မေးခွန်း
ခရစ်ယာန်များအကြွေးမှီတင်ခြင်းအကြောင်းကို သမ္မာကျမ်းစာက မည်ကဲ့သို့ ဖော်ပြထားသနည်း။ ခရစ် ယာန်တစ်ယောက်က ငွေချေးငှားသင့်သလား။
အဖြေ
ရောမ ၁၃း၈ ထဲတွင် ရှင်ပေါလုက မေတ္တာတရားကလွှဲပြီးအခြားသောအရာတစုံတခုကိုမျှမတင်စေနှင့်ဟု အားပေး တိုက်တွန်းထားသည်။ ပြန်မဆပ်ရသေးသောအကြွေးအားလုံးကို ဘုရားသခင်က မုန်းတီးသည်ဟု ဖော်ပြထားပါသည် (ဆာလံ၃ရး၂၁ ကိုလည်း ကြည့်ပါ)။ သို့သော် သမ္မာကျမ်းစာက အကြွေးမယူရန် တားမြစ်ခြင်းအကြောင်းကို ကွက်ကွက် ကွင်းကွင်း မတွေ့ရပါ။ သမ္မာကျမ်းစာက အကြွေးတင်ခြင်းကို သတိပေးထားသည်။ အကြွေးပြန်ပေးဆပ်ရန်အတွက်လည်း အားပေးထားသည်။သို့သော် အကြွေးယူခြင်းကိုမတားမြစ်ပါ။ သမ္မာကျမ်းစာ ငွေချေးယူသောသူများအပေါ် အနိုင်အ ထက်ပြုသော ငွေချေးစားသူများအတွက် တရားစီရင်ခြင်း စကားလုံးများကို ဖော်ပြထားသည်။ အကြွေးတင်သူအပေါ် တရားစီရင်ခြင်းမရှိပါ။
ငွေချေးအတိုးယူခြင်းနှင့်ပတ်သက်ပြီး လူအချို့က မေးခွန်းထုတ်တတ်ကြသည်။ ချေးငွေများမှ အတိုးအနည်းငယ် တရားဝင် သတ်မှတ်ရယူခြင်းအကြောင်းကို သမ္မာကျမ်းစာထဲတွင် နေရာများစွာမှာ တွေ့ရှိနိုင်သည် (သုတ္တံ ၂၈း၈၊ မဿဲ ၂၅း၂၇)။ ရှေးဟောင်းဣသရေလဥပဒေထဲတွင် ဆင်းရဲသားများထံမှ အတိုးအမြတ်မထုတ်ယူရန်၊ ငွေချေးစနစ်ကို တားမြစ်ထားပါ သည် (ဝတ်ပြု ၂၅း၃၅-၃၈)။ ဤဥပဒေက လူမှုရေး၊ ငွေကြေးရေးနှင့်ဝိညာဉ်ရေးပိုင်းမှ လက်တွေ့အသုံးချရန် ဖော်ပြထား သည်။ သို့သော် ဖော်ပြရန် ထိုက်တန်သောအရာနှစ်ခု ရှိသည်။ ပထမနေဖြင့်၊ ဥပဒေက ဆင်းရဲသားများအား သူတို့၏ အခြေအနေပို၍မဆိုးရွားစေရန် အစစ်အမှန်ကူညီပေးသည်။ ဆင်းရဲခြင်းသည် ဆိုးရွားသောအခြေအနေဖြစ်သည်။ သူတပါးထံအကူအညီတောင်းခံခြင်းသည် ရှက်စရာကောင်းသည်။ သို့သော် ဆင်းရဲသားများအား ငွေအတိုးဖြင့် ချေးငှား ခြင်းသည် သူတို့အတွက် ပြန်ပေးဆပ်ရန် အခက်အခဲဖြစ်ကာ၊ တာဝန်ပို၍ကြီးမားလာပါသည်။
