सुआल
यीशु मसीह कुन ऐ?
जवाब
केह़ परमेसरे दा कोई वजूद ऐ?" इस सुआल दे अलावा बड़े घ़ट लोकें एह़ सवाल कित्ता के केह़ यीशु मसीह दा कोई वजूद हा? एह़ आम तरीके दे रूप च मन्नी लेत्ता जंदा के यीशु सच्च च इक मानू हा जेका करीबन 2000 साल पैह़लैं इस्राएल दी जमीना उप्पर चलदा-फिरदा हा। बैह़स-ब्ह़साई तदुं शुरू ह़ुंदी ऐ जिस वेले यीशु दी पूरी पछान दे बारे च बचार ह़ुंदा ऐ। करीबन ह़रेक खास ध़र्म एह़ शिक्षा दिंदा ऐ के यीशु इक पैगम्बर, जां इक खरा शिक्षक, जां इक ध़ारमक मानू हा। समस्या एह़ ऐ के, बाइबल असेंगी दसदी ऐ के यीशु म्ह़ेशा थवां गै इक भ़विखवक्ता, एक खरे शिक्षक, जां एक ध़ारमक मानूए थवां केई जादा बदीये हे।
सी एस लुईस अपनी कताब मियर क्रिश्चियानिटी (छड़ामात्र मसीहीयत) च एह़ लिखदे न, "अऊ इत्थे कुसे गी बी उस सच्चाई दी मुर्खता दी गल्लां ग्लाने थवां रोकने दा जतन करे करना जिसी लोग अक्सर उदे (यीशु मसीह दे) बारे च ग्लांदे न : "अऊं यीशु गी इक म्ह़ान नैतिक शिक्षक दे रूप च अपनाने आस्ते त्यार ऐं, पर अऊं उदे परमेसर ह़ोने दे दावे गी नेई मनदा। एह़ इक नेह़ी गल्ल ऐ जेकी असेंगी नेई करनी चाईदी।
इक मानू जेका सिरफ इक मानू हा ते इस किस्में दियां गल्लां करदा हा जिय्यां यीशु ने ग्लाई इक म्ह़ान नैतिक शिक्षक नेई ह़ोई सकदा। ओह़ जां ता इक पागल मानू ह़ोना- उस स्तर उप्पर जिय्यां कोई मानू ऐ के ओह़ सड़ेदा अंडा ऐ- जां फी ओह़ नरक दा शैतान ह़ोई सकदा। तुसेंगी अपना चुनाव करना चाईदा। जां ता एह़ मानू, जेका परमेसरे दा पुत्तर हा ते ऐ, जां फी कोई पागल जां किश ह़ोर इदे शा बी जादा बूरा मानू। तुस मुर्खता आस्ते उसी चुप कराई सकदे ओ, उदे उप्पर थुक्की सकदे ओ ते माड़ी आत्मा दे रूप च उसी मारी सकदे ओ, जां तुस उदे चरनें च पेईये उसी प्रभु ते परमेसर बोली सकदे ओ। पर असेंगी कदे बी किरपा कन्ने भ़रोची दी मुर्खता कन्ने एह़ फैसला नेई लेना चाईदा के ओह़ म्ह़ान शिक्षक हा। उन्ने एह चुनाव साढ़े आस्ते खुल्ला नेई छुड़ेदा ऐ। उदा नेह़ा कोई इरादा नेई हा।"
इस आस्ते, यीशु ने अपने आस्ते कुन ह़ोने दा दावा कित्ता? बाइबल केह़ ग्लांदी ऐ के ओह़ कुन हा? सब्बनी थवां पैह़लैं, यूहन्ना 10:30 च यीशु दे शब्दें दी तरफ दिखने आं, अऊं ते पिता इक न।" पैह़ली नजर च अऊं, एह़ परमेसर ह़ोने दे दावे दे रूप च लगदा नेई। पर फी बी, उदे शब्दें उप्पर यहूदियें दी प्रतिक्रिया गी दिखो, "यहूदियें उसी जवाब दित्ता, के भ़ले कम्में आस्ते अस तुगी पत्थर नेई मारदे पर परमेसरे दी निंदेया करने दी बजह़ कन्ने, ते इस आस्ते के तू मानु ह़ोईये अपने आप गी परमेसर बनाना ऐ" (यहून्ना 10:33) यहूदियें यीशु दे इने शब्दें गी परमेसर ह़ोने दा दावा समझ़ेया हा। अग्गे औने आली आईतें च यीशु ने यहूदियें गी सधारने आस्ते कदे बी एह़ नेई ग्लाया, "मैं परमेसर ह़ोने दा दावा नेई कित्ता हा।" एह इशारा करदा ऐ के यीशु एह़ एलान करदे ह़ोए के "अऊं ते पिता इक्क न" (यहून्ना 10:33) सच्च च ग्लाए करदा हा के ओह़ परमेसर ऐ।
यहून्ना 8:58 इक्क ह़ोर मसाल ऐ: यीशु ने ग्लाया, "अऊं तुसेंगी सच-सच ग्लान्नां के इदे शा पैह़लैं के अब्राहम पैदा ह़ोया, अऊं ऐं!" इक बारी फी, प्रतिक्रिया च, यहूदियें पत्थर चुक्किये यीशु गी मारने दा जतन कित्ता (यहून्ना 8:59)। यीशु ने अपनी पछान दा एलान "अऊं ऐं" करिये दित्ता, ओह़ पराने नियम च परमेसर दा ना सिध्दे तौर उप्पर लागू ह़ुंदा हा (निर्गमन 3:14)। यहूदी यीशु गी फी कीं पत्थर मारना चाह़ंदे हे जेकर उन्ने नेह़ा किश नेई ग्लादा ह़ुंदा जिसी ओह़ परमेसरे दी निन्देया करना समझ़े करदे हे, मतलब, परमेसर ह़ोने दा दावा?
