settings icon
share icon
Vraog

Waat beteikent 't óm Jezes aan te numme es diene persuunlikke Redder?

Antjwoord


Höbs dich Jezes oets es diene persuunlikke Redder aangenómme? Veur des se antjwoord geufs, wil ich die vraog efkes oetlègke. Óm dees vraog good te begriepe, mós se iers de weurd “Jezes Kristes”, “persuunlik” en “Redder” good begriepe.

Waem is Jezes Kristes? Väöl miense zulle d'r mèt injstömme det Jezes Kristus eine gooie miens waor, of eine gooie lierer of mesjien zelfs eine profeet van God. Al dees dinger zeen zeker waor euver Jezes, mer ze omsjrieve eigenlijk neet waem Jezes ech is. De Biebel vertèlt ós det Jezes God in ein mienselijk lief is. God is eine miens gewaore (kiek mer nao Johannes 1:1,14). God kwaom nao de aerd óm ós te óngerwieze, ós te genaeze, ós te korrezjere, ós te vergaeve... en veur ós te sjterve! Jezes Kristus is God, de Sjöpper, de almechtige Hieër. Höbs dich déze Jezes aangenómme?

Waat is eine Redder en waoróm höbbe veer eine Redder nudig? De Biebel vertèlt ós det veer allemaol gezunjigd höbbe. Veer höbbe allemaol sjlechte dinger gedaon (Romeine 3:10-18). Es resultaat van oos zunj höbbe ver rech op Gods woede en oerdeil. De einsige terechte sjtraof veur de zunj die veer begaon höbbe, is eine óneindige sjtraof (Romeine 6:23; Aopebaring 20:11-15). Daoróm höbbe veer eine Redder nudig!

Jezes Kristes is nao de aerd gekómme en is in oos plaats gesjtórve. De doed van Jezus, “God in 't vleis”, waor eine óneindige betaling veur oos zunj (2 Korintiërs 5:21). Jezes is gesjtórve óm de boete te betale veur oos zunj (Romeine 5:8). Jezes haet de pries betaald, zoedet veer det neet mier hove te doen. Daoróm is Jezes de einsige echte Redder (Johannes 14:6; Hanjelinge 4:12)! Vertroes dich op Jezes es diene Redder?

Is Jezes diene “persuunlikke” Redder? Väöl miense dènke det 't Kristedóm nieks angers is es nao de kirk gaon, rittewele oetveure en bepaolde zunjige dinger neet mier doon. Mer det is neet waat 't Kristedóm is. Echt Kristedóm is eine persuunlikke relasie mèt Jezes Kristes. Jezes aannumme es diene persuunlikke Redder beteikent des se dien eige, persuunlikke geluif in Häöm sjtèls en op Häöm vertroes. Nemes kin gered waere door 't geluif van angere miense. Nemes kin vergaeve waere door bepaolde dinger te doon of te laote. De einsige meneer om gered (verlost) te waere is óm Jezes persuunlik aan te numme es diene Redder, d'rop vertroewe det Ziene doed haet betaald veur dien zunj en det Zien opsjtenjing de geransie is veur ein iewig laeve (Johannes 3:16). Is Jezus diene persuunlikke Redder?

Es se Jezes wils aannumme es diene persuunlikke Redder, zègk den de volgende weurd taege God. Vergaet neet det 't opzègke van ein gebèd dich noets zal kinne redde. Allein ein echt vertroewe in Kristes kin dich oet dien zunj redde. Dit gebèd is gewoen ein meneer óm aan God dudelik te make des se in 'M geluifs en óm 'M te danke veur dien redding. "God, ich weit det ich taege Uch gezunjigd höb en det ich eine sjtraof verdeen. Mer Jezes Kristes haet de sjtraof dae ich verdeen op Zich genómme, zoedet ich vergaeve kin waere door in Häöm te geluive. Ich kier mich noe aaf van mien zunj en vertroe allein op Uch veur mien redding. Ich neem Jezes aan es miene persuunlikke Redder! Danke veur Eur manjefieke genade en vergaeving: 't kado van 't iewige laeve! Ame!"

Höbs dich ein besjloet genómme veur Kristes door was se hie höbs gelaeze? Es det zoe is, klik den estebleef op de knoep "Jao, ich höb Jezes vandaag aangenómme".

English



Trök nao de Limburgse toespagina

Waat beteikent 't óm Jezes aan te numme es diene persuunlikke Redder?
© Copyright Got Questions Ministries