ଈଶ୍ବର ପ୍ରେମ କହିଲେ କ'ଣ ବୁଝାଯାଏ?



ପ୍ରଶ୍ନ: ଈଶ୍ବର ପ୍ରେମ କହିଲେ କ'ଣ ବୁଝାଯାଏ?

ଉତ୍ତର:
ଆସନ୍ତୁ, ବାଇବଲ ପ୍ରେମକୁ କିପରି ବର୍ଣ୍ଣନା କରେ ତାହା ଦେଖିବା, ଏବଂ ତା'ପରେ ଆମେ ଅଳ୍ପ କିଛି ଉପାୟ ଦେଖିବା ଯେଉଁଠିକି ଈଶ୍ବର ପ୍ରେମର ଅପରିହାର୍ଯ୍ୟ ବିଷୟ ଅଟନ୍ତି | "ପ୍ରେମ ଦୀର୍ଘସହିଷ୍ଣ, ପ୍ରେମ ହିତଜନକ, ଈର୍ଷା କରେନାହିଁ, ଆତ୍ମବଡିମା କରେନାହିଁ, ଅହଙ୍କାର କରେନାହିଁ, ଅନୁଚିତ ବ୍ୟବହାର କରେନାହିଁ, ସ୍ବାର୍ଥ ଚେଷ୍ଟା କରେନାହିଁ, ବିରକ୍ତ ହୁଏନାହିଁ, ଅପକାର ସ୍ମରଣରେ ରଖେନାହିଁ, ଅଧର୍ମରେ ଆନନ୍ଦ କରେନାହିଁ, କିନ୍ତୁ ସତ୍ୟରେ ଆନନ୍ଦ କରେ; ସମସ୍ତ ସହ୍ୟ କରେ, ସମସ୍ତ ବିଶ୍ବାସ କରେ, ସମସ୍ତ ଭରସା କରେ, ସମସ୍ତ ବିଷୟରେ ଧୈର୍ଯ୍ୟ ଧରି ରହେ | ପ୍ରେମ କଦାପି ଶେଷ ହୁଏନାହିଁ;"(୧କରିନ୍ଥୀୟ ୧୩:୪-୮କ) | ପ୍ରେମ ଉପରେ ଏହା ଈଶ୍ବରଙ୍କ ସଂଜ୍ଞା ଏବଂ, ଯେହେତୁ ଈଶ୍ବର ପ୍ରେମ ଅଟନ୍ତି (୧ଯୋହନ ୪:୮) ସେଇଥିଯୋଗୁଁ ସେ ସେପରି ଅଟନ୍ତି |

