settings icon
share icon
Praśn

Main kaise Masīhat men man parivartit karke ā sakatā hūn?

Uttar


Yunānī śahar Philippī ke ek vyakti ne kuch isī tarah kā ek praśn Paulus aur Sīlāsa se kiyā thā. Ham is vyakti ke bāre men kam se kam tīn bāton ko jānte hain: Vah ek darogā thā, Vah ek anyjāti thā, aur Vah bahut hī jyādā hatāśā thā. Vah aatmahatyā karne ke bindu tak pahunch gayā thā jab Paulus ne use aisā karne se rokā. Aur tab us vyakti ne pūchā thā ki, "Uddhār pāne ke lie main kyā karūn?" (Preriton ke kām 16:30).

Sacchāī yah hai ki us vyakti ke dvārā pūchā gae praśn yah darśātā hai ki usne uddhār kī āvaśyaktā ko pahachān liyā thā – usne to svayaṃ ke lie keval mṛtyu ko hī dekhā thā, aur vah jāntā thā ki use sahāyatā kī āvaśyaktā thī. Sacchāī to yah hai ki uske dvārā Paulus aur Sīlāsa kī sahāyatā kī māng yah dikhātī hai ki usne viśvās kiyā ki unake pāas uskā uttar thā.

Uttar tejī se aur sādhārṇ sā ātā hai: "Prabhu Yīśu Masīh par viśvās kar, to tū aur terā gharānā uddhār pāegā" (vachan 31). Yah prasang āge dikhātā hai ki us vyakti ne viśvās kiyā aur vah parivartit ho gayā. Uskā jīvan us din se āge bhinntā ko pradarśit karne lagā.

Dhyān den ki us vyakti kā man parivartan viśvās ("bharose") ke ūpar ādhārit thā. Use keval Yīśu men hī viśvās karnā thā aur kisī aur men nahīn. Us vyakti ne viśvās kiyā ki Yīśu hī Parmeśvar kā putr ("Prabhu") thā aur vo Masīh ("Khriṣṭ ") jo ki Pavitr Sāstr ko pūrā kartā hai. Uske viśvās men aisā bharosā bhī sammilit thā ki Yīśu uske pāpon ke lie marā thā aur punah jī uṭhā thā yahī vah sandeś thā jise Paulus aur sīlāsa prachār kar rahe the (dekhen Romiyon 10:9-10 aur 1 Kurinthiyon 15:1-4).

"Man parivartan" kā śabdika arth "muḍane" se hai. Jab ham kisī ek diśā kī or muḍate hain, to ham āvaśyaktā anusār kisī or se dūsarī or muḍ gae hain. Jab ham Yīśu kī or muḍate hain, to hame pāap se muḍanā chāhie. Bāibal pāap kī or se muḍane ko "paśchātāap" aur Yīśu kī or muḍane ko "viśvās" kah kar pukāratī hai. Islie paśchātāap aur viśvās ek dūsare ke pūrak hain. Dono arthāt paśchātāap aur viśvās 1 Thissalunīkiyon 1:9 men sanket die gae hain – "Tum mūrato se Parmeśvar kī or phire." Ek Masīhī viśvāsī apane pīche apane purāne tarīkon ko aur us bas ko jo jhūṭhe dharm se sambandhit ho Masīhat men ek sacche man parivartan ke pariṇāmsvarūp choḍ detā hai.

Sādhārṇ rūp se kahnā, Masīhat men man parivartan ke lie, āapko viśvās karnā chāhie ki Yīśu hī Parmeśvar kā putr hai jo āapke pāpon ke lie mara gayā aur punah jī uṭhā. Aapko sahmat honā hogā ki āap ek pāpī hain jise uddhār kī āvaśyaktā hai, aur āapko keval Yīśu men hī apane bachāv ke lie viśvās karnā hogā. Jab āap pāap se Masīh kī or phirte hain, to Parmeśvar āapko bachāne kī pratigyā detā hai aur āapko Pavitr Atmā detā hai, jo āapko ek naī sṛṣṭi banā detā hai.

Masīhat, apane sacche svarūp men, ek dharm nahīn hai. Bāibal ke anusār, Masīhat, Yīśu Masīh ke sāth sambandh hai. Masīhat vah hai jismen Parmeśvar kī or kisī ko bhī jo Yīśu ke krūs par die hue balidān men bharosā aur usmen viśvās kartā hai, ke lie uddhār kā diyā huā dāna hai. Ek vyakti jo Masīhat men parivartit ho jātā hai kisī ek dharm ko dūsare dharm ke lie tyāg nahīn rahā hai. Masīhat men parivartit honā us varadān ko prāpt karnā hai jise Parmeśvar pradān kartā hai aur Yīśu Masīh ke sāth ek vyaktigat sambandh kā ārambh hai jo ki pāpon kī chhamā aur mṛtyu paśchāt svarg men anantkāl kā pariṇām detā hai.

Is lekh men jo kuch āapne paḍhaā uske kāraṇ kyā āap Masīhat men parivartit hone kī icchā rakhate hain? Yadi āapkā uttar hāan hai, to yahān par ek saral prārthanā hai jise āap Parmeśvar se kar sakate hain. Smaraṇ rakhen, is prārthanā yā koī any prārthanā kā bolanā āapko bachā nahīn sakatā hai. Keval Yīśu men viśvās hī hai jo āapko pāap se bachā sakatā hai. Yah prārthanā usmen apane viśvās ko vyakt karne aur āapke lie uddhār kā prabandh karne ke lie dhanyvād dene kā ek tarīkā mātr hai. "He, Parmeśvar, main jāntā hūn ki main ne āap ke viruddh pāap kiyā hai, aur main sajā kā pātr hūn. Parntu Yīśu Masīh ne us sajā ko svayaṃ par le liyā jiske yogy main thā tāki usmen viśvās karne ke dvārā main chhamā kiyā jā sakū. Main uddhār ke lie āapmen apane viśvās ko rakhatā hūn. Aapke adbhut anugrah tathā chhamā – jo anant jīvan kā upahār hai, ke lie main āapkā dhanyvād kartā hūn! Aamīn."

Jo kuch āpne yahān paḍhaā hai kyā uske kāraṇ āpne Masīh ke pīche chalane ke lie nirṇay liyā hai? Yadi aisā hai to kṛpyā nīche die hue "mainne āja Yīśu ko svīkār kar liyā hai" vāle baṭan ko dabāiye.

English



Hindī ya Roman-Nagari ke mukhya pṛṣṭha par vāpsa jāie

Main kaise Masīhat men man parivartit karke ā sakatā hūn?
Facebook icon Twitter icon Pinterest icon Email icon
© Copyright Got Questions Ministries