ବାଇବଲ ଭୁଲ୍ ଗୁଡିକ, ବିରୋଧାଭାସ ସକଳ ଏବଂ ଅସାମଞ୍ଜସ୍ୟ ସକଳ ଧାରଣ କରିଛି କି?



ପ୍ରଶ୍ନ: ବାଇବଲ ଭୁଲ୍ ଗୁଡିକ, ବିରୋଧାଭାସ ସକଳ ଏବଂ ଅସାମଞ୍ଜସ୍ୟ ସକଳ ଧାରଣ କରିଛି କି?

ଉତ୍ତର:
ଯଦି ଆମେ ବାଇବଲକୁ ଭୁଲ୍ କାଢିବା ନିମନ୍ତେ ପୂର୍ବ ଧାରଣାର ପକ୍ଷପାତିତା ବିନା ବାହ୍ୟ ଦୃଷ୍ଟିକୋଣରୁ ପଠନ କରୁ ତେବେ ଆମେ ଏହାକୁ ଏକ ଯୁକ୍ତିସଙ୍ଗତ, ସ୍ଥିର ଏବଂ ଆପେକ୍ଷିକ ଭାବେ ବୁଝିବା ନିମନ୍ତେ ସହଜ ପୁସ୍ତକ ଭାବରେ ଦେଖିପାରିବା |

ହଁ, ବାଇବଲରେ କିଛି ବୁଝିବା ନିମନ୍ତେ କଷ୍ଟକର ଶାସ୍ତ୍ରାଂଶଗୁଡିକ ଅଛି | ହଁ, ସେଠାରେ କେତେକ ପଦ ଅଛି ଯାହା ପରସ୍ପର ବିରୋଧାଭାସ ପରି ଜଣାଯାଏ | ଆମେ ନିହାତି ସ୍ମରଣରେ ରଖିବା ଉଚିତ୍ ଯେ, ବାଇବଲ ପ୍ରାୟ ୪୦ ଜଣ ବିଭିନ୍ନ ଲେଖକଙ୍କ ଦ୍ବାରା ୧୫୦୦ ବର୍ଷ ମଧ୍ୟରେ ଲେଖାଯାଇଥିଲା | ପ୍ରତି ଲେଖକ ଏକ ଭିନ୍ନ ଶୈଳୀରେ, ଏକ ଭିନ୍ନ ଅନ୍ତର୍ଦୃଷ୍ଟିରେ, ଏକ ଭିନ୍ନ ଶ୍ରୋତାମଣ୍ଡଳୀକୁ, ଏକ ଭିନ୍ନ ଉଦ୍ଦେଶ୍ୟରେ ଲେଖିଥିଲେ | ଆମେ କିଛି ଗୌଣ ଭିନ୍ନତା ଆଶା କରିବା ଉଚିତ୍ | କିନ୍ତୁ ଏକ ଭିନ୍ନତା ଏକ ବିରୋଧାଭାସ ନୁହେଁ | ଏହା ଏକ ଭୁଲ୍ ହେବ ଯଦି ସମ୍ମିଳିତ ହୋଇ ପାରୁନଥିବା ପରି ଏଥିର ପଦଗୁଡିକ କିମ୍ବା ଶାସ୍ତ୍ରାଂଶଗୁଡିକ ସମ୍ପୂର୍ଣ୍ଣ ବୁଝାପଡୁଥିବାର କୌଣସି ଉପାୟ ନ ଥିବ | ଏପରିକି ଯଦି କୌଣସି ପ୍ରଶ୍ନର ଉତ୍ତର ବର୍ତ୍ତମାନ ଉପଲବ୍ଧ ନୁହେଁ, ତାହାର ଅର୍ଥ ନୁହେଁ ଯେ, ସେହି ପ୍ରଶ୍ନର ଉତ୍ତର ନାହିଁ | ବାଇବଲରେ ଥିବା ଇତିହାସ କିମ୍ବା ଭୂଗୋଳ ବିଷୟରେ ଅନେକେ ତଥାକଥିତ ଭୁଲ୍ ସେପର୍ଯ୍ୟନ୍ତ ପାଇଛନ୍ତି ଯେପର୍ଯ୍ୟନ୍ତ ସେମାନେ ବାଇବଲ ବିଷୟରେ ସେହି ସମସ୍ତ ପ୍ରତ୍ନତତ୍ତ୍ବଗତ ପ୍ରମାଣ ଆବିଷ୍କାର କରି ବାଇବଲର ସେହି ତଥାକଥିତ ଭୁଲ୍ କୁ ସତ୍ୟ ବୋଲି ଦେଖିଛନ୍ତି |