ପ୍ରେମ (ଈଶ୍ବର) କାହା ଉପରେ ନିଜକୁ ବଳ ପ୍ରୟୋଗ କରେନାହିଁ | ଯେଉଁମାନେ ତାଙ୍କ ନିକଟକୁ ଆସନ୍ତି, ତାଙ୍କ ପ୍ରେମ ପ୍ରତିବଦଳରେ ସେପରି କରନ୍ତି | ପ୍ରେମ (ଈଶ୍ବର) ସମସ୍ତଙ୍କୁ ଦୟାଭାବ ଦେଖାଏ | ପ୍ରେମ (ଯୀଶୁ) ବିନା ମୁଖାପେକ୍ଷାରେ ପ୍ରତ୍ୟେକଙ୍କର ଭଲ କରୁଥିଲେ | ପ୍ରେମ (ଯୀଶୁ) ଅନ୍ୟମାନଙ୍କର ଯାହା ଥିଲା , ତାହାକୁ ଲୋଭ କରିଲା ନାହିଁ ଓ ବିନା ଅଭିଯୋଗରେ ଏକ ସରଳ ଜୀବନଯାପନ କଲା | ପ୍ରେମ (ଯୀଶୁ) ଯିଏ କି ଶରୀରରେ ଥିଲା ଆତ୍ମବଡିମା କଲାନାହିଁ ଯଦିଓ ସେ ଯେକୌଣସି ଲୋକଙ୍କ ସମ୍ପର୍କରେ ଆସିଲା ତାହାକୁ ପରାଜୟ କରିପାରିଥାନ୍ତା | ପ୍ରେମ (ଈଶ୍ବର) ବାଧ୍ୟତା ଦାବୀ କରେନାହିଁ | ଈଶ୍ବର ତାଙ୍କ ପୁତ୍ର (ଯୀଶୁ)ଙ୍କଠାରୁ ବାଧ୍ୟତା ଦାବୀ କଲେନାହିଁ, କିନ୍ତୁ, ଅପରପକ୍ଷରେ ଯୀଶୁ ନିଜ ଇଛାରେ ତାଙ୍କ ସ୍ବର୍ଗରେ ଥିବା ପିତାଙ୍କର ବାଧ୍ୟ ହେଲେ | "କିନ୍ତୁ ମୁଁ ଯେ ପିତାଙ୍କୁ ପ୍ରେମ କରେ ଓ ପିତାଙ୍କ ଆଜ୍ଞାନୁସାରେ କର୍ମ କରେ, ଏହା ଯେପରି ଜଗତ ଜାଣିପାରେ" (ଯୋହନ ୧୪:୩୧) | ପ୍ରେମ (ଯୀଶୁ) ସର୍ବଦା ଅନ୍ୟମାନଙ୍କର ସୁବିଧା ଦେଖୁଥିଲେ/ଦେଖୁଛନ୍ତି |

ଈଶ୍ବରଙ୍କ ପ୍ରେମର ସର୍ବମହାନ୍ ପ୍ରକାଶନ ଯୋହନ ୩:୧୬ ରେ ଆମ୍ଭମାନଙ୍କୁ ଜଣାଇଦିଆଯାଇଛି: "କାରଣ ଈଶ୍ବର ଜଗତକୁ ଏଡେ ପ୍ରେମ କଲେ ଯେ, ସେ ଆପଣା ଅଦ୍ବିତୀୟ ପୁତ୍ରଙ୍କୁ ଦାନ କଲେ, ଯେପରି ଯେକେହି ତାହାଙ୍କଠାରେ ବିଶ୍ବାସ କରେ ସେ ବିନଷ୍ଟ ନ ହୋଇ ଅନନ୍ତ ଜୀବନ ପ୍ରାପ୍ତ ହୁଏ |" ରୋମୀୟ ୫:୮ ସେହି ସମାନ ବାର୍ତ୍ତା ଘୋଷଣା କରେ: "କିନ୍ତୁ ଆମ୍ଭେମାନେ ପାପୀଥିବା ସମୟରେ ସୁଦ୍ଧା ଖ୍ରୀଷ୍ଟ ଯେ ଆମ୍ଭମାନଙ୍କ ନିମନ୍ତେ ମୃତ୍ୟୁଭୋଗ କଲେ ସେଥିରେ ଈଶ୍ବର ଅମ୍ଭମାନଙ୍କ ପ୍ରତି ଆପଣା ପ୍ରେମ ସପ୍ରମାଣ କରୁଅଛନ୍ତି |" ଆମ୍ଭେମାନେ ଏହି ପଦଗୁଡିକରୁ ଦେଖିପାରୁ ଯେ ଈଶ୍ବରଙ୍କ ସର୍ବମହାନ୍ ଇଛା ହେଉଛି ଯେପରିକି ଆମ୍ଭେମାନେ ତାଙ୍କ ଅନନ୍ତ ଗୃହ ସ୍ବର୍ଗରେ ଆମେ ତାଙ୍କ ସହ ମିଳିତ ହେଉ | ସେ ଆମ୍ଭମାନଙ୍କର ପାପ ନିମନ୍ତେ ପାପର ୠଣ ପରିଶୋଧ କରି ସ୍ବର୍ଗକୁ ଯିବାର ପଥ ସମ୍ଭବ କରିଅଛନ୍ତି | ସେ ଆମ୍ଭମାନଙ୍କୁ ପ୍ରେମ କରନ୍ତି ଯେହେତୁ ସେ ତାଙ୍କ ଇଛାର କାର୍ଯ୍ୟାନୁସାରେ ଆମ୍ଭମାନଙ୍କୁ ମନୋନୀତ କରିଅଛନ୍ତି | ପ୍ରେମ କ୍ଷମାପ୍ରଦାନ କରେ | "ଯଦି ଆମ୍ଭେମାନେ ଆପଣା ଅପଣା ପାପ ସ୍ବୀକାର କରୁ, ତେବେ ସେ ଆମ୍ଭମାନଙ୍କ ପାପ କ୍ଷମା କରିବାକୁ ଓ ଆମ୍ଭମାନଙ୍କୁ ସମସ୍ତ ଅଧର୍ମରୁ ପରିଷ୍କାର କରିବାକୁ ବିଶ୍ବସ୍ତ ଓ ନ୍ୟାୟବାନ୍ ଅଟନ୍ତି" (୧ଯୋହନ ୧:୯) |

