settings icon
share icon
Praśn

Kalvinavād banām Armenianavād – inamen se kaun sā dṛṣṭikoṇ sahī hai?

Uttar


Kalvinavād aur Armenianavād DharmaVigyan kī do aisī paddhatiyān hain jo uddhār ke viṣay men Parameśvar kī prabhusttā aur manuṣy ke dāayitv ke madhy ke sambandh kī vyākhyā karne kā prayās kartī hain. Kalvinavād ne jaan kalvin, ek phrānsīsī Dharmavaigañānik se nām ko prāpt kiyā hai, jo 1509-1564 men rahe. Armenianavād ne Jakobus Armeniūsa, ek Dach Dharmavaigañānik jo 1560-1609 men rahe se nām ko prāpt kiyā hai.

Dono paddhatiyon ko pānch mukhy bāton men sanskep se prastut kiyā jā sakatā hai. Kalvinavād manuṣy ke pūrṇ patan yā bhraṣṭtā kī dhāraṇ ko detā hai jabki Armenianavād ānśik patan yā bhraṣṭtā kī dhāraṇ ko detā hai. Pūrṇ bhraṣṭtā men kahā gayā hai ki manuṣy kā har ek pahalū pāap se dūṣit hai; islie, manuṣy apane svayaṃ ke yogyatā se Parameśvar ke pāas āne men asamarth hain. Aānśik bhraṣṭtā men kahā gayā hai ki bhale hī manuṣy kā har ek pahalū pāap se dūṣit hai, parantu is sīmā tak nahīn ki vah apane āap Parameśvar men viśvās rakhane kī yogyatā hī nahīn rakhatā hai.

Kalvinavād kī mānyatā men chune jānā binā kisī śart ke sammilit hai, jabki Armenianavād men chune jāne kī saśart mānyatā hai. Binā śart ke chune jānā aisā dṛṣṭikoṇ hai jismen Parameśvar kisī bhī vyakti ke lie uddhār ke uskā chunāv uskī nihit yogyatā ke ūpar ādhārit na hote hue pūrī tarah svayaṃ ke ūpar nirbhar rahate hue kartā hai. Saśart chunāv yah kahtā hai ki Parameśvar kisī vyakti kā uddhār apane us pūrvgyan ke ūpar ādhārit hokar kartā hai jismen vah jānatā hai ki kaun Masīh men uddhār ke lie viśvās karegā, jiske kāraṇ, us śart ke ūpar ki ek vyakti Parameśvar ko chunata hai.

Kalvinavād prāyaśchit ko sīmit rūp men dekhatā hai, jabki Armenianavād ise asīmit rūp men dekhatā hai. Yah bāton bāton men sabse adhik vivādāspad hai. Sīmit prāyaśchit yah mānyatā hai ki Yīśu keval chune huon ke lie hī marā. Asīmit prāyaśchit yah mānyatā hai ki Yīśu sabhon ke lie marā, parantu us kī mṛtyu tab tak prabhāvī nahīn hai jab tak ek vyakti use viśvās ke dvārā svīkār nahīn kar letā.

Kalvinavād kī mānyatā men Parameśvar ke anugrah ke prabal honā sammilit hai, jabki Armenianavād kahtā hai ki ek vyakti Parameśvar ke anugrah kā virodh kar sakatā hai. Prabal rahane vālā anugrah tark detā hai ki jab Parameśvar ek vyakti ko uddhār prāpti ke lie bulātā hai, to vah anivāry rūp se uddhār prāpt karne ke lie ā jāegā. Virodh kie jāne vālā anugrah kahtā hai ki Parameśvar sabhon ko uddhār prāpti ke lie bulātā hai, to yah hotā hai ki bahut se log uskī bulāhaṭ ko virodh karte aur use asvīkār kar dete hain.

Kalvinavād santon kā adhyavasāy yā unhen saṃbhāle rakhane kī dhāraṇ ko mānatā hai jabki Armenianavād saśart uddhār kī dhāraṇā ko mānyatā detā hai. Santon kā adhyavasāy yā unhen saṃbhāle rakhane kī dhāraṇ yah sanket detī hai ki ek vyakti jise Parameśvar ke dvārā chun liyā gayā hai ko Parameśvar uske viśvās aur icchā men is tarah saṃbhāle rakhatā hai ki vah sthāī rūp se Masīh kā inkār nahīn karegā yā use choḍ kar nahīn jāegā. Saśart uddhār aisā dṛṣṭikoṇ hai jo yah mānatā hai ki ek viśvāsī ka Masīh men hote hue bhī apanī svatantar icchā hotī hai, vah Masīh ko choḍ kar jā sakatā hai aur phalasvarūp apane uddhār ko kho sakatā hai.

Is tarah se, Kalvinavād banām Armenianavād ke vād-vivād men kaun sā sahī hai? Yah dhyān denā dilachasp hai ki Masīh kī deh men vividhatā hai, yahān par Kalvinavād aur Armenianavād ke miśraṇ ke sabhī prakāra hain. Yahān par pānch-bāton ko mānane vāle Kalvinavādī hain aur pānch-bāton ko mānane vāle Armenianavādī hain, aur ṭhīk isī samay, tīn-bāton ko mānane vāle Kalvinavādī hain aur do-bāton ko mānane vāle Armenianavādī hain. Bahut se viśvāsī kuch sīmā tak dṛṣṭikoṇo ke miśraṇ kī do bāton tak pahunchate hain. Ant men, yah hamārā dṛṣṭikoṇ hai ki dono paddhatiyān asaphal rah jātī hain kyonki ve na varṇan kie jāne vāle kī vyākhyā karne kā prayās kartī hain. Manuṣy pūrī tarah se is tarah kī vichāradhārā ko pūrṇ rūp se ātmasāt karne ke lie yogya nahīn hai. Hāan, manuṣy ko Masīh men uddhār ke lie viśvās karne ke lie sacche nirṇay ko lene ke lie bulāhaṭ dī gaī hai. Hame aisā jān paḍtā hai ki ye dono sacchāīyān āapsa men virodhābhāsī hain, parantu Parameśvar ke man men ye pūrṇ arth ko nirmit kartī hain.

English



Hindī ya Roman-Nagari ke mukhya pṛṣṭha par vāpsa jāie

Kalvinavād banām Armenianavād – inamen se kaun sā dṛṣṭikoṇ sahī hai?
Facebook icon Twitter icon Pinterest icon Email icon
© Copyright Got Questions Ministries