ঐহাক যীশুদা থাজবা থমজরে .. মখা করি?




ঐহাক যীশুদা থাজবা থমজরে .. মখা করি?

নুংঙাইরে! অদোমগী পুন্সিবু মশক হোংহনবা ঙমগদবা ৱারেপ অমা অদোমনা লৌবিবসিদা! অদোমনা অসুমনা হংবীরকপা য়াই, ‘‘মখা করি? ঐহাকনা করমনা ঈপুরোয়গা লোয়ননা খোঙশানবা হৌগনি?’’ বাইবলদগী লৌথোরকপা মখাদ পীরিবা খোঙফম মঙা অসিনা অদোমগী লমবেল তাক্কনি। অদোমগী খোঙচৎ মনুংদা অদোমনা ৱাহং হংনিংলকপা মতমদুদা, হাংদোক্লগা য়েংবীয়ু www.gotquestions.org/Meitei

1। অদোম অরান খুবম মশক খঙনবা হোৎনরে হায়বসি শোয়হনবীরগনু

1 যোহন 5:13 না ঐখোয়দা হায়, ‘‘ঈপুরোয়গী মচানিপা অদুগী মিংদা থাজবা থমলবা নখোয়দা লোম্বা নাইদনা হিংবা লৈরে হায়বসি নখোয়না খঙননবা, ঐনা ৱারমশিং অসি নখোয়দা ইরবনি।’’ ঈপুরোয়না ঐখোয়বু অরান খুবম মশক খঙহন্নিংই। ঐখোয়বু কনবিরে হায়বসি শোয়দ্রবনি খঙনবা ঈপূরোয়না ঐখোয়বু চোতনা থাজবা থমহন্নিংই। অরান খুবমগী মরু ওইবা ৱাফম খর ঐখোয় শমলপনা, য়েংমিন্নসি:

(a) ঐখোয় পূম্নমক পাপ চেল্লে। ঈপুরোয়না নুংঙাইরোইদবা থবকশিং ঐখোয় পূমনমকনা তৌদুনা লৈরে (ী রোমান 3:23)।

(b) ঐখোয়গী পাপকী হায়রুরবদি, ঐখোয় ঈপুরোয়দগী মতম চুপ্পা তোখায়না থমদুনা চৈরাক পীবা চপ চারবনি ( রোমান6:23)।

(c) ঐখোয়গী পাপকীদমক চৈরাক কোকনবা যীশুনা ক্রোশ মথক্তা শিবিখি (রোমীয় 5:8; 2 কোরিন্থীয় 5:21)। ঐখোয়না ফংগদবা চৈরাক অদু ফংদুনা, যীশুনা ঐখোয়গী মহুৎ শিন্দুনা শিবিখি। যীশুনা অমুক হিংগৎলকপসিনা মহাকনা শিরুবসি ঐখোয়গী পাপকীদমকনি হায়বা চপ চানা উৎলে।

(d) মহাকনা শিরুবসি ঐখোয়গী পাপকীদমকনি হায়বসিদা থাজদুনা যীশুদা থাজবা থমলিবা মখোয় পুমনমক্তা ঙাকপীবা অমদি অরান খুবম ঈপুরোয়না পীনবীরবনি (যোহন 3:16; রোমীয় 5:1; রোমীয় 8:1)।

মসি অরান খুবমগী পাওজেলনি! অদোমনা অদোমগী লানবীবা মপু ওইনা যীশু খৃষ্টদা অদোমগী থাজবা থম্বীরবদি, অদোমবু কনবীরবনি। অদোমগী পাপ পুমনমক কোকপীখ্রবদি ঈপুরোয়না অদোমবু কৈদৌঙৈদসু থাদোকলরোই অমসুং হুনদোকলরোই (রোমীয় 8:38-39; মাথি 28:20)। নিংশিংবিয়ু, অদোমগী অরান খুবম যীশুনা পীবা ঙম্বনি (যোহন 10:28-29)। অদোমনা অদোমগী লানবীবা মপু ওইনা যীশুখক্তবু লৌশিনজবা ঙমলবদি অদোম লাইরৈপাক্তা ঈপুরোয়গা লোয়ননা লোম্বা নাইদনা হিংলুগনি হায়বসিদা থাজবা ঙমগনি!

