یسوع مسیح کون ہئے؟




سوال: یسوع مسیح کون ہئے؟

جواب:
’’کیہ خُدا موجود ہئے‘‘ سوال دے برعکس ، بوہت گھٹ لوکی سوال کریندے ہِن کے کیہ یسوع مسیح وجود رکھیندا ہاوی۔ ایہہ عام طور اُتے منیا جاوندا ہئے کے یسوع حقیقی طور کوئی بندہ ہاوی جیہڑا دُنیا اُتے اسرائیل بِچ کوئی دو ہزار ورے پہلا ں رہندا ہاوی۔ ایہہ بحث اوس ویلے شروع تھیندی ہئے جدوں یسوع دی مُکمل شناخت اُتے گل بات ہووندی ہئے ۔ تقریباً ہر اہم مذہب سکھاوندا ہئے کے یسوع نبی ہاوی یاں ہِک اچھا اُستاد یا ہِک دیندار انسان ہاوی۔ مسئلہ ایہہ ہئے کے بائبل ڈسیندی ہئے کے یسوع حقیقت طور نبی، اچھا اُستاد یاں دیندار انسان تُوں ودھ ہاوی ۔

سی ایس لوئیس اپنی کتاب محض مسیحیت بِچ ہینہ گل لکھدا ہئے: ’’میں ایتھاں کوشش کریندا ہاں کے کئیں کُوں نہایت بیوقوفانہ گل آکھن تُوں روک سکاں جیہڑی لوکی اکثر اوہندے [یسوع مسیح] پاروں آکھدے ہِن: ’’میں یسوع کُوں ہِک عظیم اخلاقی اُستاد منن کیتے تیار ہاں ، پر میں اوہندے خُدا ہوون دے دعویٰ کُوں نئیں منیندا۔ایہہ ہِک گال ہئے جیہڑی اساں کُوں نئیں آکھنی چاہیدی۔ ہِک انسان جیہڑا انسان ہاوی اتے اجیہی گلاں آکھدا ہاوی جیہڑیاں یسوع آدھا ہاوی، وت اوہ عظیم اخلاقی اُستاد نئیں ہو سکدا۔ اوہ انسانیت دے اوس درجے تک دیوانہ ہوسی جیہڑا آدھا ہئے کے اوہ انڈے بِچوں نکلیا ہئے یاں اوہ دوزخ دا شیطان ہوسی۔ تُہاکوں آپ انتخاب کرناں ہوسی۔یاں اوہ انسان خُدا دا بیٹا ہاوی اتے ہئے ، یاں کوئی پاگل انسان یاں اوہندے تُوں ودھ۔ تُساں اوس بیوقوفی کیتے بند کرسکدے ہو ، تُساں ہوندے اُتے تُھک سکدے ہو اتے اوس نُوں شیطان سمجھ کے مار سکدے ہو ، یاں تُساں ہوندے قدماں اُتے ڈگ سکدے ہو اتے اوس نُوں خُداوند اتے خُدا آکھ سکدے ہو۔ پر اساں اوہندے عظیم انسانی اُستاد ہوون دے نتیجے اُتے ناں پہنچُوں۔ اوس اساڈے کیتے ایہہ رستہ نئیں چھڈیا۔ اوہ اِنج نئیں چاہندہ ہاوی‘‘۔

وت یسوع کیہ ہوون دا دعویٰ کریندا ہاوی؟ بائبل اوہندے پاروں کیہ آدھی ہئے کے اوہ ہئے؟ پہلاں آؤ یوحنا 30:10 بِچ یسوع دے الفاظ اُتے غور کرُوں، ’’میں اتے باپ ہِک ہاں‘‘۔ پہلی نظر بِچ ایہہ خُدا ہوون دا دعویٰ نئیں لگدا ۔ تاہم ، اوہندے بیان پاروں یہودیاں دے ردعمل کُوں ڈیکھوں، ’’اساں تیکوں ایہندے بِچوں کئیں کیتے نئیں پتھر مریندے‘‘، یہودیاں آکھیا، ’’پر کُفر کیتے، کیوں جے تُوں ہِک عام انسان خُدا ہوون دا دعویٰ کریندا ہئے‘‘ (یوحنا 33:10 )یہودی یسوع دے بیان کُوں خُدا ہوون دا دعویٰ سمجھدے ہِن۔اگلی آیتاں بِچ یسوع کڈاہیں ایہہ آکھدیاں ہوئیاں یہودیاں دی اصلاح نئیں کریندا کے ’’میں خُدا ہوون دا دعویٰ نئیں کریندا‘‘۔ایہہ اشارہ کریندا ہئے کے یسوع حقیقتاً آکھدا ہاوی کے اوہ خُدا ہئے، ایہہ اعلان کریندیاں ہوئیاں، ’’میں اتے باپ ہِک ہاں‘‘(یوحنا 30:10 )۔ یوحنا 58:8 ہِک ہور مثال ہئے : ’’میں تُہاکوں سچ آکھدا ہاں ، یسوع جواب دیندا ہئے ، ’’ابراہام دے پیدا ہوون تُوں پہلاں میں ہاں‘‘۔وت جواباً یہودیاں یسوع کُوں مارن کیتے پتھر چا گھدے (یوحنا 59:8 )۔ یسوع دا اپنی شناخت دا اِنج اعلان کرناں ’’میں ہاں‘‘ خُدا کیتے پُرانے عہد نامے دا خُدا کیتے ناں ہئے (خروج 14:3 )۔ یہودی کیوں یسوع کُوں وت پتھر مارنا چاہندے ہاوی ، جے کر اوہنے اجیہا کُجھ نئیں آکھیا کُفر ہووے ، یعنی خُدا ہوون دا دعویٰ؟

