मुक्ति हासल करने दा रस्ता केह् ऐ ?




सुआल : मुक्ति हासल करने दा रस्ता केह् ऐ ?

जबाब :
क्या तुस भुक्खे ओ शरीरक तौरै पर नेईं बल्के आत्मक तौरै पर, क्या तुसेंगी जीवन च किश होर हासल करने दी भुक्ख ऐ? क्या तुसेंगी लगदा ऐ जे जिंदगी च जो किश तुस हासल करना चांह्दे ओ ओह् नेईं करी सके। अगर इयां ऐ तां यीशु तुसेंगी रस्ता दस्सग यीशु गलांदा ऐ अ’ऊं जिंदगी दा सार आं, जेह्ड़ा बी मेरे कोल आया ऐ कदें बी नराश बापस नेईं गेआ ऐ, ते जेह्ड़ा मेरे पर विश्वास करदा ऐ ओह् एह् सार पाने आस्तै कदें बी त्रेहाए दा नेईं रेआ (जान 6 : 35)

क्या तुस परेशान ओ? क्या तुसेंगी सार्थक जिंदगी जीने दा रस्ता गै हासल नेईं होआ ऐ? क्या तुसेंगी लगदा ऐ जे बाकियें ते जिंदगी रूपी न्हेरे कमरे च रोशनी आस्तै बटन तुप्पी लेआ ऐ, पर तुस अजें बी न्हेरे च भटकै करदे ओ। अगर इयां ऐ तां यीशु तुं’दा पथ प्रदर्शन करग, यीशु घोशणा करदा ऐ अ’ऊं पूरी दुनिया गी ग्यान रूपी रोशनी दिन्ना आं जेह्ड़ा बी मेरे पथ चिन्नै उप्पर टुरग ओह् कदें बी न्हेरे च नेईं भटकग, बल्के जिंदगी जीने दा सार हासल करग। क्या तुसेंगी इयां मैह्सूस होंदा ऐ जे तुं’दी जिंदगी इक जगह् आनियै रुकी गेदी ऐ। तुसें अग्गें टुरने आस्तै केईं दरोआजे खड़काए न पर तुसेंगी नराशा गै हासल होई ऐ। क्या तुस ऐसा दरोआजा पाना चांह्दे ओ जिस चा निकलियै तुस अपना लक्ष्य हासल करी सकदे ओ । यीशु गलांदा ऐ, “अ’ऊं इक ऐसा दरोआजा आं जेह्ड़ा बी परम पिता परमेश्वर गी मिलने आस्तै मेरे राहें गुजरेआ ओह्दा बेड़ा पार होई गेआ। जेह्ड़ा बी इक बारी अंदर आया, उ’न्न स्वर्ग हासल करी लेआ। (जान 10:9)”

क्या बाकी लोक तुं’दी निंदा करदे न, तुं’दा उंदे कन्नै रिश्ता खोखला होई चुके दा ऐ । क्या तुसेंगी इ’यां लगदा ऐ जे हर कोई तुं’दे राहें लाह् हासल करना चांह्दा ऐ। अगर इ’यां ऐ तां यीशु तुं’दा मार्गदर्शन करग, ओह् गलांदा ऐ अ’ऊं तुं’दा सच्चा अध्यात्मक गुरू आं, इक सच्चा गुरू अपने भक्तें आस्तै अपने प्राण बी देई सकदा ऐ इस आस्तै अ’ऊं इक उत्तम गुरू आं की जे अ’ऊं अपने भक्तें गी ते मेरे भक्त मिगी चंगी चाल्ली जानदे न। (जान 14:6)

क्या तुसेंगी र्हानी होंदी ऐ जे मानव जीवन बाद साढ़ा केह् बनग ? क्या तुसें कदें इस नीरस जीवन शा उट्ठियै जीवन जीने दी कोशश कीती ऐ ? क्या तुसेंगी कदें शक्क होंदा ऐ जे साढ़े जीवन दा केह् अर्थ ऐ ? क्या तुस मरने दे बाद बी जीवन जीना चांह्दे ओ अगर इयां ऐ ते तां यीशु तुं’दा मार्गदर्शन करग। ओह् गलांदा ऐ अ’ऊं जिंदगी गी पुनर्जन्म देने आह्ला आं जेह्ड़ा बी मेरे उप्पर विश्वास करग ओह् अमर रौह्ग। अगर ओह् मरदा बी ऐ तां बी मेरे उप्पर विश्वास करने कारण जिंदा रौंह्दा ऐ ओह् असल च कदें बी मृतु गी प्राप्त नेईं होग। (जान 11:25-26) जीवन केह् ऐ? सच्चाई केह् ऐ? मोक्ष हासल करने दा रस्ता केह् ऐ? इस बारे च यीशु दसदा ऐ अ’ऊं गै जीवन दा सार ते सच्च आं कोई बी अह् सब किश हासल करने आस्तै उस परम पिता परमेश्वर कोल मेरे बगैर नेईं जाई सकदा ऐ। (जान 14:6)

