ৱাহং
হন্নমুক পোকলবা খৃস্ট্যান অমা ওইরবা হায়বসিনা তাকলিবসি করিনো?
পাওখুম
ব্রাহং: হন্নমুক পোকলবা খৃস্ট্যান অমা ওইরবা হায়বসিনা তাকলিবসি করিনো?
পাওখুম: হন্নমুক পোকলবা খৃস্ট্যান অমা ঐরবা হায়বসিনা তাকলিবসি করিনো? ৱাহং অসিবু পাওখুমলিবা খ্বায়দগী চুমলবা ৱাহৈ পরেংশিংদি বাইবলদগী লৌথোরকপা যোহন 3: 1-21 অসিনি। ইবুঙো যীশু খৃষ্টনা নিকোদীম কৌবা ফারিসিশিংগী মরক্তগী মমিং লৈরবা অমসুং সানহেদ্রিমগী (য়িহুদিশিংগী লৈঙাকপা অমা) মেম্বর ওইবা মীশক অমদা ৱা ঙাঙলি। নিকোদীম অহিংদা যীশুগী নাক্তা লাকখি। নিকোদীম যীশুদা হংনবা ৱাহংশিং পুরকখি।
যীশুনা নিকোদীমদা ৱারী শাবদা, ইবুঙোনা হায়খি: “খ্বায়দগী শোয়দবদা, ঐনা নঙোন্দা হায়রিবসিনি, কনাগুম্বা অমনা হন্নমুক পোকপা ঙমদ্রবদি, ঈপুরোয়গী লৈবাক মহাকনা উবা ঙমদে।” নিকোদীমনা ইবুঙোদা হায়জখি, “করমনা মী অমনা অহল ঐরবা মতমদা হন্নমুক পোকপা ঙমগদৌরিবনো? মহাকনা মমা পুকনুঙদা অনীরক হন্না চঙলগা পোকপা ঙমগদৌরিবরা?” যীশুনা খুমখি, “খ্বায়দগী চুমনা, ঐহাকনা নঙোন্দা হায়রবদা, কনাগুম্বা অমনা ঈশিং অমসুং থৱায়গী মতেঙনা হন্নমুক পোক্ত্রবদি, মহাকনা ঈপুরোয়গী লৈবাক্তা চঙবা ঙমদে। মদুনি হকচাঙদগী পোকলকপনা হকচাঙ ওই থৱায়দগী পোকলকপনা থৱায় ওই হায়রিবসি। ঐহাকনা নঙোন্দা হায়রিবসি ঙকপা তৌগনু নহাক হন্নমুক পোক্কদৌরিবনি।....”( যোহন 3: 3-7)
“হন্নমুক পোকপা” হায়রিবা ৱাতাসিগী ময়েকনা তাবদি “মথক্তগী পোকলকপা ” হায়বনি। নিকোদীমগী থাংগৈশেংবা অৱাতপা অমা লৈরমই। মহাক থম্মোয়গী অহোঙবা অমা - লাইনিংগী শকলোন হোংবা ওইনা পামজখি। অনৌবা মপোক, হন্নমুক পোকলবা হায়রিবসি, থাজরবা মীশক অদুদা লোমনাইদবা পুন্সি পীবিরবা ঈপুরোয়গী থবক অমনি (2 কোরিন্থীয় 5:17, তীতা 3:5- 1 পীতর 1:3; 1 যোহন 2:29, 3:9, 4:7, 5:1-4, 18)। যোহন 1:12, 13 না তাকই মদুদি “হন্নমুক পোকপা” হায়বসিনসু যীশু খৃষ্টগী মিংদা থাজরবগী মপান্না “ঈপুরোয়গী মচাশিং ঐরকপা ” ৱাখল্লোন ফোংদোকই।
ৱাহং অসি মশানা লাকচৈ, “মী অমনা করিগীদমক হন্নমুক পোকপা মথৌ তারিবনো?” পাখোন চতপা পোলনা এফিশিয়া 2:1 দা হায়, “অমহিকসুং নখোয়গী অয়োল অরান অমসুং পাপশিংনা নখোয়বু শিহল্লবা মতমদা ইবুঙো মহাকনা নখোয়বু হিংহনবিরে......” রোমীয় 3:23 দা রোমীয়শিংদা পাখোন চতপসিনা ইখি, ‘‘মরমদি ঐখোয় পূম্নমক অরানবা তৌবা মরমনা ঈপূরোয়গী মতিক মঙাল ফংবা ঙমদে।’’ মরম অসিনা, মীশক অমনা পাপ কোকখিনবা অমসুং ঈপুরোয়গা মরী অমা থমবা ঙমনবা মরমগীদমক হন্নমুক পোকপা মথৌ তায়।