ତେବେ, ଈଶ୍ବର ପ୍ରେମ କହିବା କ'ଣ ବୁଝାଏ? ପ୍ରେମ ଈଶ୍ବରଙ୍କର ଏକ ବୈଶିଷ୍ଟ୍ୟ ଅଟେ | ପ୍ରେମ ଈଶ୍ବରଙ୍କ ଚରିତ୍ରର ଓ ତାଙ୍କ ବ୍ୟକ୍ତିତ୍ବର ଏକ ମୁଖ୍ୟ ରୂପ ଅଟେ | ଈଶ୍ବରଙ୍କ ପ୍ରେମ ତାଙ୍କ ପବିତ୍ରତା, ଧାର୍ମିକତା, ବିଚାର ଏବଂ ଏପରିକି ତାଙ୍କ କ୍ରୋଧ ସହ କୌଣସି ପ୍ରକାରେ ଦ୍ବନ୍ଦାତ୍ମକ ନୁହେଁ | ଈଶ୍ବରଙ୍କର ସମସ୍ତ ବୈଶିଷ୍ଟ୍ୟ ସମୂହ ସମ୍ପୂର୍ଣ୍ଣ ସଙ୍ଗତରେ ଅଛନ୍ତି | ଈଶ୍ବର କରୁଥିବା ପ୍ରତ୍ୟେକ ବିଷୟ ପ୍ରେମମୟ, ଠିକ୍ ଯେପରି ସେ କରୁଥିବା ପ୍ରତ୍ୟେକ ବିଷୟ ଯଥାର୍ଥ ଓ ସଠିକ୍ ଅଟେ | ଈଶ୍ବର ପ୍ରକୃତ ପ୍ରେମର ଏକ ସିଦ୍ଧ ଉଦାହରଣ | ଆଶ୍ଚର୍ଯ୍ୟଜନକ ଭାବେ, ଯେଉଁମାନେ ତାଙ୍କ ପୁତ୍ର ଯୀଶୁଙ୍କୁ ସେମାନଙ୍କର ବ୍ୟକ୍ତିଗତ ଉଦ୍ଧାରକର୍ତ୍ତା ଭାବେ ଗ୍ରହଣ କରନ୍ତି ସେମାନଙ୍କୁ ପବିତ୍ରଆତ୍ମାଙ୍କ ଶକ୍ତିରେ ପ୍ରେମ କରିବାର ସକ୍ଷମତା ଦିଅନ୍ତି ଠିକ୍ ଯେପରି ସେ ପ୍ରେମ କରନ୍ତି (ଯୋହନ ୧:୧୨; ୧ଯୋହନ ୩:୧, ୨୩-୨୪) |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଈଶ୍ବର ପ୍ରେମ କହିଲେ କ'ଣ ବୁଝାଯାଏ?