লাইনিং পথাপ মরী হায়রিবসি করিনো?
ৱাহং: লাইনিং পথাপ মরী হায়রিবসি করিনো?
পাওখুম:
লাইনিং পথাপ মরী হায়রিবসি যীশু খৃস্টবু থাজরুবগী মপালনা অরাল খুবম ফংনবগী অফবা ৱাপাও খঙমিন্ননবগী লম্বী অমনি। মসি গোসপেলগী মরুওইবা ৱাফমশিংবু অরায়বা মওংদা শরুক মরী থোক্না শেমজিনবনি।
লাইনিং পথাপ মরীগী মনুংদা ইহান হানবদু অসিনি, “ঈপুরোয়না অদোমবু নুংশি হায়বগী খুদমদি অদোমগী পুনসিগী অঙকপা থৌরাং অমা মহাক্না তৌবা লৈ।’’ যোহন ৩:১৬ না ঐখোয়দা হায়, “মরমদি ঈপুরোয়না মালেম অসিবু অসুক্কী মতিক নুংশিজৈ হায়বগী খুদমদি মহাক্কী অমত্ত ঙায়রবা মচানিপা ঐখোয়দা পীনবীরে, হায়বদি মহাকপু থাজবা মহাক অদু মাঙখিবদি লায়রদুনা লোমনাইদবা পুন্সিদুম ফংগনি। মরমদি ঈপুরোয়না মচানিপা অদুবু মহাক্কী মপান্দগী মালেম অসিবু কন্ননবা থারকখিবনি, লাল্লে হায়ননবা নত্তে।’’ যোহন ১০:১০ না যীশুনা পোকলকখিবগী মরম অদু ঐখোয়দা তাকই, ঐদি মখোয়না হিংবা ঙমননবা, অমসুং মরাং কায়না হিংবা ঙমহন্নবা লাকখিবনি।’’ ঈপুরোয়দগী লাক্কদবা নুংশিববু করিনা থিংবগে? মরাং কায়না হিংবা ঙমহন্দ্রিবা পুন্সি অমা ওইহল্লিবসি করিননো?
লাইনিং পথাপ মরীগী মনুংদা অনীশুবদু অসিনি, “মীওইববু পাপনা মোৎশিলহনবা মরমনা ঈপুরোয়দগী তোখায়হল্লে।’’ ৱাফম অসিবু রোমীয় ৩:২৩ না শৌগৎলি, ‘‘মরমদি পূম্নমক পাপ চেল্লে অদুনা ঈপূরোয়গী মতিক মঙাল ফংদ্রে।’’ রোমীয় ৬:২৩ না পাপতগী ফংগদবশিংদু ঐখোয়দা তাকলি, “পাপকী অতৌমলদি শিবনি।’’ ঈপুরোয়না ঐখোয়বু মহাক্কা মরুপ ওইননবা শেম্বীখি। অদুম ওইনমক, মীওইবনা মালেমসিদা পাপ পুরকখি। ঈপুরোয়না ঐখোয়গা থম্বা পাম্বা মরী অদু ঐখোয়না মাঙহনখি। পাওখুম করিনো?
লাইনিং পথাপ মরীগী মনুংদা অহুমশুবদু অসিনি, “যীশু খৃষ্ট ঐখোয়গী পাপকীদমক্ত ঈপুরোয়গী অমত্ত ঙায়রবা খুদোলনি। যীশু খৃষ্টগী মতেঙনা, ঐখোয়গী পাপশিং ঐখোয়না কোকহনখিবগা লোয়ননা ঈপুরোয়গা অচুম্বা মরী অমা হিংগৎহনবা ঙমগনি।’’ রোমীয় ৫:৮ না ঐখোয়দা হায়, “তৌইগুম্বসুং ঐখোয়না পাপ চেনবা মী ওইরিঙৈমক্তদা, খৃষ্টনা ঐখোয়গী দমক শিবিবা অদুদা ঈপুরোয়না ঐখোয়রোমদা ইবুঙো মহাকমক্কী নুংশিবা উৎপিরে।“ ১ কোরিণ্থীয় ১৫:৩-৪ না কনবীনবা মরম গীদমক ঐখোয়না করি খঙগদবা অমদি থাজগদবা হায়বদু ঐখোয়দা খঙহল্লি, “...হায়বদি পুয়াগী মতুং ইন্না খৃষ্টনা ঐখোয়গী পাপকী দমক শিবিখ্রে, হায়বদি মহাকপু লৈরোল চনখি, অমসুং পুয়াগী মতুংইন্না মহাকপু হুমনি শুবা নুমিত্তা হিংগৎপিখি। যোহন ১৪:৬ তা যীশু মশামকনা লাওথোকখি মদুদি মহাক্তনা অরান খুবম ফংনবগী অমত্ত ঙায়রবা লম্বীনি, “লম্বী অদুসু, অচুম্বা অদুসু, হিংবা অদুসু ঐহাকনি। ঐহাক য়াওদনা, তাইবং মীওইবা কনানা ঈপাগী নাক্তা লাকপা তৌরোই।’’ ঐহাকনা করমনা অরান খুবমগী অঙকপা খদোল অসি ফংবা ঙমগনি?