जेह्ड़ी भुक्ख तुस मैह्सूस करै करदे ओ ओह् आत्मक ऐ जिसी सिर्फ यीशु गै शांत करी सकदा ऐ। इकमात्तर यीशु गै एह् न्हेरा दूर करी सकदा ऐ। यीशु राहें गै तुस अपने जीवन गी तृप्त करी सकदे ओ। यीशु इक सच्चे दोस्त ते अध्यात्मक गुरु आह्ला लेखा तुं’दी देखभाल करग। इस दुनिया दे लावा उस लोक च बी यीशु गै जीवन दा सार ऐ। यीशु गै मोक्ष प्राप्ति दा जरिया ऐ।

तुं’दी भुक्खै दा कारण लगदा ऐ जे तुस अजें बी न्हेरे च भटकै करदे ओ। तुस जिंदगी जीने दा मतलब नेईं तुप्पी सकै दे की जे तुस ईश्वर शा दूर ओ। बाईबल असेंगी दस्सदी ऐ अस सारे ईश्वर दी नजर शा औह्ल्लै आं (एसेकीलेटस 7:20 रोमन 3:23) साढ़ा ईश्वर कन्नै सिद्धा-सिद्धा रावता होना चाहिदा ऐ, पर अस अपने बुरे कर्मे कारण उस रिश्ते शा दूर आं, सारें शा बड्डा कारण ईश्वर शा दूरी दा साढ़े बुरे कर्म गै न, इस जन्म च बी ते अगले जन्म आस्तै बी।

इस समास्या दा अस कि’यां समाधान करी सकनेआं, यीशु तुसेंगी राह् दस्सग। यीशु साढ़े पाप अपने उप्पर लेई लैग (2 कोरिनथेनस 5:21) यीशु ने साढ़ी जगह मृतु प्राप्त कीती ऐ, उ’न्न ओह् सजा हासल कीती जिसदे हकदार अस हे, त्र’ऊं दिनें बाद उ’न्न मृतु शैया शा उट्ठियै मृतु ते पापें उप्पर जित्त हासल कीती (रोमन 6:4-5) उ’न्न एह् सारा किश की कीता, इस सुआलै दा ओह् आपूं परता दिंदा ऐ जे उ’न्न अपने मित्रें ते भक्तें आस्तै अपनी जान दित्ती ऐ। (जान 15:13) यीशु ने जान दिती तां जे अस सुखी बसचै। अगर अस यीशु पर विश्वास करने आं, एह् मन्नने आं जे उ’न्न साढ़े पापें दा मुल्ल चकाने आस्तै अपने प्राण दित्ते न।

तां गै साढ़े बुरे कर्म ते पाप धोते जाङन। तां जाइयै असेंगी आत्मक शांति मिलग। साढ़े जीवन च चानन होई जाह्ग, अस अपने जीवन दा सार हासल करी सकगे। अस अपने सच्चे दोस्त ते अध्यात्मक गुरु दी पहचान करी सकगे। अस एह् जानी सकगे जे मृतु दे बाद बी पुनर्जन्म लेइयै ईश्वर कन्नै स्वर्ग च अमरत्व हासल करगे। परम पिता परमेश्वर इस दुनिया कन्नै इ’न्ना हिरख करदा ऐ तां गै उन्न इत्थें अपना इक गै पुत्तर भेजेआ ऐ तां जे जेह्ड़ा कोई ओह्दे पर जीवन दा सार पाने आस्तै विश्वास करै उसी दर-बदर नेईं भटकना पवै।

जो किश इत्थें लिखे दा ऐ उसी पढ़ने दे बाद तुसें ईसाई बनने दा फैसला कीता ऐ, अगर हां ते कृपा करियै “अ’ऊं अज्ज ईसायत गी कबूल करना” उप्पर क्लिक करो



डोगरी दे मुक्ख पन्ने पर बापस जाओ



मुक्ति हासल करने दा रस्ता केह् ऐ ?