মদুবু করমনা ওইগদৌরিবনো? এফিসিয়া 2:8,9 না তাকই, ‘‘মরমদি পুকনিংগী থাজবতনা অদোমবু কনবীবা ওইরগসু মসি থৌজালননি, অদুনা মসি অদোমদগী লাকখিবা খুদোল নত্তে, ঈপুরোয়দগীনি- মী কনামত্তনা চাওথোকপা ঙমদনবা, থবকতগীসু নত্তে।’’ কনাগুম্বা অমবু “কনবীরবা” মতমদুদা অসিগুম্বা নিপা নত্রগা নুপী অসি হন্নমুক পোকলবনি, লাইনিংগী ওইনা নৌথোকলবনি, অদুনা হৌজিক মহাক অনৌবা মপোক্কী ফংফম থোকপা ওইনা ঈপুরোয়গী অঙাং অমা ওইরবনি। ক্রোস মথক্তা ইবুঙোনা শিখিবা মতমদুদা পাপকী অতৌমল পীবীখিবা অমত্তা ঙায়রবা, যীশু খৃষ্টবু থাজবা হায়বসিনা, থৱায়গী ঐনা “হন্নমুক পোকপা” ঐরবা অসিবু খঙহল্লি। “মরম অসিনা, কনাগুম্বা মীশক অমনা খৃষ্টদা হিংলবদি, মহাক অনৌবা মপোক অমদা পোক্লবনি।...” (2 কোরিন্থীয় 5:17A)।
ইবুঙো যীশু খৃস্টবু অদোমগী লানবীবা মপু ওইনা সুকথা থাজখিদবা থোক্লবদি, থৱায় অশেঙবগী ৱাতাকপু ইবুঙোনা অদোমগী থম্মোয়দা হায়রকপনি হায়না অদোমনা খনবা ঙমগদ্রা? অদোম হন্নমুক পোকপা মথৌ তাই। ঙসি, অদোম খৃষ্টদা অনৌবা মপোক অমা ওইনা পোকপা ঙমননবা লাল্লুবগী লাইশোল অদু হায়জবা ঙমলগদ্রা? “তৌইগুম্বসুং ইবুঙোবু লৌশিল্লবা মখৈদা, হায়বদি ইবুঙোগী মিংদা থাজরবা মখোয় অদুদা, ঈপুরোয়গী মচাশিং ওইরকননবা ইবুঙোনা মতিক পীবিরে। মখোয় পোকখ্রবা অদুগীদি ইদগীসু, হকচাংগী নিঙবদগীসু, মীগী নিঙবদগীসু অমত্ত নত্তে, হায়বদি ঈপুরোয়দগীনি” (যোহন 1: 12-13)।
অদোমনা যীশু খৃষ্টবু অদোমগী লানবীবা মপু ওইনা লৌশিনবা পাম্বীদুনা হন্নমুক পোকপীরবদি, অশেম্বা লাইশোল অমা সিদা লৈরে। নিংশিংগদবদি, লাইশোল অসি নত্রগা অতৈ অতোপ্পা লাইশোল অমা হায়বনা অদোমবু কনবীবা ঙমলোই। অদোমবু পাপতগী কনবীবা ঙমগদবদি খৃষ্টদা থাজবখক্তননি। লাইশোল অসিদি মঙোন্দা থাজরে অমদি অদোমবু লানবীবা পীনবীবগী মহাকপু থাগতপা ফোংদোকপগী ঈপুরোয়দা ফোংদোকপা ইচম চম্বা থৌওং অমনি। ‘‘ঈপুরোয়, নহাক্কী মফমদা ঐহাক লাল্লুরে হায়বা ঐহাক খঙজৈ অদুনা মসিগীদমক ঐহাকপু চৈরাক পীবীবা য়ারবনি। অদুবু ঐহাকনা ফংগদবা চৈরাক অদু যীশু খৃষ্টনা ফংবীখিবদগী মহাকপু থাজরুবগী মপান্না ঐহাকপু ঙাকপীরে। ঐহাক ঐহাক্কী পাপতগী মায় লৈথোকচরে অমসুং অরান খুবমগীদমক্তা নহাক্কী মফমদা থাজবা থমজরি। নহাক্কী অঙকপা ফংলবা থৌজাল অমসুং ঙাকপীহৈবা অসিগীদমক নহাকপু থাগতচরি-মসিনি লোমনাইদবা পুন্সিগী খুদোল! আমেন!’’
‘‘ঈপুরোয়, নহাক্কী মফমদা ঐহাক লাল্লুরে হায়বা ঐহাক খঙজৈ অদুনা মসিগীদমক ঐহাকপু চৈরাক পীবীবা য়ারবনি। অদুবু ঐহাকনা ফংগদবা চৈরাক অদু যীশু খৃষ্টনা ফংবীখিবদগী মহাকপু থাজরুবগী মপান্না ঐহাকপু ঙাকপীরে। ঐহাক ঐহাক্কী পাপতগী মায় লৈথোকচরে অমসুং অরান খুবমগীদমক্তা নহাক্কী মফমদা থাজবা থমজরি। নহাক্কী অঙকপা ফংলবা থৌজাল অমসুং ঙাকপীহৈবা অসিগীদমক নহাকপু থাগতচরি-মসিনি লোমনাইদবা পুন্সিগী খুদোল! আমেন!’’
মসিদা ইরিবশিং অসি পারুবদগী খৃষ্টগীদমক করি ৱারেপ লৌখ্রবগে? লৌখ্রবদি, মখাগী বুটন ‘‘ঐহাক ঙসি খৃষ্টবু লৌশিঞ্জরে’’ হায়বসিদা ক্লিক তৌবীয়ু।
English
হন্নমুক পোকলবা খৃস্ট্যান অমা ওইরবা হায়বসিনা তাকলিবসি করিনো?