ଖ୍ରୀଷ୍ଟିୟ ଦଶମାଂଶ ବିଷୟରେ ବାଇବଲ କ’ଣ କୁହେ?


ପ୍ରଶ୍ନ: ଖ୍ରୀଷ୍ଟିୟ ଦଶମାଂଶ ବିଷୟରେ ବାଇବଲ କ’ଣ କୁହେ?

ଉତ୍ତର:
ଅନେକ ଖ୍ରୀଷ୍ଟିୟାନ ଦଶମାଂଶ ଦେବା ବିଷୟରେ ସଂଘର୍ଷ କରନ୍ତି । କିଛି ବ୍ୟକ୍ତି ମଣ୍ଡଳୀରେ ଦାନ ଦେବା ବିଷୟକୁ ଅତିଶୟ ଗୁରୁତ୍ବ ଦେଇଥାନ୍ତି । ଠିକ୍‍ ସେହି ସମୟରେ, ପ୍ରଭୁଙ୍କୁ ଦାନ ଦେବା ବିଷୟରେ ବାଇବଲ ସମ୍ବନ୍ଧୀୟ ଉତ୍ସାହପ୍ରଦାନ ନିକଟରେ ନିଜକୁ ସମର୍ପଣ କରିବା ପାଇଁ ଅନେକ ଖ୍ରୀଷ୍ଟିୟାନ ନାସ୍ତି କରନ୍ତି । ଦଶମାଂଶ ଦେବା/ଦାନ ଦେବା ବିଷୟ ଏକ ଆନନ୍ଦ ଓ ଆଶୀର୍ବାଦର ବିଷୟ ନିମନ୍ତେ ରହିଛି । ଦୁଃଖର ବିଷୟ ଯେ, ଆଜିର ମଣ୍ଡଳୀରେ ସେପରି ହୋଇନଥାଏ ।

ଦଶମାଂଶ ଦେବା ହେଉଛି ପୁରାତନ ନିୟମରେ ଥିବା ଏକ ଧାରଣା । ଦଶମାଂଶ ଦେବା ବ୍ୟବସ୍ଥାର ଏକ ଆବଶ୍ୟକତା ଥିଲା ଯେଉଁଠି ଇଶ୍ରାୟେଲୀୟମାନେ ସେମାନଙ୍କ ଶଷ୍ୟ ଓ ସେମାନେ ପାଳନ କରୁଥିବା ପଶୁର ଶତକଡା 10 ଭାଗ ସମାଗମ ତମ୍ବୁ/ମନ୍ଦିରକୁ ଦେଉଥିଲେ (ଲେବୀୟ 27:30; ଗଣନା 18:26; ଦ୍ବିତୀୟ ବିବରଣ 14:24; 2ବଂଶାବଳୀ 31:5) । ପ୍ରକୃତରେ, ପୁରାତନ ନିୟମରେ ଥିବା ବ୍ୟବସ୍ଥା ଅନେକ ବିଷୟର ଦଶମାଂଶ ଆବଶ୍ୟକ କରୁଥିଲା – ଲେବୀୟମାନଙ୍କ ପ୍ରତି ଗୋଟିଏ, ଆଉ ଗୋଟିଏ ମନ୍ଦିର ଓ ଭୋଜର ବ୍ୟବହାର ନିମନ୍ତେ, ଆଉ ଗୋଟିଏ ଦେଶରେ ଥିବା ଦରିଦ୍ରମାନଙ୍କ ପ୍ରତି – ଯାହା ପାଖାପାଖି ଶତକଡା 23.3 ଭାଗ ହେଉଥିଲା । ପୁରାତନ ନିୟମରେ ଥିବା ଦଶମାଂଶ ବ୍ୟବସ୍ଥାକୁ କିଛି ବ୍ୟକ୍ତି ବଳିଦାନ କାର୍ଯ୍ୟରେ ଯାଜକ ଓ ଲେବୀୟମାନଙ୍କର ଆବଶ୍ୟକତା ନିମନ୍ତେ ଦେବା ପାଇଁ କର ଆଦାୟର ପଦ୍ଧତି ବୋଲି ବୁଝୁଥିଲେ।