2। বাইবল তম্বীবা ঙম্বা অফবা চচর্চ অমা খঙনবা থিবিয়ু।

শঙ অমগুমনা চচর্চপু খনবীগনু। চচর্চ হায়বদি মফম অদুদা পূল্লিবা মীশিং অদুবুনি। যীশু খৃষ্টবু থাজবশিং অমগা অমগা য়েন্নদুনা চামিন্নৈ হায়বসি য়ামনা মরূ ওইবা ৱাফম অমনি। মসি চচর্চকী মরূ ওইবা ওইহন্নিংবশিং মনুংদ অমনি। হৌজিক্তি অদোমগী থাজবা যীশু খৃষ্টদা থমখ্রবা মরমনা, ঐখোয়না অদোমদা কনশিন্না হায়জরি মদুদি অদোমগী লৈফম অদুৱাইদা বাইবলবু চপ চান থাজজবা চচর্চ অমা ফংনবা থিবিরগা পাষ্টরদুগা ৱারী শান্নবীয়ু। যীশু খৃষ্টদা অদোমনা নৌনা থাজরকপা অদুগী মতাঙদা খঙহনবীয়ু।

চচর্চকী অনীশুবা ওইহন্নিংবা অমদি বাইবল তম্বীবনি। অদোমগী পুন্সিদা ঈপুরোয়গী পাওতাকশিং মতৌ করমনা পানশিনগদগে খঙনবা অদোম তমশিনবীয়ু। বাইবলবু খঙলবদি পুন্সি মায় পাকনা হিংবগা লোয়ননা পাংগলসু কল্লবনি। 2 তিমোথিয় 3:16-17 না হায়, ‘‘পূয়া পুম্নমক ঈপুরোয় য়াওরিবনি, অদুনা ঈপুরোয়গী মী ওইরবা পুমনমক্ অফবা থবক খুদিং মপুং ফান তৌনবা, অচুম্বা লম্বী খঙনবা, ৱারক ৱাতেম তৌনবা, চুমথোকনবা অমদি হৈনবা মরমগীদমক কান্নবা তৌরক্কনি।’’

চচর্চকী অহুমশুবা ওইহন্নিংবা অমদি ঈরাৎপনি। ঈরাৎপা হায়বসি ঈপুরোয়বু মহাকনা তৌখিবা থবক পুম্নমক অদুগীদমক্তা তৌবীমল খঙবা উৎপনি! ঈপুরোয়না ঐখোয়বু কনবিবনি। ঈপুরোয়না ঐখোয়বু নুংশিবিরি। ঈপুরোয়না ঐখোয়গীদমক পৈশিনবীরি। ঈপুরোয়না ঐখোয়বু লমজিং লমতাকপীরি। ঐখোয়না মহাকপু তৌবীমল খঙবা উৎফম থোক্তব্রা? ঈপুরোয়দি অশেঙবনি, অচুম্বগী মশকনি, নুংশি চাওবনি, থৌজাল হৈবনি, অমসুং মতিক মঙাল নাইবনি। ফোংদোকপীবা 4:11 না হায়, ‘‘ঐখোয়গীদি মপু ইবুঙো, ঐখোয়গীদি ঈপুরোয়, ইবুঙোদি মতিক মঙাল চাওবনি অমদি ঈকায়খুমনফমনি অমদি পাঙ্গল চাওবমকনি, মরমদি ইবুঙো নহাকনা পোৎ পুমনমকপু শেমবীবনি, নহাক্কী অনিংবা মতুংইন্না পুম্নমক শেমবীদুনা মখোয় হিংজরিবনি।’’

