settings icon
share icon
မေးခွန်း

သခင်ယေရှုခရစ်တော်၏တပည့်တော်/တမန်တော် (၁၂)ပါးတို့သည် မည်သူတွေ ဖြစ်ကြသနည်း။

အဖြေ


"တပည့်တော်"ဟုဆိုရာတွင် သင်အံသူ သို့မဟုတ် နောက်လိုက်သူ ကို ရည်ညွှန်းလိုခြင်း ဖြစ်သည်။ "တမန်တော်" စကားလုံး၏အဓိပ္ပါယ်မှာ "စေလွှတ်ခြင်းခံရသောသူ" ဖြစ်သည်။ သခင်ယေရှု လောကမှာ အသက်ရှင်စဉ်ခါ သူ၏နောက်လိုက်သူ ဆယ့်နှစ်ပါးအား တပည့်တော်များဟု ခေါ်သည်။ တပည့်တော်ဆယ့်နှစ်ပါးက သခင်ယေရှုနောက်သို့ လိုက်လာခဲ့ကြသည်။ သူထံမှ ပညာသင်ယူခဲ့ကြသည်။ သူ၏ဆုံးမခြင်းကို ခံယူခဲ့ကြသည်။ သခင်ယေရှုသည် သေခြင်းမှရှင် ပြန်ထမြောက်ပြီး ကောင်းကင်ဘုံသို့ချီဆောင်ခြင်းခံခဲ့ပြီးနောက် တပည့်တော်များအား သူ့အကြောင်းကို သက်သေခံရန် စေလွှတ်ခဲ့သည် (မဿဲ ၂၈း၁၈-၂၀၊ တမန် ၁း၈)။ ထိုသူတို့အား တမန်တော်များဟု ရည်ညွှန်းထားသည်။ သို့သော် သခင်ယေရှု လောကမှာ အသက်ရှင်စဉ်ခါ "တပည့်တော်များ" နှင့် "တမန်တော်များ" စကားလုံးကို အပြန်အလှန်အသုံးပြုခဲ့သည်။

တပည့်တော်/တမန်တော် ဆယ့်နှစ်ပါးတို့ကို မဿဲ ၁ဝး၂-၄ ထဲတွင် စာရင်းပြုစုထားပါသည်။ "တကျိပ်နှစ်ပါးသော တပည့် တော်တို့၏ အမည်ကား၊ ပဌမမှာ၊ ပေတရုဟူ၍ ခေါ်ဝေါ်သော ရှိမုန်နှင့် သူညီအန္ဒြေ၊ ဇေဗေဒဲ၏သားယာကုပ်နှင့် သူညီ ယောဟန်၊ ဖိလိပ္ပုနှင့် ဗာသောလမဲ၊ သောမနှင့် အခွန်ခံမဿဲ၊ အာလဖဲ၏သား ယာကုပ်နှင့် သဒ္ဒဲဟုအမည်သစ်ကိုရသော လေဗဲ၊ ကာနနိတ်လူရှိမုန်နှင့် ကိုယ်တော်ကို အပ်နှံသော ယုဒရှကာရုတ်ပေတည်း။" သမ္မာကျမ်းစာထဲတွင် တပည့်တော် များ/တမန်တော်များစာရင်းကို မာကု ၃း၁၆-၁၉ နှင့်လုကာ ၆း၁၃-၁၆ တို့တွင် ရေးသားထားသည်။ ဤဖော်ပြချက်သုံးခု ထဲတွင် သူတို့၏နာမည် မတူညီမှုကို အနည်းငယ်တွေ့ရသည်။ သဒ္ဒဲကို "ယာကုပ်၏သား၊ ယုဒ" (လုကာ ၆း၁၆)နှင့် လေဗဲ (မဿဲ ၁ဝး၃) ဟု သိရသည်။ သခင်ယေရှုကို သစ္စာဖောက်အပ်နှံခဲ့သော ယုဒရှကာရုတ်နေရာတွင် မဿိအား တမန် တော် ဆယ့်နှစ်ပါးတွင် တမန်တော်တစ်ပါးအဖြစ် ခန့်အပ်ခဲ့ကြသည် (တမန် ၁း၂၀-၂၆ ကိုကြည့်ပ)။ အချို့သော ကျမ်းစာသွန်သင်သောဆရာများက မဿိ အား တမန်တော်တစ်ပါအဖြစ်ခန့်အပ်ခြင်းကို "မတရားဘူး"ဟု မြင်တွေ့ကာ ပေါလုသည် ယုဒရှကာရုတ်နေရာတွင် ဆယ့် နှစ်ပါးမြောက်သောတမန်တော်အဖြစ်ဘုရားသခင်၏ ရွေးကောက်ခြင်းခံရ သောသူဖြစ်သည်ဟု ယုံကြည်ကြသည်။

တပည့်တော်/တမန်တော် ဆယ့်နှစ်ပါးတို့သည် ရိုးရိုးသာမန်လူများဖြစ်ကြပြီး ဘုရားသခင်က သူတို့အား အထူးပုဂ္ဂိုလ်တော် များအဖြစ် အသုံးတော်ခံရသောသူများဖြစ်ကြသည်။ သူတို့ကြားမှာ တံငါသည်များ၊ အခွန်ခံ၊ နှင့် တော်လှန်ရေးသမား များလည်းပါဝင်သည်။ သခင်ယေရှုခရစ်တော်နောက်လိုက်သော ဤဆယ့်နှစ်ပါးတို့က ယိမ်းယိုင်ခြင်း၊ ခက်ခဲမှုများနှင့် သံသယဖြစ်ခြင်းများရှိသည်ဟု သတင်းကောင်းစာစောင်များက မှတ်တမ်းတင်ထားသည်။ သခင်ယေရှုရှင်ပြန်ထမြောက် ခြင်းနှင့် ကောင်းကင်ဘုံသို့ ချီဆောင်ခြင်းခံခဲ့ပြီးနောက် ထိုသူတို့အား သန့်ရှင်းသောဝိညာဉ်တော်က လောကကြီးကို မှောက်လှန်သော ဘုရားသခင်၏အသေုံးတော်ခံသော တပည့်တော်များ/တမန်တော်များအဖြစ်သို့ ပုံသွင်းပြုပြင်ခဲ့သည် (တမန် ၁ရး၆)။ ဘာက သူတို့ကို ပြောင်းလဲစေသနည်း။ တမန်တော်များ/တပည့်တော်များတို့သည်သည် "သခင်ယေရှု နှင့်အတူရှိခဲ့ကြသည်" (တမန် ၄း၁၃)။ ကျွနု်ပ်တို့သည်လည်း သူတို့လို ဖြစ်ကြပါစို့။

English



ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ

သခင်ယေရှုခရစ်တော်၏တပည့်တော်/တမန်တော် (၁၂)ပါးတို့သည် မည်သူတွေ ဖြစ်ကြသနည်း။
© Copyright Got Questions Ministries