O cei ko Jisu?




Taro: O cei ko Jisu?

Sau ni taro:
E vuqa na vakatataro e na gauna oqo e tarogi tiko kina ni bula tiko na Karisito se segai me vaka na taro ka tarogi taumada ka vaka oqo ne, e bula tiko beka e dua na Kalou? E da vakadinata kece ni a mai bula vakatamata na Karisito ena delai vuravura qo ka dau lako voli kina ena kada maliwa ena vanua ko Isireli ena rua na udolu na yabaki sa oti. E ra vakatavuvulitaka na vakabauta dina e so ni ko Jisu e parofita kai vakavuvuli vinaka ena nona bula voli vakatamata. Ia na dina ena I vola tabu e tukuna vei keda ni cecere cake main a bula ni parofita, bula ni vakavuvuli kei na bula e vakalou.

E nai vola ko C. S. Lewis ka vakatokai (Na Lotu Vakarisito Walega), “Au tovole tiko meu tatovi ira na tamata ka ra vosa vakalialia tiko na Karisito. Au sat u vakarau meu ciqomi koya me noqui vakavuvuli vinaka ia au sega ni ciqoma ni Kalou ko koya. Oqo e dua na ka me kakua saran i tusanaka mai gusuda. E na sega sara ni rawa vua e dua na tamata me vakayacora na veika lelevu ka mai vakarautaka voli vei keda na gone turaga ko Jisu Karisito. E na vaka ga na tamata lialia ko koya ka vakatautauvatataki kei na tamata e bula e na loma ni yalokase na tevoro mei eli. Mo digidigi vakadodonu. E rawa ni vakatokai koya na tamata lialia ko ya me luve ni Kalou se dua na ka e lolovira sara. E rawa ni ko vakadakui koya, kasiviti koya ke vakamatei koya ni sa yalo velavela, se ko rawa talega ni cuva vua ka vakatokai koya me nomu Turaga ka nomu Kalou. Me da kakua ni vakalialiai keda e nai rogorogo ni veika e vakayacora na tamata. E na sega ni solia vei keda e dua na galala ni qaravi Kalou dina baleta ni sa mai vua na tevoro ko koya.

Io, na cava sara mada qai kaya na gone turaga ko Jisu Karisito? Na cava e volai e nai vola tabu me baleti koya na luve ni Kalou? E kaya na nona vosa ka volai e na Joni 10:30, “Keirau sa duabau ga kei Tamaqu.” E na Joni 10:33, “Sa kaya vua ko ira na kai Jutia, sa segai e na vuku ni cakacaka vinaka keimami sa vakaviriki iko kina; ena vuku ga ni nomu vosa vakacacataka na Kalou; ena vuku talega ni ko sa tamata ga, ka sa qisi iko mo Kalou.” E kila vinaka na Jiu na vosa nei Jisu ni vakatusai koya ni o koya dina ga na Kalou: e a sega talega ni vakadiloi ira na Jiu ena ka e tukuna me baleti koya. E sega ni “vakatusa ni Kalou ga ko koya.” E vakamatatataki ena Joni 10:30, “Keirau sa duabau ga kei Tamaqu.” E dua na dina levu talega e volai e na Joni 8:58, “Sa kaya vei ira ko Jisu, e dina, e dina, au sa kaya vei kemudou, ni sa bera ni sucu ko Eparama, au sa bula.” E kaya talega na vosa ni Kalou ena Lako Yani 3:14, “A sa kaya vei Mosese na Kalou, SA BULA KOI AU VAKAI AU: a sa kaya, ko na vosa vakaoqo vei ira na Isireli, o koya sa yacana SA-BULA-KOI-AU sa talai au vei kemuni.”

E na Joni 1:1, e kaya nai vola tabu ni sa Kalou ko koya na vosa. Ena Joni 1:14, “A sa yaco me tamata ko koya na Vosa, ka tiko vata kei keda, (ia keitou a raica na nonai ukuuku, ni sa vaka nai ukuuku ni Le dua bauga sa vakatuburi mai vei Tamana,) sa sinai e na loloma kei na dina. E na Joni 20:28, “A sa vosa ko Tomasi, ka kaya vua, noqu Turaga, ka noqu Kalou!” E na Taito 2:13, “ni da waraka na ka ni veivakalougatataki eda sa nuitaka, kei na nona rairai vakaiukuuku na Kalou levu na nodai Vakabula ko Jisu Karisito. E na vola ni 2 Pita 1:1, “Oi au ko Saimoni Pita, ai talatala kei nai apositolo I Jisu Karisito, vei ira era rawata na vakabauta talei sa tautauvata kei na neitou e na yalododonu ni noda Kalou ko Jisu Karisito nai Vakabula.” Ai vola i Aisea na parofita 9:6, “Ni sa sucu mai e dua na gone me noda, sa soli mai vei keda e dua na gonetagane: ena vakatau kivei koya na lewa; e na vatokai na yacana ko Veivakurabuitaki, nai Vakavuvuli, na Kalou kaukauwa, na Tama ni gauna tawa mudu, na Tui ni Sautu.

E na i vola ka vola ko C. S. Lewis e kaya vaka oqo, na vakabauti Jisu me dua ga nai vakanuinui vinaka e sega ni ka ni digidigi walega. E vakamatatataka na Turaga ko Jisu Karisito ni o koya dina ga na Kalou. Kevaka e sega ni Kalou dina ena rawa ni lasu ka sega ni rawa me vakatokai koya me parofita se qasenivuli, se bula vakalou ko koya. E levu na nodra vakadidike na vuku. E ra tukuna ni levu na veika e volai e nai vola tabu e a tukuna ko Jisu e sega ni dodonu. Na dodonu cava e tu vei keda na tamata me da veiletitaka kina na vosa ni Kalou me baleta na luvena ko Jisu Karisito ena veika e tukuna se sega ni tukuna. E rawa vakacava ki vua na tamata ena gauna oqo me kila vakavinaka cake na veika me baleta na gone turaga ko Jisu Karisito ena ruanaudolu na yabaki sa oti me tautauvata kei ira na bula vata mai kei koya ena gauna ko ya. E kaya na Joni 14:26, “Ia na Dauveivakacegui, na Yalo Tabu, ko koya ena tala mai ko Tamaqu e na yacaqu, ena vakavulici kemudou e na ka kece ga kau a vosataka vei kemudou.” E na 1 Joni 2:2, “ia sai bulubulu ni nodai valavala ca ko koya; a sa sega ena vuku ni noda walega, ena vuku talega ni nodra na kai vuravura kecega.” E ka (Roma 5:8; 2 Corithns 5:21) sa Kalou dina ga ko Jisu ka rawa ni bokoca na nodai valavala ca. E bula vakatamata na gone turaga ko Jisu Karisito me rawa kina ni mate e na kauveilatai. E rawa ga na bula e na noda vakabauta na Luve ni Kalou. O koya ga na sala kin a bula kaya kina na nona vosa e na Joni 14:6, “Sa kaya vua ko Jisu, oi au na sala kei na vu-ni-dina, kei na vu-ni-bula, sa sega ni torovi Tamaqu walega e dua na tamata, e na vukuqu ga.”



Lesu tale kina Home Page



O cei ko Jisu?