Kya maranoparaant jeewan hai?



Sawaal: Kya maranoparaant jeewan hai?

Jawaab:
Kya maranoparaant jeewan hai? Bible humeinin batati hai, “manushya jo stree se utpann hota hai, woh thorhey dinon ka aur dukh se bhara rehta hai. Woh phool ki naain khilta, phir towrha jata hai; woh chhaaya ki reeti par dhal jata , aur kahin theherta nahin … yadi manushya mar jaye to kya woh phir jeewit hoga” (Ayyub 14:1-2, 14)?

Ayyub ki tarah hi, lagbhag hum sabhi ko is prashn ke dwaara chunauti mili hai. Mrityu ke paschaat yarthaat roop se humko kya hota hai? Kya hum keval jeewit hone ke liye samaapt hote hain? Kya jeewan ek ghoomne wale darwaze ki tarah hai jis mein ki marr jane tatha vyaktigat mahaanta praapt karne ke liye prithvi par phir wapas aa jata hai? Kya sab ek si hi jagah par jaate hain? Kya kahin vaastav mein swarg tatha narak hai, ya keval yeh dimaagh ki ek isthiti hai?

Bible humeinin batati hai ki mrityu ke paschaat keval jeewan hi nahin hai, balki anant jeewan itna mahimaamay hai jisko ki, “ aankh ne nahin dekha, aur kaan ne nahin suna, aur jo baatein manushya ke chitt mein nahin charhi, vey hi hain jo Parmeshwar ne apne prem rakhne walon ke liye tayyaar ki hai” (1 Corinthion 2-9) Yeeshu Maseeh, shareer mein Parmeshwar, prithvi par humeinin yeh anant jeewan ka vardaan dene aaya. “Woh humare hi apraadhon ke liye ghaayal kiya gaya, woh humare adharm ke karmon ke hetu kuchla gaya; humari hi shanti ke liye us par taarhna pari, ki uske kowrhein khaane se hum log changey ho jayein” (Yashayah 53:5)

Yeeshu ne wo dand praapt kiya jiske uttaradhikaari hum sabhi hain tatha usne apna jeewan balidaan kar diya. Usne kabr mein se uthtey hue, aatma tatha shareer mein, apne apko mrityu ke upar vijayi pramaanit kiya. Woh prithvi par chaalis din tak raha tatha swarg mein apne anant nivaas ki owr prastaan karne se pehle hazaaron logon dwaara dekha gaya. (Romeo 4:25) kehta hai, “woh humare apraadhon ke liye pakad waya gaya, aur humeinin dharm ke kasauti par thehraane ke liye jilaaya bhi gaya.”

Maseeh ka punrootthaan ek poowrna roop se sidhkaari hui ghatna thi. Paulus prerit ne logon ko chunauti di thi ki wo uski maanyata ke liye pratyakshdarshiyon se prashn karen, parantu koi bhi uski satyata ka saamna karne ke yogya nahin tha. Punrootthaan Christian vishwas ki aadhar-shila hai, kyunki Christian ko mare hone par bhi jilaya gaya, hum bhi yeh vishwas kar sakte hain ki hum bhi, punarjeewit kiye jayenge.

Paulus ne kuch aarambhik maseehiyon ko phatkaara tha jo is par vishwas nahin karte the: “so jab Maseeh ka yeh prachaar kiya jata hai ki wo maron mein se jee utha, to tumme se kitne kyunkar kehte hain, ki mare huon ka punrootthaan hai hi nahin? Yadi mare huon ka punarutthaan hai hi nahin, to Maseeh bhi nahin jee utha” (1 Corinthion 15:12-13)

Christian hi un logon ki mahaan upaj mein pehla tha jinko ki phir se jeewan ke liye punarjeewit kiya jayega. Shareerik mrityu ek manushya ke dwaara aayo thi, wo Adam tha, jisse ki hum sab sambandhit hain. Parantu wo sab jo Yeeshu Maseeh mein vishwas ke dwaara Parmeshwar ke parivaar mein grahan kiye gaye hain,unhein bhi naya jeewan diya jayega (1 Corinthion 15:20-22). Jaise Parmeshwar ne apni saamarthya se Yeeshu ko jilaya,waise hi Yeeshu ki waapsi par humare shareer bhi punarjeewit kiye jayenge (1 Corinthion 6:14)

Yadyapi hum sab antatah punarjeewit kiye jayenge, parantu hum mein se sab swarg mein ek nahin jayenge. Har ek vyakti ko is jeewan mein ek vikalp hona chahiye aur shaashvat gantavya ko nirdhaarit karega. Bible kehti hai ki humare liye ek baar marna aur uske baad nyay ka hona avashyambhaavi hai (Ibraaniyon 9:27). Dhaarmik vyakti swarg mein anant jeewan mein pravesh karega, parantu avishvaasiyon ko anant dand bhogne ke liye narak mein bheja jayega (Matti 25:16)

Narak, swarg jaisi hi, keval astitva ki sthiti hi nahin hai, parantu ek yathatatya, tatha bahut vaastvik jagah hai. Yeh wo jagah hai jahan adharmi, Parmeshwar dwaara anant shosh ka anubhav karenge. Vey bhaavnaatmak, maansik tatha shareerik yaatna jhelenge, sharm, khed tatha tiraskaar se jaan boojh kar peerhit hote hue.