লাইনিং পথাপ মরীগী মনুংদা মরীশুবদু অসিনি, “ঐখোয়গী লাইনিং যীশু খৃষ্টবু লানবীহৈবা মপু ওইনা অরান খুবমগী খুদোল ফংনবা অমদি ঐখোয়গী পুনসি গীদমক ঈপুরোয়গী অঙকপা থৌরাং খঙনবা মরম গীদমক ঐখোয়না মঙোন্দা থম্বা তাই।’’ ঐখোয়গীদমক যোহন ১:১২ না তাকলি, “তৌইগুম্বসুং ইবুঙোবু লৌশিল্লবা মখৈদা, হায়বদি ইবুঙোগী মিংদা থাজরবা মখোয় অদুদা, ঈপুরোয়গী মচাশিং ওইরকননবা ইবুঙোনা মতিক পীবিরে।” পাখোনচৎপশিংগী থবক ১৬:৩১ না মসিবু য়ামনা শেংনা হায়, “ইবুঙো যীশুবু থাজৌ, নহাকপু অরান খুবম পিবিগনি।’’ যীশু খৃষ্ট খক্তদা, থাজবা খক্কী মতেংনা, মহাক্কী থৌজালতনা ঐখোয় অরান খুবম ফংগনি (এফিসা ২:৮-৯)।
অদোমনা যীশু খৃষ্টবু অদোমগী লানবীবা মপু ওইনা লৌশিনবা পাম্বীরবদি, মখাগী ৱাহৈশিং অসি ইপুরোয়গী মফমদা হায়য়ু। ৱাহৈশিং অসি হায়বনা অদোমবু অরান খুবম ফংহনবদি ঙমলোই, অদুবু খৃষ্টদা থাজবা থম্বনদি ঙমগনি। লাইশোল অসি অদোমদা অরান খুবম পীবীনবা অদোমনা ঈপুরোয়বু থাজবা অমসুং মঙোন্দা তৌবীমল খঙবা উৎপা ওইনা মহাক্কী মফমদা হায়জনবগী ইচম চম্বা মওং অমনি। ‘‘ঈপুরোয়, নহাক্কী মফমদা ঐহাক লাল্লুরে হায়বা ঐহাক খঙজৈ অদুনা মসিগীদমক ঐহাকপু চৈরাক পীবীবা য়ারবনি। অদুবু ঐহাকনা ফংগদবা চৈরাক অদু যীশু খৃষ্টনা ফংবীখিবদগী মহাকপু থাজরুবগী মপান্না ঐহাকপু ঙাকপীরে। ঐহাক ঐহাক্কী পাপতগী মায় লৈথোকচরে অমসুং অরান খুবমগীদমক্তা নহাক্কী মফমদা থাজবা থমজরি। নহাক্কী অঙকপা ফংলবা থৌজাল অমসুং ঙাকপীহৈবা অসিগীদমক নহাকপু থাগৎচরি-মসিনি লোমনাইদবা পুন্সিগী খুদোল! আমেন!’’
মসিদা ইরিবশিং অসি পারুবদগী খৃষ্টগীদমক করি ৱারেপ লৌখ্রবগে? লৌখ্রবদি, মখাগী বুটন ‘‘ঐহাকনা ঙসি খৃষ্টবু লৌশিঞ্জরে’’ হায়বসিদা ক্লিক তৌবীয়ু
মৈতৈলোনগী হোম পেজদা হনবীরকউ
লাইনিং পথাপ মরী হায়রিবসি করিনো?
|
