settings icon
share icon
Praśn

Bāibal kī pustako ko kab aur kaise ektr karte hue māapdaṇḍ ke dvārā niyamīkṛt kiyā gayā?

Uttar


Sabd ‘‘kainan’’ arthāt pustako ko niyamīkṛt karne kā māapdaṇḍ yā niyamīkarṇ karnā un pustako ke lie upayog kiyā jātā hai jo īśvarīya preraṇā prāpt hain aur islie Bāibal se sambandhit hain. Bāibal ādhārit māapdaṇḍ ko nirdhārit karne men kaṭhināī yah ātī hai ki Bāibal hame un pustako kī sūchī upalabdh nahīn karātī hai jo Bāibal se sambandhit hai. Māapdaṇḍ ko nirdhārit karne kī prakriyā sabse pahale Yahūdī śāstriyon aur vidvāno aur bād men ārambhik Masīhiyon ke dvārā sanchālit kī gaī. Ant men, vah Parmeśvar hī thā jisne yah nirdhārit kiyā ki kaun sī pustak Bāibal ādhārit māapdaṇḍ se sambandhit hai. Pavitr Sāstr kī ek pustak us samay se hī māapdaṇḍ ke sāth sambandhit ho jātī hai jab se Parmeśvar iske lekhan ko prerit kartā hai. Yah Parmeśvar ke dvārā uske mānavīy anuyāyīyon ko nirūttar karne kā ek sādhārṇ sā viṣy thā ki kaun sī pustak ko Bāibal men sammilit kiyā jān chāhie.

Naye Niyam kī tulanā men, Purāne Niyam kī pustako ke niyamīkarṇ karne ke lie māapdaṇḍ ko lekr bahut kam vivād rahā hai. Ibrī viśvāsiyon ne Parmeśvar ke sandeśavāhako ko pahachān liyā thā aur unake lekho ko Parmeśvar ke dvārā prerit mānā liyā thā. Jabki is bāat se inkār nahīn kiyā jā sakatā hai ki Purāne Niyam ke māapdaṇḍ ko lekr bhī kuch vivād rahā thā, parntu 250 īsavī san tak ibrī Pavitr Sāstr ke māapdaṇḍ ke bāre men lagabhag sab kī sahamti ho gaī thī. Keval ek hī viṣy rah gayā thā jo ki Apokriphā kī pustako se sambandhit thā, jise lekr kuch vivād aur vichār-vimarś āj ke samay men bhī chal rahā hai. Adhikānś ibrī vidvān Apokriphā kī pustako ko acche aitihāsik aur dhārmik dastāvejo ke rūp men mānate the, parntu inhen ibrī Pavitr Sāstr kī pustako kī barābarī ke star par nahīn mānate the.

Naye Niyam kī pustako kī, pahachān aur sangrah karne kī prakriyā Masīhī kalisiyā kī ārambhik śatābdiyon men ārambh ho gaī thī. Bahut jaldī hī, Naye Niyam kī kuch pustako ko pahachān liyā gayā thā. Paulus ne Lūkā ke lekho ko Purāne Niyam jitanā hī adhikārik mānā (1 Tīmuthiyus 5:18; Vyavasthā Vivaraṇ 25:4 aur Lūkā 10:7 ko bhī dekhen ). Pataras ne Paulus ke lekho ko Parmeśvar kā vachan mānā (2 Pataras 3:15-16). Naye Niyam kī kuch pustako ko kalisiyāo men sanchārit kiyā gayā thā (Kulussiyon 4:16; 1 Thissalunīkiyon 5:27). Rom nivāsī Klemenṭ Naye Niyam kī kam se kam āṭh pustako kā ullekh kartā hai (95 īsavī san). Antākiyā nivāsī Igneśīyas lagabhag Sāt pustako ko mānyatā detā hai (115 īsavī san). Polīkārp, jo Prerit Yūhannā kā śiṣya thā, 15 pustako ko mānyatā detā hai. (108 īsavī san). Bād men, Ireniyus 21 pustako kā ullekh kartā hai (185 īsavī san). Hipoleṭus 22 pustako ko mānyatā detā hai (170-235 īsavī san). Naye Niyam kī jin pustako ko lekr sabse adhik vivād huā ve Ibrāniyon, Yākūb, 2 Pataras , 2 Yūhannā, aur 3 Yūhannā hai.

Pahalā ‘‘kainan’’ arthāt pustako ko niyamīkṛt karne kā Murātorīyan māapdaṇḍ thā, jise 170 īsavī san men sankalita kiyā gayā. Ibrāniyon, Yākūb aur 3 Yūhannā ko choḍ Murātorīyan māapdaṇḍ men Naye Niyam kī sabhī pustake sammilit thī. 363 īsavī san men, Laudīkiyā kī pariṣada ne yah kathan diyā ki keval Purānā Niyam (Apokriphā ke sāth) aur Naye Niyam kī 27 pustako ko hī kalisiyāo men paḍhaā jān chāhie. Hippo kī pariṣad (393 īsavī san) aur Kārathej kī pariṣad (397 īsavī san ) ne bhī 27 pustako ke adhikārik hone kī puṣṭi kī.

Pariṣado ne Naye Niyam kī koī pustak vāstav me Pavitr Atmā ke dvārā prerit hai yā nahīn kā nirdhārṇ karne ke lie nimn siddhānto kā anusraṇ kiyā thā: 1) Kyā lekhak prerit thā yā uskā kisī ek prerit ke sāth najadīkī sambandh thā? 2) Kyā pustak Masīh kī deh ke dvārā baḍae paimāne par svīkār kī gaī thī? 3) Kyā pustak men dharm siddhānt aur pramāṇik śikṣāen avirodh ā rahe hain? 4) Kyā pustak men uccha naitik aur ātmik mūlyon kā pramāṇ hai jo Pavitr Atmā ke kāry ko darśātā ho? Ek bār phir se, yah smaraṇ rakhanā atimahatvpūrṇ hai ki kalisiyā ne māapdaṇḍ kā nirdhārṇ nahīn kiyā thā. Kisī bhī ārambhik kalisiyā kī pariṣad ne māapdaṇḍ ke ūpar nirṇay nahīn liyā thā. Yah Parmeśvar hī thā, aur keval Parmeśvar hī, jisne yah nirdhārit kiyā ki kaun sī pustak Bāibal se sambandhit thī. Jo kuch Parmeśvar ne pahale se hī uske anuyāyiyo ke lie nirdhārit kar diyā thā use unamen nihit karne ke lie yah keval ek tarīkā mātr thā. Bāibal kī pustako kā sankalan karne kī mānavīy prakriyā men truṭi thī, parntu Parmeśvar, ne apanī prabhusttā men, aur hamārī agyantā aur haṭhapan ke bāvajūd bhī, ārambhik kalisiyā ko un pustako ko pahachānne me sahāyatā kī jo jinhen usne prerit kiyā thā.

English



Hindī ya Roman-Nagari ke mukhya pṛṣṭha par vāpsa jāie

Bāibal kī pustako ko kab aur kaise ektr karte hue māapdaṇḍ ke dvārā niyamīkṛt kiyā gayā?
Facebook icon Twitter icon Pinterest icon Email icon
© Copyright Got Questions Ministries