settings icon
share icon
Praśn

Aatmik vṛddhi kyā hai?

Uttar


Aatmik vṛddhi Yīśu Masīh kī tarah adhik se adhik banane kī prakriyā hai. Jab ham hamāre viśvās ko Yīśu Masīh men rakhate hain, to Pavitr Atmā hame uske jaisā banāne, uske svarūp kī samāntā men lāne kī prakriyā ko ārambh kar detā hai. Aatmik vṛddhi ko śāyad sabse uttam tarīke men 2 Pataras 1:3-8 men varṇit kiyā gayā hai, jo hame yah batātā hai ki Parmeśvar kī sāmarthy ke dvārā hamāre pāas bhaktimay jīvan ko yāapn karne ke lie "Vah sab kuch hai jiskī hame āvaśyaktā hai," jo ki ātmik jīvan kā lakṣy hai. Dhyān den ki hame jiskī āvaśyaktā hai vah "Uske gyan ke dvārā" ātā hai, jo ki us sab kuch ko prāpt karne kī kunjī hain jiskī hame āvaśyaktā hai. Hammen uskā gyan uske vachan ke dvārā ātā hai, jo ki hamārī unnati aur vṛddhi ke lie diyā gayā hai.

Galātiyon 5:19-23 men do sūciyān dī gaī hain. Vachan 19-21 kī men sūchī "śarīr ke kāmo" kā varṇan hai. Ye ve bāten hain jinase Masīh men uddhār ke lie āne se pahale hamāre jīvan kī pahachān thī. Sarīr ke kām aise kāry hain jinhen hame angīkār karnā hai, paśchātāap karnā hai, aur, Parmeśvar ke sahāyatā se, in par vijay pānī hai. Jab ham ātmik vṛddhi kā anubhav karte hain, tab "śarīr ke kām" hamāre jīvano men kam aur kam hote chale jāte hain. Dūsarī sūchī "Atmā ke phal" kī dī gaī hai (āyat 22-23). Ye vah hain jinase ab hamāre jīvano kī pahachān honī chāhie jinhen ham Yīśu Masīh men uddhār ke lie anubhav karte hain. Aatmik vṛddhi Atmā ke phal ke dvārā pahacānī jātī hai jo ki tejī se ek viśvāsī ke jīvan man pargaṭ hotī hai.

Jab mukti ke parivartan apane sthān ko lete hain, tab ātmik vṛddhi kā ārambh ho jātā hai. Pavitr Atmā ham men vās kartā hai (Yūhannā 14:16-17). Ham Masīh men naī sṛṣṭi ban jāte hain (2 Kurinthiyon 5:17). Purānā manuṣytv naī ko sthān denā ārambh kar detā hai jo ki Masīh ke jaisā manuṣytv hai (Romiyon 6-7). Aatmik vṛddhi ek jīvan bhar chalane vālī prakriyā hai jo ki Parmeśvar ke vachan ke adhyayan aur use apane jīvan ke ūpar lāgū karne ke ūpar (2 tīmuthīyus 3:16-17) aur Atmā men chalane ke ūpar nirbhar kartī hai. Jab ham ātmik vṛddhi kī khoj karte hain, to hame Parmeśvar se prārthanā karnī chāhie aur usse un ṣetro ke lie gyan kī māng karnī chāhie jinamen ham baḍhane kī icchā rakhate hain. Ham Parmeśvar se viśvās men vṛddhi kī aur use jānne ke lie gyan kī māng kar sakate hain. Parmeśvar kī hamāre lie icchāe hain ki ham ātmik rūp se vṛddhi karen, aur usne hame ātmik vṛddhi ke lie vah sab kuch diyā hai jiskī hame āvaśyaktā hai. Pavitr Atmā kī sahāyatā se, ham pāap ke ūpar vijay prāpt kar sakate hain aur tejī se hamāre uddhārkartā, Prabhu Yīśu Masīh ke jaise aur jyādā ban sakate hain.

English



Hindī ya Roman-Nagari ke mukhya pṛṣṭha par vāpsa jāie

Aatmik vṛddhi kyā hai?
Facebook icon Twitter icon Pinterest icon Email icon
© Copyright Got Questions Ministries