Main yeh nischit taur par kaise jaan sakta hoon ki jab main marunga to main swarg mein jaunga?



Sawaal: Main yeh nischit taur par kaise jaan sakta hoon ki jab main marunga to main swarg mein jaunga?

Jawaab:
Kya apko yeh nischit roop se pata hai ki apke paas anant jeewan hai tatha jab aap mrityu ko praapt honge to swarg mein jayenge? Parmeshwar chahta hai ki aap nischit hon, Bible kehti hai, “main ye saari apke liye likha hai jo Ishwar ki santaan par vishwas karta hai taki aap jaan saken ki apka ek shashwat jeewan hai.” (1 Yohanna 5:13). Maan lein ki aap isi samay Parmeshwar ke samaksh kharhey hain, tatha usne apse poocha, “main tumhein swarg mein kyun aane doon?” To aap kya kahenge? Kya jawab dein, aap shayad nahin jaan payenge. Jo apko jaanne ki avashyakta hai wo yeh hai ki Parmeshwar humse prem rakhta hai tatha usne ek marg uplabdh karaya hai jise hum nischit roop se jante hain jahan par hum ananata vyateet karenge. Bible usko is prakaar se vyakt karti hai, “kyunki Parmeshwar ne jagat se aisa prem rakha ki usne apna eklauta putra de diya, taki jo koi us par vishwas kare, woh naash na ho, parantu anant jeewan paaye.” (Yohanna 3:16)

Sabse pehle hume us samasya ko samajhna hai jo humko swarg se door rakh rahi hai. Samasya yeh hai ki- humara paap poorn charitra humko Parmeshwar ke saath sambandh banana se door rakhta hai. Hum praakritik roop tatha vikalp se paapi hain, “ isliye ki sabne paap kiya hai tatha Parmeshwar ki mahima se rahit hai” (Romeo 3:23). Hum swem apna uddhaar nahin kar sakte. “Kyunki vishwas ke dwaara anugrah hi se tumhara uddhaar hua hai, aur yeh tumhari owr se nahin, varan Parmeshwar ka daan hai. Aur na karmon ke kaaran, aisa na ho ki koi ghumand kare” (Ifisiyon 2:8-9) Hum mrityu tatha narak ke yogya hain. “Kyunki paap ki mazdoowri to mrityu hai” (Romeo 6:23)

Parmeshwar pavitra tatha nyaayi hai tatha usey paap ko dand dena chahiye, phir bhi wo humse prem rakhta hai tatha humare paapon ke liye usne kshuma uplabdh karayi hai. Yeeshu ne kaha, “Marg aur sachchhai aur jeewan main hi hoon, bina mere dwaara koi pita ke paas nahin pahunch sakta” (Yohanna 14:6). Yeeshu humare liye cross par mrityu ko praapt hua, “isliye ki Maseeh ne bhi, arthaat adharmiyon ke liye dharmi ne paapon ke kaaran ek baar dukh uthaya, taki humen Parmeshwar ke paas pahunchaein (1 patras 3:18). Yeeshu mare huon mein se jee utha; woh humare apraadhon ke liye pakad waya gaya, aur humare dharmi theherne ke liye jilaya bhi gaya” (Romeo 4:25)

Isliye, mool prashn ki taraf wapas aayein- “Main yeh nischit taur par kaise jaan sakta hoon ki jab main marunga to main swarg mein jaunga?” iska uttar yeh hai- prabhu Yeeshu Maseeh mein vishwas rakhen, aur aap uddhaar payenge (Preriton ke kaam 16:31). Parantu jitnon ne usey grahan kiya, usne usey Parmeshwar ke santaan hone ka adhikaar diya, arthaat unhein jo uske naam par vishwas rakhtein hain” (Yohanna 1:12). Aap anant jeewan ek muft uphaar ke roop mein praapt kar sakte hain. “Parmeshwar ka vardaan humare prabhu Yeeshu Maseeh mein anant jeewan hain” (Romeo 6:23). Aap abhi se hi ek poora tatha arthpoorn jeewan jee sakte hain. Yeeshu ne kaha : “main isliye aaya ki vey jeewan payein aur bahutayat se payein” (Yohanna 10:10). Aap swarg mein Yeeshu ke saath anantata kar sakte hain, kyunki usne vachan diya tha: “aur yadi main jaakar tumhare liye jagah tayyaar karoon, to phir aakar tumhein apne ghar le jaunga, ki jahan main rahoon wahaan tum bhi raho” (Yohanna 14:3).

Agar aap Yeeshu ko apne uddhaarkarta ke roop main sweekaar karna chahte hain tatha Parmeshwar ki owr se kshuma praapt karna chahte hain, to yahan par ek praarthna hai jo aap kar sakte hain. Yeh praarthna ya koi aur praarthna ka kehna apka uddhaar nahin kar sakta hai. Keval Yeeshu mein vishwas hi hai jo apko paap se bachaa sakta hai. Yeh praarthna to Parmeshwar mein apna vishwas vyakt karne tatha apke liye uddhaar uplabdh karane ke liye usko dhanyawaad karne ke liye hai. “Parmeshwar, main janta hoon ki maine apke virudh paap kiya hai, tatha main dandit hone ka uttaradhikaari hoon. Parantu Yeeshu Maseeh ne wo dand uthaya, jiske yogya main tha jisse ki usmein vishwas karke main kshuma kiya ja sakoon. Main apne paapon se munh mowrhta hoon, tatha uddhaar ke liye aap mein apna vishwas rakhta hoon. Apke aascharyajanak anugrah tatha kshuma ke liye dhanyawaad astu!

Idhar padne ke baad, Christ ke bare main kohi sidhaantt liya? Accha laaga to kripa karke niche ka button press kare " Aaj maine Christ ko grahan kiya".



Hindustani key home page main bapas aye



Main yeh nischit taur par kaise jaan sakta hoon ki jab main marunga to main swarg mein jaunga?