-देवता मन्नै करदा ऐ। एह् गल्ल बी ध्यान देने जोग ऐ जे यीशु ने एह्दा कदें खंडन बी नेईं कीता जे अ’ऊं ईश्वर आं। जदूं यीशु ने घोशना कीती अ’ऊं ते परम पिता परमेश्वर इक गै आं। (जान 10:30)ओह् एह् गला करदा हा ओह् ते परम पिता परमेश्वर एक गै रूप न। जान 8:58 च इक होर उदाह्रण उद्धृत ऐ जदूं यीशु गलांदा ऐ अ’ऊं तुसेंगी सच्च दस्सना अब्रह्म दे पैह्लें मेरा जन्म होआ ऐ। मौसैक कनून अनुसार ईश्वर जां धर्म दी निंदा करना गुनाह् समझेआ जंदा ऐ इस आस्तै ओह् पत्थर लेइयै यीशु गी मारने आस्तै त्यार होई जंदे न।

जान बार-बार देवी-देवता दे रूप च यीशु गी दसदा ऐ, ओह् बास्तवक रूप च ईश्वर ऐ (जान 1:1, 4) एह् सत्तरां सिद्धे तौर उप्पर दसदियां न जे यीशु बास्तवक रूप च ईश्वर ऐ, ऐक्ट 20:28 दस्सदा ऐ “चर्च दा अध्यात्मक गुरू होने दे नाते चर्च गी उ’न्न अपने लहू कन्नै सींचेआ ऐ” चर्चा गी अपने लहू कन्नै तर करियै उन्नै उसी एह् रूप दित्ता । यीशु मसीहा, ऐक्ट 20:28 घोशणा करदा ऐ जे उ’न्न चर्चा गी अपने लहू कन्नै सींचेआ ऐ इसलेई यीशु साक्षात ईश्वर ऐ।

ओह्दे शिश्य थामस ने यीशु बारै गलाये दा ऐ “(जान 20:28) मेरा मालक ते मेरा ईश्वर इक गै रूप न। टीट्स 2:13 च असेंगी यीशु दे रूप गी ईश्वर ते तारनहार दे रूप च इंतजार करने लेई प्रेरत करदे न। (टिक्खो 2 पीटर 1:1) हिब्रू च परम पिता यीशु दे बारै च गलाए दा ऐ” पर अपने प्यारे पुत्तर बारै आखदा ए, हे ईश्वर तुंदे बुरे कर्म सारी उमर तुंदे कन्नै रौह्ङन ते चंगे कर्म तुसेंगी राजसत्ता सुख प्रदान करङन। परम पिता ईश्वर यीशू आह्ला शारा करदे होई आखदा ऐ, वास्तव च यीशु गै ईश्वर दा रूप ऐ।

ईश्वरीय ग्यान च दूत जान गी सिर्फ ईश्वर दी पूजा करने आस्तै प्रेरत करदा ऐ। केईं बारी धर्म ग्रंथे च यीशु ने पूजा स्वीकार कीती ऐ (मैथ्यू 2:11, 14:33, 28:9.17 ल्यूक 24:52 जान 9:38) उ’न्न कदें बी लोकें गी पूजा करने आस्तै उकसाया नेईं। अगर यीशु ईश्वर नेईं होंदा, ओह् लोकें गी अपनी पूजा करने आस्तै नेईं आखदा, जि’यां धर्म ग्रंथे च ओह्दे दूत आखदे न। एह्दे लावा बी केईं होर उदाह्रण ते संदर्भ न जेह्ड़े देवी-देवता दे रूप च ओह्दी मानता करोआंदे न। सारे शा बड्डा कारण ते ओह्दा ईश्वर होने दा एह् ऐ जे अगर ओह् ईश्वर नेईं होंदा ओह्दी मृतु दुनिया दे बुरे कर्म दा मुल्ल नेईं चकाई पांदी, इक इंसान दे रूप च, यीशु जि’यां ऐ हा, अगर ईश्वर दा रूप नेईं होंदा, जेह्ड़ा अपार मुल्ल उ’न्न साढ़े पापें दा चकाया ऐ उस परम पिता परमेश्वर अग्गें, ओह् सिर्फ ईश्वर दा रूप गै चकाई सकदा ऐ इक आम इंसान नेईं। सिर्फ ईश्वर गै इस दुनिया दे दुख-दर्द दूर करी सकदा ऐ, (कोरिनथेनस 5:21) उ’यै मरने दे बाद पुर्नजन्म लेइयै मृतु उप्पर जित्त हासल करियै पापें शा मुक्ति पाई सकदा ऐ।



डोगरी दे मुक्ख पन्ने पर बापस जाओ



क्या यीशु ईश्वर ऐ ? क्या यीशु ने कदें आपूं कबूल कीता जे ओह् ईश्वर ऐ ?