ചോദ്യം
ക്രിസ്തുവിനെ സ്വന്ത രക്ഷകനായി സ്വീകരിക്കുക എന്നാൽ എന്താണ്‌ അര്‍ത്ഥം?
ഉത്തരം
യേശുക്രിസ്തുവിനെ നിങ്ങൾ എപ്പോഴെങ്കിലും സ്വന്ത രക്ഷകനായി സ്വീകരിച്ചിട്ടുണ്ടോ? ഈ ചോദ്യം നിങ്ങൾക്ക് വ്യക്തമാകണമെങ്കിൽ ആദ്യം "യേശുക്രിസ്തു" "സ്വന്തം" "രക്ഷകൻ" എന്ന വാക്കുകളുടെ അർത്ഥം നിങ്ങൾ മനസ്സിലാക്കണം.
യേശുക്രിസ്തു ആരാണ്‌? യേശുക്രിസ്തുവിനെ ഒരു നല്ല മനുഷനായും, ഒരു വലിയ ഉപദേഷ്ടാവായും, ഒരു പ്രവാചകനായും പലരും അംഗീകരിക്കാറുണ്ട്‌. യേശുവിനെ പ്പറ്റി ഇതൊക്കെ ശരിയാണു എന്നാൽ യഥാർത്ഥമായി യേശു ആരാണ്‌ എന്നത്‌ അവ വ്യക്തമാക്കുന്നില്ല. സത്യ വേദപുസ്തകം വളരെ വ്യക്തമായി പഠിപ്പിക്കുന്നത്‌ യേശുക്രിസ്തു മനുഷ്യനായി വന്ന ദൈവമാണെന്നാണ്‌ (യോഹന്നാൻ 1:1,14). ദൈവം മനുഷനായി ഈ ഭൂമിയിൽ വന്നത്‌ നമ്മെ ദൈവത്തിന്റെ വഴികൾ പഠിപ്പിക്കുവാനും, നമ്മെ സുഖപ്പെടുത്തുവാനും, ശരിയായ വഴിയിൽ നടത്തുവാനും, നമ്മോട്‌ ക്ഷമിക്കുവാനും എല്ലാറ്റിനും ഉപരിയായി നമുക്കായി മരിക്കുവാനും വേണ്ടിയാണ്‌! യേശുക്രിസ്തു സൃഷ്ടിതാവായ ദൈവമാണ്‌. താൻ സർവ്വാധികാരിയായ കർത്താവാണ്‌. ഈ ക്രിസ്തുവിനെ നിങ്ങൾ സ്വീകരിച്ചിടുണ്ടോ?
രക്ഷകൻ എന്നാൽ എന്താണ്‌; ആർക്കാണ് രക്ഷകനെ ആവശ്യം? ബൈബിൾ പഠിപ്പിക്കുന്നത്‌ നാമെല്ലാവരും തെറ്റു ചെയ്തിട്ടുള്ളതുകൊണ്ട്‌ ദൈവത്തിന്റെ ദൃഷ്ടിയിൽ പാപികൾ ആണെന്നാണ്‌ (റോമർ 3:10-18). പാപത്തിന്റെ ശമ്പളം മരണമാണ്‌ (റോമർ 6:23). നിത്യനായ ദൈവത്തിന്‌ എതിരായിട്ടു പാപം ചെയ്താൽ അതിന്റെ ശിക്ഷയും നിത്യ ശിക്ഷയാണ്‌ (വെളിപ്പാട് 20:11-15). ആയതു കൊണ്ടാണ്‌ നമുക്ക്‌ ഒരു രക്ഷകനെ ആവശ്യമായിരിക്കുന്നത്‌!
യേശുക്രിസ്തു ഈ ഭൂമിയിൽ മനുഷ്യനായി വന്ന് നമ്മുടെ പാപ പരിഹാരത്തിനായി ക്രൂശിൽ മരിച്ചു. (2കൊരിന്ത്യർ 5:21). തന്റെ മരണം നിത്യ പാപ പരിഹാർമായി തീർന്നു കൂടാതെ നമ്മുടെ പാപത്തിന്റെ ശമ്പളം കൂടി ആയിരുന്നു.(റോമർ 5:8) പാപത്തിന്റെ ശമ്പളം താൻ തന്നേ വഹിച്ചതിനാൽ ഇനിയും നാം ആ ശിക്ഷ വഹിക്കേണ്ട ആവശ്യമില്ല. നമ്മുടെ പാപ പരിഹാരത്തിനായി യേശുവിന്റെ മരണം മതിയായതാണെന്നതിന്റെ തെളിവാണ് അവന്റെ ഉയിർത്തെഴുന്നേൽപ്പ്. അതുകൊണ്ടാണ്‌ അവൻ മാത്രമാണ് ഒരേ ഒരു രക്ഷകൻ എന്നു പറയുന്നത് (പ്രവർത്തികൾ 4:12; യോഹന്നാൻ 14:6). ഈ യേശുവിനെ നിങ്ങളുടെ രക്ഷിതാവായി വിശ്വസിക്കുന്നുണ്ടോ?