ဒုတိယအနေဖြင့်၊ ဥပဒေက ၀ိညာဉ်ရေးရာ သင်ခန်းစာကို သွန်သင်ခဲ့သည်။ ဆင်းရဲသားများအား အတိုးမယူဘဲ ငွေချေးငှား ခြင်းသည် ကျေးဇူးတော်အမှုပြုခြင်း ဖြစ်သည်။ သူသည် ထိုငွေများကို အတိုးပေးဆပ်စရာမလိုဘဲ လွတ်လပ်စွာအသုံးပြုနိုင်မည် ဖြစ်သည်။ ထိုအရာသည် ဘုရားသခင်၏ကျေးဇူးတော်ကို "မသိမမှတ်သော" သူ၏လူများအပေါ် ဘုရားသခင်ထားရှိ သော ကျေးဇူးဂရုဏာတော်တရားကို ဖော်ပြပေးလိုခြင်း ဖြစ်သည်။ ဣသရေလလူမျိုးများသည် ဘာမျှမဟုတ်၊ ကျေးကျွန်ဘဝ ဖြစ်ပြီး သူတို့ပိုင်ဆိုင်သောနယ်မြေအား ငှါးရမ်းခ ပေးဆောင်သည့်အချိန်မှာ ဘုရားသခင်က သူတို့အား အဲဂုတ္တုပြည်မှ ခေါ်ဆောင်သွားခဲ့သည် (ဝတ်ပြု ၂၅း၃၈)။ ထိုနည်းတူ ဘုရားသခင်က ဆင်းရဲသားများအား ထိုသို့သော ကျေးဇူးဂရုဏာ ဖော်ပြပေးရန် မြော်လင့်လျက်ရှိသည်။
ခရစ်ယာန်များသည်လည်း ထိုနည်းတူပင် ဖြစ်သည်။ သခင်ယေရှု၏ ဘဝ၊ အသေခံခြင်းနှင့် ရှင်ပြန်ထမြောက်ခြင်းက ဘုရားသခင်အပေါ် ကျွနု်ပ်တို့အပြစ်ကြွေးများ ပေးဆပ်ပေးခဲ့သည်။ ယခု ကျွနု်ပ်တို့သည် ဆင်းရဲသားများအား၊ အထူး သဖြင့် ယုံကြည်သူလုပ်ဆောင်ဖက်များအား သူတို့၏ဆင်းရဲဒုက္ခဖြေရှင်းပေးနိုင်ရန် အတိုးမယူဘဲ ငွေချေးငှားနိုင်သော အခွင့်အရေးရှိသည်။ သခင်ယေရှုက ကြွေးမှီတင်သော သူနှစ်အကြောင်းကို၊ အကြွေးချေးယူခြင်းနှင့်ပတ်သက်ပြီး ခွင့်လွှတ် ခြင်းစိတ်ရှိရန် ပုံဥပမာတစ်ခုကို ဖော်ပြထားသည် (မဿဲ ၁၈း၂၃-၂၅)။ သမ္မာကျမ်းစာက ငွေချေးငှားခြင်းနှင့်ပတ်သက်ပြီး တားမြစ်ခြင်း၊ အားပေးတိုက်တွန်းခြင်း မရှိပါ။ သမ္မာကျမ်းစာက အကြွေးမှီတင်ခြင်းသည် မကောင်းသောအမှုအရာဖြစ်သည်ဟု သွန်သင်ထားသည်။ အကြွေးယူသောသူသည် အကြွေးရှင်ထံကျွန်ခံသည်။ ထိုနည်းတူ၊ အကြွေးတင်မှီခြင်းသည် "ဆိုးသွမ်းသောအရာ" ဖြစ်သည်။ ငွေကြေးကို သတိရှိရှိ ကိုင်တွယ်လျှင် အကြွေးပြန်လည်ပေးဆပ်နိုင်မည် ဖြစ်သည်။ လုံးဝလိုအပ်ပါက ငွေကြေးအငွေးများကို ခရစ်ယာန်တစ်ဦးက အမြန်ဆုံးပြန်ဆပ်ရမည်။
English
ခရစ်ယာန်များအကြွေးမှီတင်ခြင်းအကြောင်းကို သမ္မာကျမ်းစာက မည်ကဲ့သို့ ဖော်ပြထားသနည်း။ ခရစ် ယာန်တစ်ယောက်က ငွေချေးငှားသင့်သလား။