Mere liye sahi dharm kya hai?



Sawaal: Mere liye sahi dharm kya hai?

Jawaab:
Fast food ke restaurant bilkul humari pasand ka bhojan dene ke liye humein lubhaate hain. Kuch coffee ki dukaane coffee ke sau se upar swaad aur bhinntaaein hone ki shekhi haankti hain. Yahan tak ki caarein tatha makaan khareedte samay, hum apne ichcha ke vikalpon tatha visheshtaaon ke anuroop dekh sakte hain. Ab hum keval chocolate, vanilla ya strawberry ke sansaar mein nahin rehte hain. Chayan sarvopari hai! Aap apni swem ki vyaktigat roochiyon tatha avashyaktaaon ke anusaar apni zaroorat ki vastuein dekh sakte hain.

To ek aise dharm ke baare mein kya vichaar jo apke liye bilkul sahi hai? Ek aise dharm ke baare mein kya vichaar hai jo ki doshbhawna rahit hai, jo maangein nahin kare, tatha anek kashtkaarak nishedhaagyaaon se bhaargrasht na hon? Wo wahan hai, jaisa ki maine varnan kiya hai, parantu kya dharm kya koi aisi vastu hai jo ki apni mann pasand icecream ki tarah chuna ja sakta hai?

Humara dhyaan akarshit karne ke liye bahut ssari dhwaniyaan spardha mein rehti hai, to phir unse upar phir koi Yeeshu ke naam par kyun na vichaar karein, maan lein Mohummad ya Kanfyooshiyas, Buddha ya Charles taaze rasal, ya Joseph Smith? Aakhir kya sabhi marg swarg ki taraf nahin jaate hain? Kya sabhi dharm moolbhoot ek se nahin hain? Satya ye hai ki sab dharm swarg ki owr nahin le jaate hain jaise saari sadakein India ki owr nahin jaati.

Keval Yeeshu hi Parmeshwar ke adhikaar ke saath baat karta hai kyunki keval Yeeshu ne mrityu par vijay paayi. Mohummad kanfyooshiyas, ya anya aaj tak apni kabron mein dafan hain, parantu Yeeshu, apni swem ki shakti se, kroowr Romi cross par marne ke teen din paschaat kabr se nikal gaya. Koi bhi jiske paas mrityu par adhikaar ho humara dhyaan aakarshit karne ke yogya hai. Koi bhi jiske paas mrityu par adhikaar ho sunne ke liye yogya hai.

Yeeshu ke punrootthaan ke samarthan mein jo gawaahi hai wo abhibhoot karne wali hai. Pehli, jeewit ho uthey Maseeh ke paanch sau se bhi adhik pratyakshdarshi the. Yeh bahut adhik pratyakshdarshi hote hain. Paanch sau awaazon ko andekha nahin kiya ja sakta. Yahan par khaali pari hui kabr ka bhi maamla hai; Yeeshu ke shatru uski mrit sarhi hui, loth ko pesh karke punrootthaan ki saari baton par viraam laga sakte the, parantu wahan par prastut karne ke liye koi loth thi hi nahin! Kabr khaali thi! Kya unke shishya uski loth ko chura sakte the? Bilkul nahin. Aisi sambhawna ki rok-thaam ke liye, Yeeshu ki kabr par hathiyaar bud sainikon ka zabardast pehra tha. Is baat ko dhyaan mein rakhte hue ki uske nikattam anuyaayi uske pakrhey jaane tatha cross par latkaaye jaane se darr ke maare bhaag gaye the, yeh baat bilkul asambhav hai ki darey hue machuaaron ka yeh sadhaaran sa samooh prashikshit peshevar sainikon se loha lete the. Saral satya yeh hai ki Yeeshu ke punrootthaan ka varnan nahin kiya ja sakta!

Phir, jiske paas bhi mrityu par adhikaar hoga wo sunne ke yogya hoga. Yeeshu ne mrityu par apne adhikaar ko pramaanit kiya, isliye, humein sunne ki aavashyakta hai ki vey kya kehta hai. Yeeshu uddhaar ka ekmaatra marg hone ka daawa karta hai (Yohanna 14:6). Woh ek marg nahin hai,woh kai margon mein se ek marg nahin hai, parantu Yeeshu hi marg hai.

Aur yeh wahi Yeeshu kehta hai, “hey sab pareeshram karne wale aur bojh se dabey hue logon, mere paas aao, main tumhein vishraam doonga (Matti 11:28). Yeh ek kathowr sansaar hai tatha jeewan kathin hai. Hum mein se adhiktar achche khaasey raktranjit, ragrhey hue tatha sangharshrat hain. Maante hain? Isliye apko kya chahiye? Punrudwaar ya keval dharm? Ek jeeta-jaagta uddhaarkarta ya maraa hua ‘bhavishyavaktaaon’ (paighumbaron) mein se ek? Ek arthpoowrna sambandh ya nirarthak reeti-rivaaj? Yeeshu ek vikalp nahin hai- Yeeshu hi vikalp hai!

Yeeshu ek sahi “dharm” hai agar aap kshuma chahte hain (Preriton ke kaam 10:43). Yeeshu ek sahi “dharm” hai agar aap Parmeshwar ke saath arthpoowrna sambandh chahte hain (Yohanna 10:10). Yeeshu ek sahi “dharm” hai agar aap swarg mein anant nivaas chahte hain (Yohanna 3:16). Apne uddhaarkarta ke roop mein Yeeshu Maseeh mein apna vishwas rakhein- apko khed nahin hoga. Apne paapon ki kshuma ke liye usmein bharosa rakhein- aap niraash nahin honge.

Agar aap Parmeshwar ke saath ek sahi sambandh rakhna chahte hain, yahan par ek praarthna hai. Smaran rakhein, yeh praarthna ya koi aur praarthna ka kehna apko uddhaar nahin dila sakta. Keval Yeeshu mein vishwas hi hai jo apko paap se bachaa sakta hai. Yeh praarthna to keval Parmeshwar mein apna vishwas vyakt karne tatha apke liye mukti uplabdh karane ke liye hai. “Parmeshwar, main janta hoon ki maine apke virudh paap kiya hai, tatha main dandit hone ka uttaradhikaari hoon. Parantu Yeeshu Maseeh ne dand uthaya, jiske yogya main tha jisse ki usmein vishwas karke main kshuma kiya ja sakoon. Main apne paapon se munh mowrhta hoon, tatha uddhaar ke liye aap mein apna vishwas rakhta hoon. Apke aascharyajanak anugrah tatha kshuma ke liye- anant jeewan ke vardaan ke liye apka dhanyawaad astu!”

Idhar padne ke baad, Christ ke bare main kohi sidhaantt liya? Accha laaga to kripa karke niche ka button press kare " Aaj maine Christ ko grahan kiya".



Hindustani key home page main bapas aye



Mere liye sahi dharm kya hai?