യേശുക്രിസ്തു നിങ്ങളുടെ സ്വന്ത രക്ഷകനാണോ? പലരും വിചാരിക്കുന്നത്‌ ക്രിസ്ത്യാനി എന്ന് പറയുന്നത് പള്ളിയിൽ പതിവായി പോവുക, നല്ല കർമ്മങ്ങൾ ചെയ്യുക, ചില പാപങ്ങൾ ചെയ്യാതിരിക്കുക എന്നതൊക്കെയാണെന്നാണ്‌. ക്രിസ്ത്യാനിത്വം അതല്ല. യേശുക്രിസ്തുവുമായി ഒരു സജീവ ബന്ധത്തിൽ ഏർപ്പെടുക എന്നാണ്‌ അതിന്റെ അർത്ഥം. യേശുക്രിസ്തുവിനെ സ്വന്ത രക്ഷകനായി സ്വീകരിക്കുക എന്നാൽ നിങ്ങളുടെ പൂർണ്ണ വിശ്വാസവും ആശ്രയവും തന്നിൽ വയ്ക്കുക എന്നാണർത്ഥം . വേറൊരാളുടെ വിശ്വാസം കൊണ്ട്‌ നിങ്ങൾക്ക് രക്ഷിക്കപ്പെടുവാൻ കഴികയില്ല. നിങ്ങളുടെ പുണ്യ പ്രവർത്തികൾ കൊണ്ടും നിങ്ങൾക്ക് രക്ഷിക്കപ്പെടുവാൻ സാധിക്കയില്ല. രക്ഷിക്കപ്പെടുവാനുള്ള ഒരേ വഴി യേശുക്രിസ്തുവിന്റെ മരണ പുനരുദ്ധാരണങ്ങളിലുള്ള നിങ്ങളുടെ വിശ്വാസവും തന്നിലുള്ള നിങ്ങളുടെ ആശ്രയവും മാത്രമാണ് (യോഹന്നാൻ 3:16). യേശുക്രിസ്തു നിങ്ങളുടെ സ്വന്ത രക്ഷിതാവാണോ?
യേശുക്രിസ്തുവിനെ സ്വന്ത രക്ഷകനായി സ്വീകരിക്കുവാൻ നിങ്ങൾക്ക് ആഗ്രഹമുണ്ടെങ്കിൽ ഈ പ്രാര്‍ത്ഥന അതിന്‌ ഉപകരിക്കും. ഈ പ്രാര്‍ത്ഥനയോ മറ്റേതെങ്കിലും പ്രാര്‍ത്ഥനയോ നിങ്ങളെ രക്ഷിക്കുകയില്ല. ക്രിസ്തുവിലുള്ള നിങ്ങളുടെ വിശ്വാസമാണ്‌ നിങ്ങളെ രക്ഷിക്കുന്നത്‌. ഈ പ്രാര്‍ത്ഥന ക്രിസ്തുവിങ്കലുള്ള നിങ്ങളുടെ വിശ്വാസത്തെ വെളിപ്പെടുത്തുവാനുള്ള ഒരു മാര്‍ഗ്ഗം മാത്രമാണ്. "കര്‍ത്താവേ, ഞാന്‍ തെറ്റു ചെയ്തിട്ടുണ്ടെന്നും ശിക്ഷായോഗ്യനാണെന്നും ഞാൻ അറിയുന്നു. യേശുകര്‍ത്താവ്‌ എന്റെ പാപപരിഹാരാര്‍ത്ഥം മരിച്ചടക്കപ്പെട്ട്‌ മൂന്നാം നാള്‍ ഉയിര്‍ത്തെഴുന്നേറ്റ്‌ സ്വര്‍ഗ്ഗത്തിൽ ജീവിക്കുന്നു എന്ന് ഞാൻ വിശ്വസിക്കുന്നു. ഞാൻ യേശു കർത്താവിനെ എന്റെ സ്വന്ത രക്ഷിതാവായി സ്വീകരിക്കുന്നു. പാപക്ഷമക്കായും കൃപക്കായും നിത്യജീവനായും നന്ദി. ആമേന്‍.
ഇവിടെ വായിച്ചതിന്റെ അടിസ്ഥാനത്തിൽ നിങ്ങൾ ക്രിസ്തുവിനായി ഒരു തീരുമാനം എടുത്തെങ്കിൾ "ഞാന്‍ ഇന്ന് ഞാന്‍ ഇന്ന് ക്രിസ്തുവിനെ രക്ഷകനായി സ്വീകരിച്ചു" എന്ന ബട്ടണിൽ ക്ലിക്കുചെയ്യുക.
English
ക്രിസ്തുവിനെ സ്വന്ത രക്ഷകനായി സ്വീകരിക്കുക എന്നാൽ എന്താണ്‌ അര്‍ത്ഥം?