ଆଜିର ଦିନରେ ବାଇବଲ ପ୍ରଯୁଜ୍ୟ ଅଟେକି?


ପ୍ରଶ୍ନ: ଆଜିର ଦିନରେ ବାଇବଲ ପ୍ରଯୁଜ୍ୟ ଅଟେକି?

ଉତ୍ତର:
ଏବ୍ରୀ 4:12 କୁହେ “କାରଣ ଈଶ୍ବରଙ୍କ ବାକ୍ୟ ଜୀବନ୍ତ ଓ କାର୍ଯ୍ୟସାଧକ, ପୁଣି ଦ୍ବିଧାର ଖଡ୍ଗଠାରୁ ତୀକ୍ଷ୍ଣତର, ଆଉ ପ୍ରାଣ ଓ ଆତ୍ମା, ଗ୍ରନ୍ଥି ଓ ମଜ୍ଜାର ବିଚ୍ଛେଦ ପର୍ଯ୍ୟନ୍ତ ପରିଭେଦକ ଏବଂ ହୃଦୟର ଚିନ୍ତା ଓ ଭାବର ସୂକ୍ଷ୍ମ ବିଚାରକ ଅଟେ ।” ବାଇବଲ ପାଖାପାଖି 1900 ବର୍ଷ ତଳେ ଯେତେବେଳେ ସମ୍ପୂର୍ଣ୍ଣ ହେଲା, ଏହାର ନିର୍ଭୁଲତା ଓ ଆଜି ଦିନ ପାଇଁ ଏହାର ପ୍ରଯୁଜ୍ୟତା ପରିବର୍ତ୍ତନ ହୋଇନାହିଁ । ଈଶ୍ବର ତାହାଙ୍କ ନିଜ ବିଷୟରେ ଓ ମନୁଷ୍ୟଜାତି ପାଇଁ ଯେଉଁ ଯୋଜନା କରିଛନ୍ତି ସେ ବିଷୟରେ ଈଶ୍ବର ଯେତେ ପ୍ରକାଶନ ଦେଇଛନ୍ତି ସେ ସବୁର ମୁଖ୍ୟ ଆଧାର ହେଉଛି ବାଇବଲ ।

ପ୍ରାକୃତିକ ବିଶ୍ବର ଅନେକଗୁଡିଏ ତଥ୍ୟ ବାଇବଲରେ ରହିଛି ଯାହା ବୈଜ୍ଞାନିକ ପର୍ଯ୍ୟବେକ୍ଷଣ ଓ ଗବେଷଣା ଦ୍ବାରା ସୁନିଶ୍ଚିତ ହୋଇଛି । ଏହି ଶାସ୍ତ୍ରାଂଶଗୁଡିକ ମଧ୍ୟରୁ କେତେକ ହେଉଛି ଲେବୀୟ 17:11; ଉପଦେଶକ 1:6-7; ଆୟୁବ 36:27-29; ଗୀତସଂହିତା 102:25-27 ଓ କଲସୀୟ 1:16-17 । ମାନବଜାତି ପାଇଁ ଯେତେବେଳେ ଈଶ୍ବରଙ୍କ ପ୍ରାୟଶ୍ଚିତ ଯୋଜନାର କଥା ପ୍ରକାଶ ପାଇଲା, ଅନେକ ବ୍ୟକ୍ତିବିଶେଷଙ୍କ ବିଷୟରେ ନାନା ପ୍ରକାରେ ବର୍ଣ୍ଣନା କରାଗଲା । ଏହି ସମସ୍ତ ବର୍ଣ୍ଣନାରେ, ମନୁଷ୍ୟ ବ୍ୟବହାର ଓ ପ୍ରବଣତା ବିଷୟରେ ଅନେକଗୁଡିଏ ସୂଚନା ଦିଏ । ଆମ୍ଭମାନଙ୍କର ଦୈନନ୍ଦିନ ଅନୁଭୂତି ଦେଖାଏ ଯେ କୌଣସି ମନୋବିଜ୍ଞାନ ପୁସ୍ତକ ମନୁଷ୍ୟର ଅବସ୍ଥା ବିଷୟରେ ଯେତେ ନିର୍ଭୁଲ ବର୍ଣ୍ଣନାତ୍ମକ ବିବରଣୀ ଦେବ, ତାହା ଅପେକ୍ଷା ଏହା ଯଥେଷ୍ଟ ଅଧିକ ପରିମାଣର ସୂଚନା ଦେଇଥାଏ । ବାଇବଲରେ ଲେଖାଥିବା ଅନେକ ଐତିହାସିକ ବିବରଣୀ ବାଇବଲ ବାହାରେ ଥିବା ଲେଖାଗୁଡିକ ଦ୍ବାରା ସୁନିଶ୍ଚିତ ହୋଇଛି । ଐତିହାସିକ ଗବେଷଣା ଅନେକ ସମୟରେ ବାଇବଲ ବିବରଣୀ ଓ ବାଇବଲ ବାହାରେ ଥିବା ଲେଖା ମଧ୍ୟରେ ଅନେକ ସହମତ ଥିବାର ଦେଖାଏ ।