یوحنا 1:1 آکھدا ہئے ’’کلام خُدا ہاوی‘‘۔ یوحنا 14:1 آکھدا ہئے ’’کلام متجسم ہوئیا‘‘ ایہہ واضح طور اشارہ کریندا ہئے کے یسوع جسم بِچ خُدا ہاوی۔ تھوما شاگرد یسوع کُوں آدھا ہئے ، ’’میرے خُداوند اتے میرے خُدا‘‘ (یوحنا 28:20 )۔ یسوع اوس غلط نئیں آکھدا۔پولوس رسُول اوس نُوں بطور ’’اساڈا عظیم خُدا اتے نجات ڈیون والا یسوع مسیح‘‘ آکھدا ہئے (طیطس 13:2 ) پطرس رسول ایہو گل آکھدا ہئے ’’اساڈا خُدا اتے نجات ڈیون والا یسوع مسیح‘‘ (دُوجا پطرس 1:1 )۔ خُدا باپ وی یسوع دی پُوری شناخت دی گواہی ہاوی۔’’پر بیٹے پاروں اوہ آدھا ہئے ’’تیڈا تخت ، ائے خُدا ہمیش ہمیش تک راہسی ، اتے راستبازی تیری بادشاہت دا شیوہ ہوسی‘‘۔ پُرانے عہد نامے دیاں مسیح پاروں نبوتاں اوہندی الہیت دا علان کریندیاں نیں، ’’کیوں جے اساڈے کیتے ہِک بال جمیا، اساکوں بیٹا دتا گیا اتے حکومت اوہندے کندہیاں اُتے ہوسی، اتے اوہ عجیب مشیر، خُدائے قادر، ابدیت دا باپ اتے سلامتی دا شہزادہ ہوسی‘‘ (یسعیاہ 6:9 )۔

پس، جیویں سی ایس لوئیس بحث کریندا ہئے، یسوع کو محض اچھا اُستاد مننیندیاں ہوئیاں ہِک آپشن نئیں ہئے۔ یسوع واضح اتے بغیر انکار تُوں خُدا ہوون دا دعویٰ کریندا ہئے۔ جے کر اوہ خُدا نئیں تاں وت اوہ کُوڑھ مریندا ہئے اتے ہنیں پاروں نبی، اچھا اُستاد یاں دیندار انسان نئیں ہئے۔ یسوع دے الفاظ دی وضاحت دی کوشش بِچ جدید عالم دعویٰ کریندے ہِن کے ’’حقیقی تاریخی یسوع‘‘ نے کئی اوہ گلاں نئیں آکھیاں جیہڑیاں بائبل اوہندے نال منسوب کریندی ہئے ۔ اساں کیہندے نال بحث کرُوں ، خُدا دے کلام نال جیہڑا یسوع دے پاروں ڈسیندا ہئے کے اوس آکھیا یاں نئیں آکھیا؟کوئی عالم کئیویں یسوع پاروں جیہڑا دو ہزار ورے پہلاں ہاوی بہتر بصیرت رکھ سکدا ہئے کے اوس کیہ کیتا اتے کیہ نئیں آکھیا، اوہناں کولُوں جیہڑے اوہندے نال راہندے ہِن، خدمت کریندے ہِن اتے جنہاں کُوں خُود یسوع تعلیم دتی (یوحنا 26:14 )؟

یسوع دی اصل پہچان پاروں سوال اتنا اہم کیوں ہئے؟ ایہہ اتنا اہم کیوں ہئے کے آیا یسوع خُدا ہئے یاں نئیں؟ سب تُوں اہم وجہ کے یسوع کُوں خُدا ہوونا چاہیدا ہئے ایہہ ہئے کے جے کر اوہ خُدا ناں ہووندا تاں اوہندی موت پوری دُنیا دے گناہواں دا کفارہ ادا کرن کیتے کافی ناں ہووندی (پہلا یوحنا 2:2 )۔ صرف خُدا اجیہی ابدی سزا دا کفارہ ادا کرسکدا ہاوی (رومیوں 8:5؛ دُوجا کرنتھیوں 21:5 )۔ یسوع کُوں خُدا ہوونا ہاوی تاں جے اوہ اساڈا قرض ادا کرسکے۔ یسوع کُوں انسان ہوونا ہاوی تاں جے اوہ مرسکے۔ نجات صرف یسوع مسیح اُتے ایمان دے وسیلہ نال دستیاب ہئے۔ یسوع دی الوہیت ہئے ، ہینہ پاروں اوہ نجات دا واحد ذریعہ ہئے۔ یسوع دی الوہیت ہئے کیوں جے اوہنے آکھیا ، ’’راہ، حق اتے زندگی میں ہاں، کوئی میرے بغیر باپ تیکر نئیں ویندا‘‘ (یوحنا 6:14)۔



ہندکو ورقے ول مُڑ ونجو



یسوع مسیح کون ہئے؟