3। ঈপূরোয়গী ৱাখলদা লুপনবা নুংতিগী মতম কাইথোকপীয়ু।

ঈপুরোয়গী ৱাখলদা লুপনবা নুংতিগী মতম কাইথোকপা ঐখোয়গীদমক্তদি মসি য়াম্নমক মরূ ওইবনি। মসিবু মীওই খরনা ‘‘অচিকপা মতম’’ কৌই। খরনা মসিবু ‘‘থৱায় হকচাং লুপ্পা’’ কৌই, মরমদি মতমসিদা ঐখোয়না ঈপুরোয়গী ৱাখলদা পুংলুপ লুপশিনবা ঙমগনি। মীওই খরনা অয়ুক্কী মতমনা হেন্না পামনৈ, খরনা নুংদাংৱাইরমদনা হেন্না পামনৈ। মতমগী ৱাফম অসিদি করিশু থোইদোক্তে হায়বদি অদোমনা পাঙথোকনিংবা মতমদুদা অদুম্মক চৎথবা য়াই। লুরিবা ৱাফমদি ঈপুরোয়গা লোয়ননা লৈমিন্নবা ঙমননবা অদোমগী মতম চাং নাইনা কাইথোকলিব্রা হায়বসিনি। ঈপুরোয়গা লোয়ননা লৈমিন্নখিবা মতম করি থৌদোকশিংদা য়াওবীখ্রবগে?

(a) হায়জবা। হায়জবা হায়বসি ঈপুরোয়গী মফমদা ইচম চমনা অনিংবা ফোংদোকপবু খঙনৈ। ঈপুরোয়গী মফমদা অদোমগী ফিভম অমসুং অপাম্বা ফোংদোকপীয়ু। লৌশিং অমসুং পাওতাক পীবীনবা ঈপুরোয়গী মফমদা হায়জবীয়ু। অদোমগী মথৌ তাবশিং পীবীনবা ঈপুরোয়গী মফমদা হায়জবীয়ু। অদোমনা ঈপুরোয়বু অসুক্কী মতিক নুংশিজবা অমদি মহাকনা অদোমগীদমক তৌবীখিবা পূমনমক অদুবু অদুক্কী মতিক শীংথাদুনা মঙোন্দা ৱারী ওইনা লিবিদুনা তাহনবীয়ু। মদুনি হায়জবা কৌনরিবা পুমনমক।

(b) বাইবল পাবা। বাইবলবু চচর্চ, নোংমাইজিং স্কুল, অমসুং/ নত্রগা বাইবল নৈনফমদা তম্বীরবসু- ইশাগী য়েংদুনা বাইবল পাব মথৌ তাই। মায় পাক্লবা খৃষ্ট্যান পুনসি অমদা হিংনবা অদোমনা খঙনিংলিবা খুদিংমক বাইবলদা য়াওরি। মতৌ করমনা অফবা ৱারেপশিং লৌগদগে, মতৌ করমনা ঈপুরোয়গী অনিংববু মশক খঙবা ঙমগদগে, মতৌ করমনা অতোপ্পগী মফমদা মিনিষ্ট্রি তৌগদগে, অমদি মতৌ করমনা লাইনিং লম্বী চাওখৎহনগদগে হায়রিবশিং অসিগী মতাঙদা ঈপুরোয়না তাকপা পাওতাক মসিদা য়াওরি। বাইবল অসি ঐখোয়দা পীবীরবা ঈপুরোয়গী ৱাহৈদুমকনি। বাইবল অসিমক ঈপুরোয়বু নুংঙাইহনবা অদুগা ঐখোয়বুসু পেলহনবা লমবী অমদা ঐখোয়গী পুনসি করমনা লেনগদগে তাকপা পূন্সিদা চঙদবা য়াদবা ঈপুরোয়গী পাওতাক য়াওবা খুৎপায়নি।

4। লাইনিং লম্বীদা অদোমবু মতেং পাংব ঙম্বশিংগা মরী ফনা থম্বীয়ু।

1 কোরিন্থীয় 15:33 না ঐখোয়দা তাকলি, ‘‘শেরান্ননা লমজিংহনগনু: ‘ফত্তবা মী তিন্নরবদি অফবা লমচৎ মাঙখিবনি।’’ বাইবলদা ‘‘ফত্তবা’’ মীওইশিংনা ঐখোয়গী ঈথক্তা তৌবা ঙম্বশিং মরমদা ঐখোয়না চেকশিনগদবশিং পিক থন্না য়াওরি। পাপকী মশক ওইরবা থবকশিং তৌদুনা লৈরিবশিংগা মতম লেনমিন্নবা তারবদি ঐখোয়বুসু অদুগুম্বা থবকশিং অদুদা চিংথগনি। ঐখোয়গী অকোয়বদা লৈরিবা মীশিংগী লমচৎনা ঐখোয়গী ঈথক্তা ‘‘মমি তাশিনবা’’ শোয়দবনি। ঐখোয়গী অকোয়বদা ইবুঙোবু নুংশিবা অমদি মঙোন্দা থৱায় লুপলবশিং লৈহনবা অসুক্কী মতিক মরূ ওই হায়রিবসি মরম অসিদগীনি।

