settings icon
share icon
မေးခွန်း

သခင်ယေရှုနာမအားဖြင့်ဆုတောင်းခြင်းသည် အဘယ်အရာကိုဆိုလို သနည်း။

အဖြေ


ယေဟန် ၁၄း၁၃-၁၄ ထဲတွင် သခင်ယေရှုနာမအားဖြင့်ဆုတောင်းရန် ဖော်ပြထားပါသည်။ “သင်တို့သည်ငါ၏နာမကိုအမှီပြုလျက် ဆုတောင်းသမျှအတိုင်း ငါပြု မည်။ အကြောင်းမူကား၊ ခမည်းတော်သည်သားတော်အားဖြင့်၊ ဘုန်းထင်ရှားတော်မူခြင်း ရှိမည်အကြောင်းတည်း။ သင်တို့သည် ငါ၏နာမကိုအမှီပြု၍ တစုံတခုသောဆုကိုတောင်း လျှင်တောင်းသည့်အတိုင်းငါပြုမည်။” အချို့သောသူများက ဆုတောင်းသောအခါ “သခင်ယေရှုနာမတော်အားဖြင့်”ဟုပြောလျှင် ကျွနု်ပ်တို့တောင်းသမျှဘုရားသခင်က ပေးမည်ဟု လွှဲမှားစွာအသုံးချတတ်ကြသည်။ ထိုသို့ယူဆခြင်းသည် “သခင်ယေရှု၏ နာမ တော်ကို” အံ့သြဖွယ်တစ်ခုအဖြစ်ခံယူခြင်းဖြစ်သည်။ ၄င်းသည် သမ္မာကျမ်းစာ ဖော်ပြချက်နှင့်ညီညွှတ်မှုမရှိပေ။

သခင်ယေရှု၏နာမတော်အားဖြင့်ဆုတောင်းခြင်းအဓိပ္ပါယ်သည် ကျွနု်ပ်တို့သည် သားတော်သခင်ယေရှု၏နာမတော်အားဖြင့်ဘုရားသခင်ထံလာသောကြောင့် ကျွနု်ပ်တို့ ဆုတောင်းခြင်းကိုဘုရားသခင်ကအဖြေပေးရန် သခင်ယေရှုအမိန့်တော်အားဖြင့်တောင်း လျှောက်ခြင်းဖြစ်သည်။ သခင်ယေရှု၏နာမအားဖြင့်ဆုတောင်းခြင်းသည် ဘုရားသခင်၏ အလိုတော်အတိုင်းဆုတောင်းခြင်းအဓိပ္ပါယ်ရသည်။ “ငါတို့သည် ဘုရားသခင့်အထံတော် ၌ ရဲရင့်ခြင်းအကြောင်းဟူမူကား၊ ငါတို့သည်အလိုတော်နှင့်အညီ တစုံတခုသောဆုကိုတောင်း လျှင် ဘုရားသခင်သည်နားတော်မူ၏။ ဆုတောင်းသမျှသောစကားတို့ကို နားထောင်တော်မူ သည်ကို ငါတို့သိလျှင်၊ အထံတော်၌တောင်းသောဆုတို့ကိုရမည်ဟုသိကြ၏။” (၁ယောဟန် ၅း၁၄-၁၅)။ သခင်ယေရှု၏နာမတော်အားဖြင့်ဆုတောင်းခြင်းသည် သခင်ယေရှုကို ဂုဏ်ပြုသော၊ သူ၏ဘုန်းတော်ထင်ရှားစေသောဆုတောင်းခြင်းမျိုးဖြစ်သည်။

ဆုတောင်းခြင်းအဆုံးတွင် “သခင်ယေရှုနာမတော်အားဖြင့်” ဆုတောင်းခြငး်ဟု ပြော ခြင်းသည် အလွန်ကောင်းသော နိယာမတစ်ခုမဟုတ်ပေ။ ကျွန်ု်ပ်တို့သည်ဘုရားသခင်၏ ဘုန်းတော်ထင်ရှားဖို့ရန်မဟုတ်၊ သူ၏အလိုတော်အတိုင်းလည်းမဟုတ်ဘဲဆုတောင်းပြီး၊ “သခင်ယေရှု၏နာမတော်”ဟုပြောခြင်းသည်အဓိပ္ပါယ်မရှိပေ။ သခင်ယေရှုနာမတော်အား ဖြင့်မှန်ကန်စွာဆုတောင်းခြင်းနှင့်သူ၏ဘုန်းတော်အတွက်ဆုတောင်းခြင်းသည်အလွန်အ ရေးကြီးသည်။ ဆုတောင်းခြင်းအဆုံးတွင် အခြားသောစကားလုံးများထည့်သွင်းရန်မလို အပ်ပေ။ ဆုတောင်းသောအခါ ကျွန်ု်ပ်တို့မြွက်ဆိုသောစကားလုံးသည် အရေးမကြီးပေ။ ကျွနု်ပ်တို့၏ရည်ရွယ်ချက်သည်ပို၍အရေးကြီးသည်။ ဘုရားသခင်၏အလိုတော်နှင့်ဆု တောင်းခြင်းသည် သခင်ယေရှုနာမတော်အားဖြင့်ဆုတောင်းခြင်း၏အနှစ်သာရဖြစ်သည်။

English



ထို့နောကျ မွနျမာဘာသာဖွငျ့ရေးထားသော စာမကြျနှာသို့ ပွနျလှညျ့ပ

သခင်ယေရှုနာမအားဖြင့်ဆုတောင်းခြင်းသည် အဘယ်အရာကိုဆိုလို သနည်း။
© Copyright Got Questions Ministries