ନୂତନ ନିୟମର କୌଣସି ସ୍ଥାନରେ ମଧ୍ୟ ଖ୍ରୀଷ୍ଟିୟାନମାନଙ୍କୁ ଆଇନଗତ ବା ବାଧ୍ୟତାମୂଳକ ଭାବରେ ଦାନ ଦେବା ପାଇଁ ଆଦେଶ ଦିଆଯାଇନାହିଁ କିମ୍ବା ଉତ୍ସାହିତ ମଧ୍ୟ କରାଯାଇନାହିଁ । ନୂତନ ନିୟମର କୌଣସି ସ୍ଥାନରେ ମଧ୍ୟ ଜଣେ ବ୍ୟକ୍ତି ତା’ ଆୟର କିଛି ଅଂଶକୁ ଦାନ ନିମନ୍ତେ ପୃଥକ୍‍ କରି ରଖିବା ନିମନ୍ତେ ଉଲ୍ଲେଖ କରାଯାଇନାହିଁ, କିନ୍ତୁ “ସୁବିଧା ଅନୁସାରେ ନିଜ ନିଜ ନିକଟରେ ସଞ୍ଚୟ କରି ରଖିବା” (1କରିନ୍ଥୀୟ 16:2) ନିମନ୍ତେ କୁହାଯାଇଛି । ଖ୍ରୀଷ୍ଟିୟ ମଣ୍ଡଳୀଗୁଡିକରେ କିଛି ବ୍ୟକ୍ତି ଖ୍ରୀଷ୍ଟିୟାନମାନେ ଦାନ ଦେବା ସମୟରେ ପୁରାତନ ନିୟମରେ ଥିବା 10 ଭାଗ “ବାଞ୍ଚନୀୟ ସର୍ବନିମ୍ନ ପରିମାଣ” ନିଆଯାଇଥିବା କଥା କହନ୍ତି ।

ନୂତନ ନିୟମ ଦାନ ଦେବାର ଗୁରୁତ୍ବ ଓ ଲାଭ ବିଷୟରେ କହିଥାଏ । ଆମେ ଯେତେ ସକ୍ଷମ ଅଟୁ ସେହି ଅନୁଯାୟୀ ଦାନ କରିବା ଆବଶ୍ୟକ । ବେଳେବେଳେ ତାହା 10 ଭାଗରୁ ଅଧିକ ଦେବା ବୁଝାଏ; ବେଳେବେଳେ ତାହା ସେଥିରୁ ବା ଦଶଭାଗରୁ ମଧ୍ୟ କମ୍‍ ଦେବାର ବୁଝାଏ । ଏହି ସମସ୍ତ ଖ୍ରୀଷ୍ଟିୟାନର ସକ୍ଷମତା ଓ ମଣ୍ଡଳୀର ଆବଶ୍ୟକତା ଉପରେ ନିର୍ଭର କରେ । ଖ୍ରୀଷ୍ଟିୟାନମାନେ ଦଶମାଂଶ ଦେବା ଏବଂ/କିମ୍ବା କେତେ ଦେବାକୁ ପଡିବ ସେ ବିଷୟରେ ପ୍ରତ୍ୟେକ ଖ୍ରୀଷ୍ଟିୟାନ ଆଗ୍ରହ ସହକାରେ ପ୍ରାର୍ଥନା କରିବା ଓ ଈଶ୍ବରଙ୍କର ବୁଦ୍ଧି ମାଗିବାର ଆବଶ୍ୟକତା ରହିଛି (ଯାକୁବ 1:5) । ସର୍ବୋପରି, ସମସ୍ତ ଦଶମାଂଶ ଓ ଦାନ ଶୁଦ୍ଧ ମନୋଭାବ ଓ ଈଶ୍ବରଙ୍କର ଉପାସନା କରିବା ଓ ଖ୍ରୀଷ୍ଟଙ୍କ ଶରୀରର ସେବା ପାଇଁ ଦେବା ଉଚିତ । “ପ୍ରତ୍ୟେକ ଜଣ ଆପଣା ହୃଦୟରେ ଯେପରି ସଂକଳ୍ପ କରିଅଛି, ସେହିପରି କରୁ, କୁଣ୍ଠିତ ଭାବରେ ନୁହେଁ ଅବା ବାଧ୍ୟବାଧକତା ହେତୁରୁ ନୁହେଁ; କାରଣ ଈଶ୍ବର ହୃଷ୍ଟଚିତ୍ତ ଦାତାକୁ ଭଲ ପାଆନ୍ତି (2କରିନ୍ଥୀୟ 9:7) ।”



ଓଡ଼ିଆ ପେଜ୍ କୁ ଫେରି ଯାଅନ୍ତୁ



ଖ୍ରୀଷ୍ଟିୟ ଦଶମାଂଶ ବିଷୟରେ ବାଇବଲ କ’ଣ କୁହେ?