settings icon
share icon
Praśn

Un logon ke sāth kyā hotā hai jinhen Yīśu ke bāre men jānne ke lie kabhī avasar nahīn milā? Kyā Parmeśvar aise vyakti ko jisne uske bāre men kabhī nahīn sunā ho nāś karegā?

Uttar


Sab log Parmeśvar ke prati javābedah hain chāhe unhonne ‘‘uske bāre men sunā ho’’ yā nahīn. Bāibal hame batātī hai ki Parmeśvar ne apane āapko prakṛti men (Romiyon 1:20) aur logon ke hṛdayo men (Sabhopadeśak 3:11) spaṣṭ prakaṭ kiyā hai. Samasyā yah hai ki mānav jāti pāap se bharī huī hai; ham sabhī Parmeśvar ke is gyan ko asvīkār kar dete hain aur uske virūddh vidroh karte hain (Romiyon 1:21-23). Yadi yah Parmeśvar kā anugrah na hotā, to ham ko hamārī hiṛday kī pāpī icchāo ke sāth, yah jānne ke lie choḍ diyā gayā hotā ki uske binā jīvan kitanā nirarthk aur dukhdāyī hai. Vah aisā unake sāth kartā hai jo uskā nirantar inkār karte hain (Romiyon 1:24-32).

Sacchāī to yah hai ki, aisā nahīn ki kuch logon ne Parmeśvar ke bāre men nahīn sunā. Iskī apekṣā, samasyā yah hai ki unhonne jo sunā aur jo kuch prakṛti men saraltā se spaṣṭ dikhāī detā hai us ko asvīkār kar diyā hai. Vyavasthā Vivaraṇ 4:29 ghoṣit kartā hai, ‘‘Parntu vahāan bhī yadi tum apane Parmeśvar Yahovā ko ḍhūnḍhoge, to vah tum ko mila jāegā, śart yah hai ki tum apane pūre man se aur apane sāre prāṇ se ḍhūnḍho.’’ yah vachan hame ek mahatvpūrṇ siddhānt kī śikṣā detā hai ki - jo bhī Parmeśvar ko sacchāī se ḍhūnḍhegā vah use pāegā. Yadi koī vyakti sachmuch Parmeśvar ko jānne kī icchā rakhatā hai, to Parmeśvar apane āapko pragaṭ kartā hai.

Samasyā yah hai ki ‘‘Koī samajhdār nahīn, koī Parmeśvar ko khojanevālā nahīn’’ (Romiyon 3:11) log Parmeśvar ke gyan kā inkār karte hain jo ki prakṛti men aur unake hiṛday men upasthit hai, aur iskī apekṣā apanī kalpanā se gaḍhae "īśvar" kī upāasnā karne kā nirṇay karte hain. Islie jise kabhī Susmāchār sunane kā maukā nahīn milā usko Parmeśvar dvārā nark men ḍālne ke bāre men Parmeśvar ke nyāy ke ūpar vivād karnā mūrkhtā hai. Parmeśvar ne logon par pahale se jo kuch pragaṭ kiyā hai uske lie vah Parmeśvar ke sammukh uttardāyī hai. Bāibal kahtī hai ki log is gyan kā inkār karte hain aur islie Parmeśvar dvārā unako nark kā daṇḍ diyā jān sahī hai.

Unake bhāgy par vivād karne kī apekṣā jinhonne Susmāchār kabhī nahīn sunā, hame Masīhī hone ke nāte, apanā sabse uttam prayās karnā chāhie ki ve suniśchit rūp se Susmāchār sunane pāen. Hame sārī jātiyon men Susmāchār prachār karne ke lie bulāyā gayā hai (Mattī 28:19-20, Preriton ke kām 1:8). Ham jānte hain ki log prakṛti men Parmeśvar ke prakaṭ kiye gae gyan kā inkār karte hain, aur yahī hame Yīśu Masīh ke dvārā uddhār ke Susmāchār kā prachār karne lie utsāhit karnā chāhie. Keval Prabhu Yīśu Masīh ke dvārā Parmeśvar kā anugrah grahṇ karke log apane pāpon se bach sakate hain aur Parmeśvar se anantkāl ke lie alag kiye jāne se bachāe jā sakate hain.

Yadi ham yah anumān lagā kar chale ki jinhonne Susmāchār kabhī nahīn sunā unako Parmeśvar kī dayā de dī jātī hai, to ham bhayānak samasyā men paḍ sakate hain. Yadi ve log jinhonne kabhī Susmāchār nahīn sunā bach gae, to yah nyāyochit hai ki ham yah prayās karenge ki koī kabhī bhī Susmāchār sunane hī na pāe. Sabse burī bāat jo ham kar sakate hain vah yah hogī ki ham kisī vyakti ke sāth Susmāchār bāṭaene aur vah ise yā to svīkār kar le yā phir iskā inkār kar de. Yadi aisā hogā, to vah nāś hone ke lie ṭhaharā diyā jāegā. Jo log Susmāchār ko nahīn sunate hain ve nāś ke lie ṭhaharāe hue hain, nahīn to phir Susmāchār ke lie koī preraṇā hī nahīn hogī. Yadi unhonne pahale se hī Susmāchār sunā huā hai aur iske asvīkār aur svayaṃ ko nāś ke lie ṭhaharāe jāne kī saṃbhāvnā hai to phir Susmāchār sunāne ke lie kyon khatarā mol liyā jāe kyonki unhonne pahale kabhī bhī Susmāchār nahīn sunā thā?

English



Hindī ya Roman-Nagari ke mukhya pṛṣṭha par vāpsa jāie

Un logon ke sāth kyā hotā hai jinhen Yīśu ke bāre men jānne ke lie kabhī avasar nahīn milā? Kyā Parmeśvar aise vyakti ko jisne uske bāre men kabhī nahīn sunā ho nāś karegā?
Facebook icon Twitter icon Pinterest icon Email icon
© Copyright Got Questions Ministries