অদোম্বু মতেঙ পাংবা অমদি পুকনিং থৌগৎপা ঙম্বা মরুপ অমা অনীদং, অদোমগী চচর্চতগী ফংবা ঙম্ব্রা য়েংবীয়ু (ইব্রিয় 3:13; 10:24)। অদোমগী অচিকপা মতম, অদোমনা তৌরিবশিং, অমদি অদোমগা ঈপুরোয়গা চৎমিন্নবা অসিগী মতাংদা অদোম্বু থৌদাং লৌহন্নবা অদোমগী মরুপশিংদা শিন্নবীয়ু। হায়রিবসিমক অদোমনা মখোয়গীদমক্তা তৌবা ঙমলগদ্রা হায়না মখোয়দা হংবীয়ু। ইবুঙোবু মখোয়গী লানবীহৈবনি হায়না মশক খঙবা ঙমদবা অদোমগী মরুপ পুমনমক অদোমনা তিন্নবিদবা তাই হায়বদি নত্তে। মখোয়গা মখা চৎথনা মরুপ শান্নবীবগা লোয়ননা মখোয়বু নুংশিবীয়ু। অদোমগী পুন্সি যীশুনা হোংহনবীখ্রে অমদি অদোমনা হান্না তৌরম্বশিং অদুগা চপ মান্নবা থবকশিং অদোম তৌদ্রে হায়বসি মখোয়দা ইচম চমনা খঙহনবীয়ু। অদোমগী মরুপশিংগা লোয়ননা যীশু মশক খঙমিন্নবা ঙমনবগী খুদোংচাব অদোমদা পীনবীয়ু হায়না ঈপুরোয়গী মফমদা খুরুম্বীয়ু।

5। বাপ্টাইজ তৌথোকপীবা।

বাপ্টাইজ তৌববু মী অয়াম্বনা শেরান্ননা লৌনৈ। ‘‘বাপ্টাইজ’’ হায়বা ৱাহৈসিমক ঈশিংদা লুপ্পবু খঙনৈ। বাপ্টাইজ তৌবা অসিমক অদোমগী অনৌবা লাইনিং খৃষ্টদা ওইরে অমদি অদোমগী পুকনিং মঙোন্দা লুপশিনবা ঙমলে হায়না মীয়াম খঙনা লাওথোকপা বাইবলনা তাকপা লম্বেলনি। ঈশিংদা লুপহনবগী থবক অসিনা খৃষ্টগা লোয়ননা লৈরোন চনমিন্নরুবগী মওংনি। ঈশিংদগী ফাওগৎলকপা অসিনা খৃষ্টগা লোয়ননা অমুক হিংগৎমিন্নরকলে তাকপনি। বাপ্টাইজ তৌরুবদগী ইশামক যীশুনা শিরুবা, যীশুবু লৈরোন চললুবা অমদি যীশুনা হিংগৎলকখিবা অসিনচিংবা অসিগা পাংখক ওইরবনি (রোমীয় 6:3-4)।

বাপ্টাইজ তৌবনা অদোমবু কনবীবদি নত্তে। বাপ্টাইজ তৌবনা অদোমগী পাপশিং কোকহন্দে। বাপ্টাইজ তৌবা হায়বসি হায়বা ইনবগী ইচম চম্বা খোঙথাং অমনি, অরান খুবমগীদমক খৃষ্টখক্তদা অদোম থাজরে হায়না মীয়াম খঙনা লাওথোকপনি। বাপ্টাইজ তৌবা মরূ ওই মরমদি মসি হায়বা ইন্নবগী খোঙথাং অমনি- খৃষ্টবু থাজবগী মীয়াম খঙনা লাওথোকপনি অমসুং মঙোন্দা অদোম পুংলুপ লুপশিনজরে তাকপনি। অদোম বাপ্টাইজ তৌনিংদুনা শেম শারবদি, অদোম পাষ্টর অমগা ৱারী শান্নবীয়ু।



মৈতৈলোনগী হোম পেজদা হনবীরকউ



ঐহাক যীশুদা থাজবা থমজরে .. মখা করি?