Jèsus es Dieu? Diguèt Jèsus qualque còp qu’èra Dieu?




Question: Jèsus es Dieu? Diguèt Jèsus qualque còp qu’èra Dieu?

Responsa:
Jèsus jamai es pas aparegut dins la Bíblia que disiá las paraulas exactas “Ieu soi Dieu.” Aquò, pasmens, vòl pas dire, qu”El proclamèsse pas que foguèsse Dieu. Podèm prendre per exemple las paraulas de Jèsus dins Joan 10:30, "Ieu e lo Paire sèm un.” A primièra vista, pòt semblar pas una declaracion d’èsser Dieu. Pr’aquò, se vesèm la reaccion dels jusieus a Sa declaracion, "Te volèm pas escampar de pèiras per cap d’òbra bona, mas per blasfèmi, que tu, que sès un òme, te fas Dieu" (Joan 10:33). Los jusieus comprenguèron aquela declaracion de Jèsus coma una declaracion d’èsser Dieu. Dins los vèrses seguents Jèsus corregís pas jamai los jusieus quand ditz "Ai pas declarat d’èsser pas Dieu”. Aquò indica que Jèsus de debon disiá qu’El èra Dieu en declarar, “Ieu e lo Paire sèm un” (Joan 10:30). Joan 8:58 n’es un autre exemple. Jèsus declarèt, "Vos o asseguri clarament: plan abans qu’Abraam nasquèsse, ieu soi!" Tornarmai, coma responsa, los jusieus acampèron de pèiras per ensajar de lapidar Jèsus (Joan 8:59). Perqué voldrián los jusieus lapidar Jèsus s’aviá pas dich quicòm que pensavan qu’èra un blasfèmi, coma per exemple, declarar d’èsser Dieu?

Joan 1:1 ditz que “la Paraula èra Dieu”. Joan 1:14 ditz que “la Paraula se faguèt carn". Aquò indica clarament que Jèsus es Dieu en carn. Faches 20:28 nos dison “...Vos cal èsser pastors de la glèisa de Dieu, qu’El crompèt amb Sa quita sang". Qual crompèt la glèisa amb Sa quita sang? Jèsus Crist. Los Faches declaran que Dieu crompèt la glèisa amb Sa quita sang. Doncas, Jèsus es Dieu!

Lo discípol Tomàs declarèt per çò qu’es de Jèsus “Sénher e el meu Déu” (Joan 20:28). Jèsus lo corregís pas. Titus 2:13 nos encoratja a esperar l’arribada de nòstre Sénher e Salvaire – Jèsus Crist (vejatz tanben 2 Pèire 1:1). Dins Ebrèus 1:8, lo Paire declara a prepaus de Jèsus “Per contra, del Filh ditz: Lo tieu tròn, ò Dieu, se manten pels sègles dels sègles, e lo sceptre just es lo sceptre del tieu Règne."

Dins la Revelacion, un àngel ensenhèt l’Apòstol Joan a pregar sonque Dieu (Revelacion 19:10). Mantun còp dins las Escrituras Jèsus es adorat (Matieu 2:11, 14:33, 28:9, 17; Luc 24:52, Joan 9:38). Pas jamai repotega las gents pel fach que L’adoren. Se Jèsus non foguèsse pas Dieu, auriá dich a las gents que L’adorèssen pas, coma o faguèt l'àngel dins la Revelacion. I a fòrça autres vèrses e passatges de las Escrituras que parlan de la divinitat de Jèsus.

La rason mai importanta per la que Jèsus deu èsser Dieu es que s’El es pas Dieu, Sa mòrt seriá pas estada sufisenta per pagar la pena pels pecats de tot lo mond (1 Joan 2:2). Sonque Dieu podriá pagar una pena tant infinida. Sonque Dieu podriá assumir los pecats del mond (2 Corintians 5:21), morir, e èsser ressuscitat - demostrant Sa victòria sul pecat e la mòrt.



Tornar a la pagina de debuta de l’occitan



Jèsus es Dieu? Diguèt Jèsus qualque còp qu’èra Dieu?