Narak ka varnan ek athaah gaddhey ke roop mein kiya gaya hai (Luka 8:31; Prakaashit vaakya 9:1) tatha aag aur gandhak ki jheel, jahan ke vaasiyon ko raat aur din, humesha-humesha utpeerhit kiya jayega (Prakaashit vaakya 20:10) narak mein, rona aur daant peesna hoga, atyadhik dukh tatha krodh ka sanket karte hue (Matti 13:42). Woh ek aisi jagah hai “jahan ka keerha nahin marta aur aag nahin bujhti” (Markus 9:48). Parmeshwar dusht ke marne se kuch bhi prasan nahin hota, parantu isse ki dusht apne marg se phir kar jeewit rahe (Yahejkel 33:11). Parantu woh humein samarpan ke liye baadh nahin karega; agar hum usko asweekaar karte hain. Uske paas humko humari chaah ki vastuein dene ke liye chote vikalp hain- ki hum ussey alag rahein.

Prithvi par jeewan ek pareeksha hai- us samay ke liye tayyari jo aane wala hai. Vishvaasiyon ke liye yeh Parmeshwar ki tatkaalik upastithi mein anant jeewan hai. So hum kaise dhaarmik tatha anant jeewan ko praapt karne ke yogya banein. Keval ek hi marg hai- Parmeshwar ke putra Yeeshu Maseeh mein vishwas tatha bharose ke dwaara. Yeeshu ne kaha, “punrootthaan aur jeewan main hi hoon, jo koi mujh par vishwas karta hai, woh yadi marr bhi jayein, to bhi jiyega. Aur jo koi jeeta hai aur mujh par vishwas karta hai, woh anantkaal tak nahin marega…” (Yohanna 11:25-26)

Anant jeewan ka muft uphaar hum sabhi ko uplabdh hai, parantu wo chahta hai ki hum kuch sansaarik anandon se swem se aatmatyaag karein tatha Parmeshwar ke liye swem ko balidaan karein. “Jo putra par vishwas karta hai, anant jeewan uska hai; parantu jo putra ko nahin manta, wo jeewan ko nahin dekhega, parantu Parmeshwar ka krodh us par bana rehta hai” (Yohanna 3:36). Mrityu ke paschaat humeinin apne paapon ka praayischit karne ka avsar nahin diya jayega, kyunki ek baar jab Parmeshwar ko hum aamne saamne dekh lenge, to humare paas us par vishwas karne ke alaawa aur koi vikalp nahin reh jayega. Woh chahta hai ki hum is samay hi vishwas tatha prem se uske paas aayein. Agar hum Yeeshu Maseeh ki mrityu ko Parmeshwar ke virudh humare paap poowrna vidroh ki keemat ke roop mein sweekaar karte hain, to na keval humeinin prithvi par ek arthpoowrna jeewan ki vishvastataa milegi, parantu Maseeh ki upasthiti mein anant jeewan bhi praapt hoga.

Agar aap Yeeshu Maseeh ko apne uddhaarkarta ke roop mein grahan karna chahte hain. Yahan par ek udaahran swaroop praarthna hai. Smaran rakhein, yeh praarthna ya koi aur praarthna ka kehna apko uddhaar nahin dila sakta. Keval Yeeshu mein vishwas hi hai jo apko paap se bachaa sakta hai. Yeh praarthna to Parmeshwar mein keval apna vishwas vyakt karne tatha apke liye uddhaar uplabdh karane ke liye usko dhanyawaad karne ke liye hai. “Parmeshwar, main janta hoon ki maine apke virudh paap kiya hai, tatha main dandit hone ka uttaradhikaari hoon. Parantu Yeeshu Maseeh ne wo dand uthaya, jiske yogya main tha jisse ki usmein vishwas karke main kshama kiya ja sakoon. Main apne paapon se munh morhta hoon, tatha uddhaar ke liye aap mein apna vishwas rakhta hoon. Apke aascharyajanak anugrah tatha kshuma ke liye- anant jeewan ke vardaan ke liye apka dhanyawaad astu!”

Idhar padne ke baad, Christ ke bare main kohi sidhaantt liya? Accha laaga to kripa karke niche ka button press kare " Aaj maine Christ ko grahan kiya".



Hindustani key home page main bapas aye



Kya maranoparaant jeewan hai?