ଆମେ ଅନେକ ସମୟରେ "ଏହି ସମସ୍ତ ପଦଗୁଡିକ କାହିଁକି ପରସ୍ପର ବିରୋଧାଭାସ ନୁହଁନ୍ତି ବୋଲି ବୁଝାଅ!" ଲେଖାଥିବା ପ୍ରଶ୍ନଗୁଡିକ ପାଇଥାଉ କିମ୍ବା "ଦେଖ, ବାଇବଲରେ ଏକ ଭୁଲ୍ ଅଛି!" ଲେଖା ପାଇଥାଉ | ଏହା ସ୍ବୀକାର୍ଯ୍ୟ ଯେ, ଲୋକେ ପ୍ରଶ୍ନ କରୁଥିବା କେତେକ ବିଷୟ ଉତ୍ତର ଦେବା ନିମନ୍ତେ କଷ୍ଟକର ହୋଇଥାଏ | ଅଥଚ, ଆମର ଯୁକ୍ତି ହେଲା, ପ୍ରତ୍ୟେକ ତଥାକଥିତ ବାଇବଲ ବିରୋଧାଭାସ ଏବଂ ଭୁଲ୍ ନିମନ୍ତେ ସାଧ୍ୟ ଏବଂ ଜ୍ଞାନସଙ୍ଗତ ଏବଂ ଯୁକ୍ତିସଙ୍ଗତ ଉତ୍ତରଗୁଡିକ ଅଛି | "ବାଇବଲରେ ଥିବା ସମସ୍ତ ଭୁଲ୍" ର ତାଲିକା ବିଭିନ୍ନ ପୁସ୍ତକ ଏବଂ ୱେବ୍ ସାଇଟ୍ ଅଛି | ଅଧିକାଂଶ ଲୋକ ଏହି ସମସ୍ତ ସ୍ଥାନରୁ ତର୍କ ବିତର୍କରେ ବ୍ୟବହାରଯୋଗ୍ୟ ତଥ୍ୟ ପାଇଥାନ୍ତି; ସେମାନେ ତଥାକଥିତ ଭୁଲ୍ ର ଉତ୍ତରକୁ ନିଜେ ଖୋଜନ୍ତି ନାହିଁ | ଏହି ସମସ୍ତ ତଥାକଥିତ ପ୍ରତ୍ୟେକ ଭୁଲ୍ କୁ ଖଣ୍ଡନ କରିବାର ମଧ୍ୟ କେତେକ ପୁସ୍ତକ ଏବଂ ୱେବ୍ ସାଇଟ୍ ଅଛି | ସବୁଠାରୁ ଦୁଃଖଦାୟକ ବିଷୟ ହେଉଛି ଯେଉଁମାନେ ବାଇବଲକୁ ଆକ୍ରମଣ କରନ୍ତି ସେମାନେ ବାସ୍ତବରେ ଏକ ଉତ୍ତରରେ ଆଗ୍ରହୀ ନୁହନ୍ତି | ଅନେକ "ବାଇବଲ ଆକ୍ରମଣକାରୀ" ଏପରିକି ଏହି ସମସ୍ତ ଉତ୍ତର ବିଷୟରେ ଅବଗତ ଅଛନ୍ତି, କିନ୍ତୁ ସେମାନେ ସେହି ପୁରାତନ ତୁଚ୍ଛ ଆକ୍ରମଣକୁ ବାରମ୍ବାର ଦୋହରାଇଥାନ୍ତି |

ତେବେ, କେହି ଜଣେ ଏକ ତଥାକଥିତ ବାଇବଲ ଭୁଲ୍ ଦର୍ଶାଇ ଆମ ନିକଟକୁ ଆସିଲେ ଆମେ କ'ଣ କରିବା ଉଚିତ୍? ୧) ପ୍ରାର୍ଥନା ପୂର୍ବକ ଶାସ୍ତ୍ରାଂଶକୁ ଅଧ୍ୟୟନ କରନ୍ତୁ ଏବଂ ତାହାର ଏକ ସାଧାରଣ ସମାଧାନ ଅଛି କି ନା ତାହା ଦେଖନ୍ତୁ | ୨) କିଛି ଠିକ୍ ବାଇବଲ୍ କମେଣ୍ଟାରୀ, "ବାଇବଲ ପ୍ରତିରକ୍ଷା" ପୁସ୍ତକସକଳ ଏବଂ ବାଇବଲ ଗବେଷଣା ୱେବ୍ ସାଇଟ୍ ବ୍ୟବହାର କରି କିଛି ଗବେଷଣା କରନ୍ତୁ | ୩) ଆପଣଙ୍କ ପାଳକ/ମଣ୍ଡଳୀ ନେତା ଏହି ପ୍ରଶ୍ନର କିଛି ସମାଧାନ ପାଇ ପାରନ୍ତି କି ତାହା ସେମାନଙ୍କୁ ପଚାରନ୍ତୁ | ୪) ଯଦି ୧, ୨ କିମ୍ବା ୩ ନମ୍ବର ବ୍ୟବହାର କରି ମଧ୍ୟ ଆପଣ ଏହାର କିଛି ସ୍ବଷ୍ଟ ଉତ୍ତର ପାଉନାହାନ୍ତି, ତେବେ, ଆମେ ଈଶ୍ବରଙ୍କଠାରେ ଭରସା ରଖୁ ଯେହେତୁ ତାଙ୍କ ବାକ୍ୟ ସତ୍ୟ ଅଟେ ଏବଂ ଏହି ପ୍ରଶ୍ନର ଉତ୍ତର ନିଶ୍ଚୟ ଅଛି ଯାହାକୁ ଏପର୍ଯ୍ୟନ୍ତ ହୃଦୟଙ୍ଗମ କରାଯାଇପାରିନାହିଁ (୨ତିମଥି ୨:୧୫, ୩:୧୬-୧୭) |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ବାଇବଲ ଭୁଲ୍ ଗୁଡିକ, ବିରୋଧାଭାସ ସକଳ ଏବଂ ଅସାମଞ୍ଜସ୍ୟ ସକଳ ଧାରଣ କରିଛି କି?