Saludsod
Ni Jesu-Cristo aya ket Dios? Inaklon aya Ni Jesu-Cristo nga Isu ket Dios?
Sungbat
Pudno nga awan ti versikulo idiay nasantoan nga kasuratan nga deritso nga imbaga ni Jesu-Cristo iti kastoy, “Siyak ket Dios” ngem saan a kayat nga sawen nga katno man saan na nga impakaammo nga Isu ket Dios. Maysa kadagiti pammaneknek ket diay imbaga ni Jesu-Cristo idiay Juan 10:30, “Siak ken ti Ama,maymaysakami.” Iti biglaan nga panagkita,kasla saan nga deritso nga inaklon na nga Isu ket Dios. Ngem, para kadagiti Hudyo ti imbaga Ni Jesus ket nalawag nga pag aklon nga Isu ket Dios. Kastoy ti reaksiyon dagiti Hudyo, “Saandaka nga uboren gapu kadagiti naimbag nga aramid, no di ket gapu iti saom a maikontra iti Dios,Maysa ka la a tao, ket pagbalinem ketdin a Dios ta bagim”(Juan 10:33) kadagiti naibaga nga versikulo, saan nga inhusto ni Jesu-Cristo dagiti Hudyo nga kasla iti panangibaga nga,”Saan ko nga aklonen iti panagbalin nga Dios.” Ipakpakaammo na laeng daytoy nga Ni Jesu-Cristo ket Dios idi kinuna na nga “Siak ken ti Ama, maymaysakami” (Juan 10:30). Idiay Juan 8:58, kastoy met iti kinuna ni Jesus, “Ibagak ti pudno kadakayo: Sakbay nga nayanak ni Abraham,addaakon.” Nagpidut dagiti tattao kadagiti bato a pangubor ken ni Jesus. Apay nga kasapulan nga uboren dagiti Hudyo Ni Jesu-Cristo, no awan ti kinunana nga iti pammati da a maikontra iti kanaganan ti kangatoan a Dios?
Kunkunaen iti Juan 1:1,” Idi punganay, addan ti Sao,ket ti Sao Kadua ti Dios, ket ti Sao, Dios.” Idiay Juan 1:14, ti nakasurat ket kastoy,” Nagbalin a Tao ti Sao ket nakipagtaeng kadatayo;”daytoy ket nalawag nga ipakpakaammo nga Ni Jesu-Cristo ket Dios nga nagbalin nga tao. Kinuna kadatayo idiay Aramid 20:28,” Annadanyo ngarud ti bagbagiyo ken ti amin nga arban nga impaaywan ti Espiritu Santo kadakayo. Wen, aywananyo ti Iglesia ti Dios a ginatangna babaen ti dara ti Anakna.” Daytoy ket pammaneknek nga Ni Jesu-Cristo ket pudno a Dios.
Kastoy met ti kinuna ti maysa kadagiti adalan ni Jesus nga ni Tomas,”Apok ken Diosko!” (Juan 20:28). Kuna ti Tito 2:13 “Bayat ti panaguraytayo iti nagasat nga Aldaw a namnamaentayo, inton agparang ti dayag ni Jesu-Cristo a naindaklan a Dios ken Mangisalakan kadatayo.” Pinapigsa ti nakem tayo bayat ti panagururay tayo ti panagsubli ti Apo ken Mangisalakan tayo, Ni Jesu-Cristo (basaen pay ti 2 Pedro 1:1). Mabasa tayo idiay Hebreo 1:8, “kastoy ti pannangipakaammo ti Dios Ama kenni Apo Jesu-Cristo, Ti tronom, O Dios, agnanayon nga awan patinggana! Agturayka a sililinteg iti pagariam.”
Idiay libro ti Paltiing, insuro ti Anghel kenni Apostol Juan nga ti Dios laeng ti dayawen ken pagrukbaban (Paltiing 19:10). Naminadu nga ulit nga naisurat idiay nasantoan nga kasuratan nga dinayaw da ni Jesu-cristo (Mateo 2:11; 14:33; 28:9, 17; Lucas 24:52; Juan 9:38) katno man ket saan nga pinaritan Ni Jesu-Cristo dagiti nagdayaw ken nagrukbab Kenkuana . No Isuna ket saan nga Dios binagaan na kuma dagiti tao nga saan da nga agdayaw ken agrukbab Kenkuana, kasla iti inaramid ti Anghel kenni Apostol Juan idiay Paltiing 19:10. Adu pay nga versiculo ti Biblia nga paneknek nga Ni Jesu-Cristo ket Pundo nga Dios.
Iti kapatgan nga naaramid ti pagka Dios ni Jesu-Cristo ket ti panangidaton na ti biag na, ti pannakatay na tapno umdas nga bayad ti basol ti sangkalubongan(1 Juan 2:2).Ti Dios laeng iti adda kabaelan na ken kinalinteg nga mangiyaon ti tao manipud iti awan patinggana nga parusa. Ti Dios laeng ti makabalin nga akwen ti basol ti sangkalubongan (2 Corinto 5:21) Gapu ti pannakatay ken panagbiag ulit Ni Jesu-Cristo, Paneknek nga inabak na ti basol ken ipapatay.
English
Ni Jesu-Cristo aya ket Dios? Inaklon aya Ni Jesu-Cristo nga Isu ket Dios?