यहून्ना 1:1 ग्लांदा ऐ के "बचन परमेसर हा।" यहून्ना 1:14 ग्लांदा ऐ के "बचन देह़ध़ारी ह़ोया।" एह स्पश्ट इशारा करदा ऐ के यीशु गै शरीर रूप च परमेसर ऐ। चेला थोमा यीशु सरबंधी ग्लांदा ऐ के, "हे मेरे प्रभु, हे मेरे परमेसर" (यहून्ना 20:28)। यीशु ने उसी नेई सधारेया। रसूल पौलुस उदा इस रूप च बखान करदा ऐ के, "…अपने म्ह़ान परमेसर ते मुक्तिदाता यीशु मसीह" (तीतुस 2:13)। रसूल पतरस बी इय्यां गै ग्लांदा ऐ के, "…साढ़े परमेसर ते मुक्तिदाता यीशु मसीह" (2 पतरस 1:1) पिता परमेसर बी यीशु दी पूरी पछान दा गुआह़ ऐ, "पर पुत्तर गी ग्लांदा ऐ के, हे परमेसर, तेरा तख्त जुगें-जुगें तकर रौग, तेरे राज दा राजदण्ड न्या दा राजदण्ड ऐ।" पराने नियम दी मसीह आस्ते कित्ती गेदी भ़विखवानियां उदे परमात्मा ह़ोने दा एलान करदियां न के, "किजे साढ़े आस्ते इक पुत्तर दित्ता गेया, ते प्रभुता उदे मुंडे उप्पर ह़ोग, ते उदा ना अनोखी युक्ति करने आला पराक्रमी परमेसर, म्ह़ेशा- म्ह़ेशा दा पिता, ते शांति दा राजकुमार रखेया जाना ऐ" (यशायाह9:6)।
इस्से आस्ते गै, जिय्यां के सी एक लुईस ने दलील दित्ती दी ऐ, के यीशु गी इक खरे शिक्षक दे रूप च मनना कोई चुनाव नेई ऐ। यीशु स्पश्ट रूप च ते परमेसरे नेई ह़ोने दे नकारे जाने आले दावें गी कित्ता ऐ। जेकर ओह़ परमेसर नेई ऐ, तां फी ओह़ झ़ूठा ऐ, ते इस आस्ते ओह़ पैगम्बर, खरा शिक्षक, जां ध़ारमक मानू नेई ऐ। यीशु दे शब्दे दा बखान करदे ह़ोऐ, आधुनिक "बिदबान" एह़ दावा करदे न के "सच्चे इतिह़ासिक यीशु" ने उनें बड़ी सारी गल्लें गी नेई ग्लाया जिनेंगी बाइबल च उन्ने ग्लादा ऐ। परमेसरे दे बचने कन्ने बैह़स करने आले अस कुन ह़ुन्ने आं के यीशु ने ग्लाया जां नेई ग्लाया? किय्या कोई इक्क "बिदबान" जेका यीशु दे 2000 साल बा'द आया च नेह़ा उत्तम ज्ञान उंदे बजाय जेके उदे कन्ने रेह़, जिने उदी सेवा कित्ती ते अप्पु यीशु थवां शिक्षा ह़ासल कित्ती थवां किय्यां ह़ोई सकदा ऐ के यीशु ने केह़ ग्लाया जां केह़ नेई ग्लाया (यहून्ना 14:26)?
यीशु दी पछान उप्पर सुआल इन्ना जरूरी कीं ऐ? इस गल्ला दे केह़ माईने न के यीशु परमेसर ऐ के नेई? इदी सारें थवां जरूरी बजह़ एह़ ऐ के यीशु गी इस आस्ते परमेसर ह़ोना हा ओह़ एह़ ऐ के जेकर यीशु परमेसर नेई ऐ, तां उदी मौत सारी दुनिया दे पापें दे जुर्माने दी कीमत अदा करने आस्ते काफी नेई ह़ोई सकदी ही ( 1 यहून्ना 2:2)। सिरफ परमेसर गै नेह़ असीमित जुर्माने गी भ़री सकदा ऐ (रोमियों 5:8, 2-कुरिन्थियों 5:21) यीशु गी परमेसर ह़ोना हा किजे ओह़ साढ़े कर्ज अदा करी सके। यीशु मानू ह़ोना हा किजे ओह़ मरी सक्के। उध्दार सिरफ यीशु मसीह उप्पर विश्वास करने उप्पर गै उपलब्ध ऐ। यीशु दा परमात्मा ह़ोना गै ऐ किजे उऐ सिरफ उध्दार दा इक रस्ता ऐ। यीशु दा परमात्मा ह़ोना गै ऐ जिदी बजह़ कन्ने उन्ने एह़ एलान कित्ता के, "रस्ता ते सच्चाई ते जीवन अऊं गै ऐं। मेरे बगैर कोई बी पिता कश नेई पुज्जी सकदा" (यहून्ना 14:6)।
English
यीशु मसीह कुन ऐ?