Zume woni maana nezzo java Yeesu yo Ceetoowo maaza?



Xamol: Zume woni maana nezzo java Yeesu yo Ceetoowo maaza?

Nooto:
A javii Yeesu woni Ceetoowo maaza? To a yizi paama xamol ngol boozzum, doole artaa annda ko woni “Yeesu Almasiihu,” “mo maaza,” e “Ceetoowo.”

Moye woni Yeesu Almasiihu? Lenyol zuuzve njavay Yeesu Almasiihu yo nezzo koolaazo, o moodibbo mawzo, malla ma o annabiijo Jawmiraawo. Fuu ko wi’a dow maako yo goonga, amma nihi wannginaayi goonga no o woni. Baybul hollii Yeesu no Jawmiraawo nder vanndu, Jawmiraawo warti vii Aadama (raaru Yohana 1:1, 14). Jawmiraawo waru duuniyaaru ngam hollita’en, O yamzina’en, O wo’’ina-en, O yaafoo-en—nden o maayii ngam meezen! Yeesu Almasiihu yo Jawmiraawo, O Tagoowo, O Jaagorzo tedduzo. A javii o’o Yeesu?

Zume woni Ceetoowo, kadin ko wazi ngizan-en Ceetoowo? Baybul wi’i-en en fuu en ngazii junuuba; en ngazii aybe (Ruumanko’en 3:10-18). Ngam daliila junuuba meezen, doole Jawmiraawo tikkana-en nden hiitoo-en. Zatal go’ootal ngal eltuki-en ngam junuubaaji meezen to Jawmiraawo duumiizo mo walaa keerol kanjum woni eltol ngol walaa keerol (Ruumanko’en 6:23; Ruuya Yohana 20:11-15). Kanjum wazi ngizanzen Ceetoowo!

Yeesu wari duuniyaaru nden maayi ngam meezen. Mayde Yesu yo njobdi ndi walaa keerolngam junuubaaji meezen (2 Korintiyanko’en 5:21). Yeesu maayu ngam warta njobdi junuubaaji meezen (Ruumanko’en 5:8). Yeesu yovu ngam enen en mbaawataa njoven. Fintuki Yeesu vaawo maayde hollii Maayde Maako hexanii-en njobdi junuubaaji meezen. Kanjum wazi Yeesu laatii kanko tan Ceetoowo (Yohana 14:6; Kuuze Nulaave 4:12)! A javii Yeesu woni Ceetoowo maaza?

Yeesu woni “Mo maaza” Ceetoowo? Zuuzze e ngi’a yahuki haykaliiru woni Kiristaaku, wazuki dewe, e kadin/ malla wazataa gozzi junuubaaji. Naa non woni Kiristaaku. Kiristaaku ngu goonga woni sumpo maaza e Yeesu Almasiihu. Javuki Yeesu woni Ceetoowo maaza kanjum woni nuzzinki nder maaza e javuki-mo. Walaa seeteteezo e nuzzinki wovve. Walaa njaafeteezo ngam gozze kuuze. Zatal vurdungal seetee woni java Yeesu yo Ceetoowo maaza,nuzzina e maayde Maako woni njobdi junuubaaji maaza e kadin maayde Maako woni garantii hevuki ngeendam nduumiizam (Yohana 3:16). Yeesu woni Ceetoowo maaza?

To a nootake Yeesu yo Ceetoowo maaza aan, wi’I Jawmiraawo haalaaji zi’i. Anndutu, wi’uki ka’a do’a malla ngokka do’a hisnataama. Ko hisnata-ma woni nuzzina e Yeesu Almasiihu e timmoode kuugal maako dow kuroswal ngam maaza heva kisa junuuba. Do’a ka’a tan zum laawol holluki Jawmiraawo nuzzinki maaza e Maako nden ngettaa-Mo ngam Kisndam. “Jawmiraawo, e mi anndi mi wazii junuuba to Maaza nden haandi mi eltee. Amma mi nuzzinii Yeesu Almasiihu roondanake yam ngam non e nuzzinki yam e Maako mi jaafeteezo. Mi hevii humpitoore Maaza nde yaafuye kadin mi hoolake Ma dow Kisndam. Mi javii Yeesu woni Ceetoowo am! Mi yettii Ma ngam yaafuye maaza e barke kimminiize—kanje ngoni ngeendam duumiizam! Aamin!”

A havvii niyya dow Yeesu ngam ko njannguza zo’o? To non, kusu nyo’’u dow "Mi javii Yeesu Almasiihu hannde " dow pezel to les.



Loree to wuro Fulfulde



Zume woni maana nezzo java Yeesu yo Ceetoowo maaza?