ଅଥଚ, ବାଇବଲ ଏକ ଇତିହାସ ପୁସ୍ତକ, ମନୋବିଜ୍ଞାନ ପୁସ୍ତକ, କିମ୍ବା ଏକ ବୈଜ୍ଞାନିକ ପତ୍ରିକା ନୁହେଁ । ଈଶ୍ବର କିଏ ଅଟନ୍ତି ଓ ମନୁଷ୍ୟ ପାଇଁ ତାହାଙ୍କ ଯୋଜନା କ’ଣ ତାହା ସେ ଆମ୍ଭମାନଙ୍କୁ ବାଇବଲରେ କହିଅଛନ୍ତି । ଏହି ପ୍ରକାଶନର ସବୁଠାରୁ ଅଧିକ ଗୁରୁତ୍ବପୂର୍ଣ୍ଣ ଉପାଦାନ ବା ଅଂଶ ହେଉଛି ପାପ କରିବା ଦ୍ବାରା ଈଶ୍ବରଙ୍କଠାରୁ ଆମ୍ଭମାନଙ୍କର ପୃଥକୀକରଣ ଓ ତାହାଙ୍କ ପୁଅ ଯୀଶୁଖ୍ରୀଷ୍ଟଙ୍କୁ କ୍ରୁଶରେ ବଳି ଦେବା ଦ୍ବାରା ପୁନର୍ବାର ସହଭାଗୀତା ନିମନ୍ତେ ଥିବା ଈଶ୍ବରଙ୍କ ଯୋଜନା ଅଟେ । ପ୍ରାୟଶ୍ଚିତ ହେବା ନିମନ୍ତେ ଆମ୍ଭମାନଙ୍କର ଆବଶ୍ୟକତା ପରିବର୍ତ୍ତିତ ହୁଏନାହିଁ । ଈଶ୍ବର ନିଜଠାରେ ଆମ୍ଭମାନଙ୍କୁ ସମ୍ମିଳିତ କରିବା ନିମନ୍ତେ ମଧ୍ୟ ତାହାଙ୍କର ଇଛା ନୁହେଁ ।

ବାଇବଲରେ ଅନେକ ନିର୍ଭୁଲ ଓ ସମ୍ପର୍କିତ ତଥ୍ୟ ରହିଛି । ବାଇବଲର ସବୁଠାରୁ ଅଧିକ ଗୁରୁତ୍ବପୂର୍ଣ୍ଣ ବାର୍ତ୍ତା ପ୍ରାୟଶ୍ଚିତ ମନୁଷ୍ୟ ନିମନ୍ତେ ସାର୍ବଜନୀନ ଓ ସବୁବେଳେ ପ୍ରଯୁଜ୍ୟ ଅଟେ । ଈଶ୍ବରଙ୍କ ବାକ୍ୟ କେବେ ସୁଦ୍ଧା ଅକାମୀ ବା ସମୟ ଅନୁପଯୋଗୀ ନୁହେଁ କିମ୍ବା ଏହାକୁ କେବେ ବିକଶିତ କରାଯାଇନାହିଁ । ସଂସ୍କୃତି ବଦଳିଯାଏ, ନିୟମ ବଦଳିଯାଏ, ପିଢି ଆସେ ଓ ଯାଏ, କିନ୍ତୁ ଈଶ୍ବରଙ୍କ ବାକ୍ୟ ପ୍ରଥମେ ଲେଖାଯିବା ସମୟରେ ଯେପରି ଥିଲା, ତାହା ଏବେ ସୁଦ୍ଧା ସେପରି ରହିଛି । ଶାସ୍ତ୍ରର ସମସ୍ତ ଅଂଶ ଆଜି ଆମ୍ଭମାନଙ୍କ ନିମନ୍ତେ ପ୍ରଯୁଜ୍ୟ ନୁହେଁ, କିନ୍ତୁ ସମସ୍ତ ଶାସ୍ତ୍ରରେ ଏପରି ସତ୍ୟତା ରହିଛି ଯାହା ଆଜି ଆମ୍ଭମାନଙ୍କ ଜୀବନରେ ପ୍ରୟୋଗ କରାଯାଇପାରିବ, ଏହାକୁ ପ୍ରୟୋଗ କରାଯିବା ଉଚିତ ।



ଓଡିଆ ପେଜ୍ କୁ ପ୍ରତ୍ୟାବର୍ତ୍ତନ କରନ୍ତୁ



ଆଜିର ଦିନରେ ବାଇବଲ ପ୍ରଯୁଜ୍ୟ ଅଟେକି?