यीशु मसीहा गी अपने निजी तारनहार दे रूप च स्वीकार करने दा केह् मतलब ऐ?




सुआल : यीशु मसीहा गी अपने निजी तारनहार दे रूप च स्वीकार करने दा केह् मतलब ऐ?

जबाब :
“क्या तुसें यीशु गी अपने तारनहार दे रूप च स्वीकार कीता ऐ। इसी पूरी चाल्ली समझने शा पैह्लें तुसेंगी त्रै गल्ला समझने दी लोड़ ऐ, यीशु मसीहा, निजी ते तारनहार”

यीशु मसीहा कु’न ऐ ? मते सारे लोक समझदे न ओह् परम पिता परमेश्वर आसेया भेजेया गेदा इक नेक दूत ऐ। एह् सारियां गल्लां ओह्दे मामले च सच्च न, पर पही बी ओह्दी सबूरी तस्वीर पेश नेईं करदियां न, बाईबल असेंगी दस्सदी ऐ जे यीशु वास्तवक रूप च इंसान दे रूप च ईश्वर ऐ, ओह् साढ़ियें गल्तियें ते पापें गी माफ करदे होई साढ़ा स्हेई पथ प्रदर्शन करदा ऐ, ते साढ़े आस्तै अपनी जान दिंदा ऐ। उ’यै इकमात्र इस सृश्टि गी रचने आह्ला ऐ। क्या तुसें यीशु दे इस रूप गी स्वीकार कीता ऐ ?

तारनहार केह् ऐ ते असेंगी ओह्दी केह् जरूरत ऐ ? बाईबल असेंगी दसदी ऐ जे असें सारें पाप कीते दे न, अपने इनें पापे कारण गै अस ईश्वर दे क्रोध ते सजा दे हकदार आं। उस असीम अपार ईश्वर दे रूप दे खलाफ बुरे कर्मे दी सजा बी शरीरक नेईं होइयै आत्मक होनी चाहिदी ऐ। (रोमन 6:23; ईश्वरीय 20:11-15) इस आस्तै असेंगी तारनहार दी जरूरत ऐ।

यीशु ने धरती पर आइयै साढ़ी जगह मृतु गी हासल कीता। ओह्दी मृतु साढ़े बे-स्हाब गुनाहें दी सजा ऐ (2 कोरिनथेनस 5:21) यीशु ने साढ़े पापें दा मुल्ल चकाने आस्तै मृतु हासल कीती। यीशु ने साढ़े पापें दी कीमत अदा कीती ताकि असेंगी इयां नेईं करना पवै। यीशु दा पूर्वजन्म एह् दर्शान्दा ऐ जे मृतु दे रूप च हासल सजा साढ़े पापें दा पूरा-पूरा मुल्ल चकाना तां गै यीशु गै सिर्फ तारनहार दे रूप च होई सकदा ऐ (जान 14:6 ऐक्ट 4:12) क्या तुस तारनहार दे रूप च यीशु पर विश्वास करदे ओ ?

क्या यीशु तुंदा निजी तारनहार ऐ ? मते सारे दा इ’यै मत ऐ जे चर्च जाइयै ईसायत दे अनुसार कर्म करना, पाप नेईं करना गै ईसायत ऐ। एह् ईसायत नेईं ऐ। सच्ची ईसायत ऐ ईश्वर कन्नै आत्मीय सरबंध बनाना। यीशु गी अपना निजी तारनहार दे रूप च स्वीकार करने दा मतलब पूरी शरधा कन्नै अपना सर्वस्व ओह्दे अग्गें समर्पत करना, कुसै पर बी विश्वास करने पर ओह् तुसेंगी बचाई नेईं सकदा ऐ, कोई बी सिर्फ थ्होड़े सारे चंगे कर्म करने पर तुसेंगी माफ नेईं करी ओड़दा, अपने-आप गी बचाने दा इ’यै रस्ता ऐ जे तुस यीशु गी अपने निजी तारनहार दे रूप च स्वीकार करो। इस गल्ला पर विश्वास करो जे उ’न्न साढ़े पापें दा मुल्ल चकाने आस्तै मृतु हासल कीती ही ते ओह्दा पूनर्जन्म अमरत्व प्राप्ति दा यकीन ऐ। (जान 3:16) क्या यीशु निजी तौर पर तुंदा तारनहार ऐ ?

अगर तुस यीशु गी अपने निजी तारनहार दे रूप च स्वीकार करना चांह्दे ओ, तां ईश्वर अग्गें एह् प्रार्थना करो, याद रक्खी सिर्फ इ’यै प्रार्थना तुसेंगी बचाई सकदी ऐ होर कोई नेईं। यीशु मसीहा आसेआ तुंदे आस्तै कीते गेदे कम्म ते ओह्दे पर विश्वास गै तुसेंगी पापें शा मुक्ति देई सकदा ऐ। एह् प्रार्थना सिर्फ एक सिद्धा जने’आ जरिया ऐ उसी अपनी शरधा व्यक्त करने दा ते तुसेंगी मुक्ति प्रदान करने आस्तै शुक्रिया अदा करने दा।

“हे ईश्वर अ’ऊं जानना अ’ऊं तुंदे खलाफ बुरे कर्म कीते न इसलेई अ’ऊं सजा दा हकदार आं, पर अ’ऊं विश्वास करना जे मेरी सजा गी भुगतदे होई यीशु मसीहा मिगी माफ करी ओड़ङन। अ’ऊं तुंदी दया गी कबूल करना ते एह् विश्वास करना तुस मिगी मुक्ति प्रदान करगेओ। अ’ऊं यीशु गी अपने तारनहार दे रूप च स्वीकार करना ते इस दया ते अमरत्व प्रदान करने आस्तै मता-मता धन्नबाद करना । आमीन”।

जो किश इत्थें लिखे दा ऐ उसी पढ़ने दे बाद तुसें ईसाई बनने दा फैसला कीता ऐ, अगर हां ते कृपा करियै “अ’ऊं अज्ज ईसायत गी कबूल करना” उप्पर क्लिक करो



डोगरी दे मुक्ख पन्ने पर बापस जाओ



यीशु मसीहा गी अपने निजी तारनहार दे रूप च स्वीकार करने दा केह् मतलब ऐ?