ସ୍ଵର୍ଗକୁ ଯିବା ନିମନ୍ତେ କ'ଣ ଯୀଶୁ ଏକମାତ୍ର ପଥ ଅଟନ୍ତି?



ପ୍ରଶ୍ନ: ସ୍ଵର୍ଗକୁ ଯିବା ନିମନ୍ତେ କ'ଣ ଯୀଶୁ ଏକମାତ୍ର ପଥ ଅଟନ୍ତି?

ଉତ୍ତର:
"ମୂଳତଃ ମୁଁ ଜଣେ ଉତ୍ତମ ବ୍ୟକ୍ତି; ତେଣୁ ମୁଁ ସ୍ଵର୍ଗକୁ ଯିବି |" "ଠିକ୍ ଅଛି, ତେଣୁ ମୁଁ କିଛି ମନ୍ଦ କାର୍ଯ୍ୟ କରେ, କିନ୍ତୁ ମୁଁ ଅଧିକ ଉତ୍ତମ କାର୍ଯ୍ୟ କରେ, ତେଣୁ ମୁଁ ସ୍ଵର୍ଗକୁ ଯିବି |" "ଯେହେତୁ ମୁଁ ବାଇବଲ ଅନୁଯାୟୀ ଜୀବନଯାପନ କରୁନାହିଁ, କେବଳ ସେଇଥିଯୋଗୁଁ ଈଶ୍ଵର ମୋତେ ନରକକୁ ପ୍ରେରଣ କରିବେ ନାହିଁ | ସମୟ ପରିବର୍ତ୍ତିତ ହୋଇଛି !" "କେବଳ ଛୋଟ ପିଲାମାନଙ୍କୁ ଅସଦାଚରଣ କରୁଥିବା କିମ୍ବା ନରଘାତକ ପରି ବାସ୍ତବ ମନ୍ଦ ଲୋକମାନେ ହିଁ ନରକକୁ ଯିବେ |"

ଏହି ସମସ୍ତ ହେଉଛି ସାଧାରଣ ଯୁକ୍ତିସିଦ୍ଧତା କିନ୍ତୁ ସତ୍ୟଟି ହେଉଛି, ସେଗୁଡିକ ସବୁ ମିଥ୍ୟା ଅଟେ | ଶୟତାନ, ଯିଏକି ଏହି ଜଗତର ଅଧିପତି, ଆମ୍ଭମାନଙ୍କ ମସ୍ତିଷ୍କରେ ଏହି ସମସ୍ତ ଚିନ୍ତାସବୁ ରୋପଣ କରିଥାଏ | ସେ, ଓ ଯେଉମାନେ ତା' ରାସ୍ତାରେ ଯାଆନ୍ତି, ସେ ସମସ୍ତେ ଈଶ୍ଵରଙ୍କ ଶତ୍ରୁ (୧ପିତର ୫:୮) | ଶୟତାନ ଜଣେ ପ୍ରତାରକ ଓ ଅନେକ ସମୟରେ ଜଣେ ଉତ୍ତମ ବ୍ୟକ୍ତି ଭାବେ ଛଦ୍ମବେଶୀ ହୋଇଥାଏ (୨କରିନ୍ଥୀୟ ୧୧:୧୪), କିନ୍ତୁ ଯେଉଁମାନେ ଈଶ୍ଵରଙ୍କ ନୁହଁନ୍ତି, ସେ ସମସ୍ତ ଲୋକଙ୍କ ମନକୁ ନିୟନ୍ତ୍ରଣ କରେ | "ଈଶ୍ଵରଙ୍କ ପ୍ରତିମୂର୍ତ୍ତି ଯେ ଖ୍ରୀଷ୍ଟ ତାହାଙ୍କ ଗୌରବମୟ ସୁସମାଚାର ଯେପରି ଏହି ପ୍ରକାର ଲୋକଙ୍କ ପ୍ରତି ପ୍ରକାଶିତ ନ ହୁଏ, ଏଥିନିମନ୍ତେ ଏହି ଜଗତପତି ଅବିଶ୍ବାସୀମାନଙ୍କର ଜ୍ଞାନଚକ୍ଷୁ ଅନ୍ଧ କରିଅଛି |" (୨କରିନ୍ଥୀୟ ୪:୪) |

ଈଶ୍ଵର ଯେ ଛୋଟଛୋଟ ପାପଗୁଡିକ ପ୍ରତି ଦୃଷ୍ଟି ଦିଅନ୍ତି ନାହିଁ, ନରକ ଯେ "ମନ୍ଦ ଲୋକମାନଙ୍କ" ନିମନ୍ତେ ସଂରକ୍ଷିତ ହୋଇ ରହିଛି ଏପରି ଵିଶ୍ଵାସ କରିବା ଏକ ଭ୍ରମ ଅଟେ | ସମସ୍ତ ପାପ ଆମକୁ ଈଶ୍ଵରଙ୍କଠାରୁ ପୃଥକ୍ କରେ, ଏପରିକି ଏକ ଛୋଟ ଧଳା ମିଛ" | ପ୍ରତ୍ୟେକ ବ୍ୟକ୍ତି ପାପ କରିଅଛନ୍ତି, ଏବଂ ସ୍ଵର୍ଗରେ ପ୍ରବେଶ କରିବା ନିମନ୍ତେ କେହି ବି ନିଜେ ନିଜେ ଉତ୍ତମ ନୁହଁନ୍ତି (ରୋମୀୟ ୩:୨୩) | ସ୍ଵର୍ଗରେ ପ୍ରବେଶ କରିବା ବିଷୟଟି ଆମର ମନ୍ଦ କାର୍ଯ୍ୟ ଅପେକ୍ଷା ଆମର ଉତ୍ତମ କାର୍ଯ୍ୟ ଅଧିକ ହେବା ଉପରେ ପର୍ଯ୍ୟବେସିତ ନୁହେଁ; ଯଦି ତାହା ହୋଇଥାଏ, ତେବେ ଆମେ ସମସ୍ତେ ବିଫଳ ହେବା | "କିନ୍ତୁ ଯଦି ତାହା ଅନୁଗ୍ରହରେ ହୁଏ, ତେବେ ଆଉ ତାହା କ୍ରିୟାକର୍ମ ହେତୁ ହୁଏ ନାହିଁ; ନୋହିଲେ ଅନୁଗ୍ରହ ଆଉ ଅନୁଗ୍ରହ ନୁହେଁ |" (ରୋମୀୟ ୧୧:୬) | ଆମେ ସ୍ଵର୍ଗକୁ ଯିବା ନିମନ୍ତେ କିଛି ବି ଉତ୍ତମ କାର୍ଯ୍ୟ କରିପାରିବା ନାହିଁ (ତିତସ ୩:୫) |

ସଂକୀର୍ଣ୍ଣ ଦ୍ବାର ଦେଇ ପ୍ରବେଶ କର କାରଣ ସର୍ବନାଶକୁ ଘେନିଯିବା ଦ୍ବାର ଓସାର ଓ ପଥ ପ୍ରଶସ୍ତ, ପୁଣି ତାହା ଦେଇ ପ୍ରବେଶ କରିବା ଲୋକେ ଅନେକ |" (ମାଥିଉ ୭:୧୩) | ଏପରିକି ଯଦି ଈଶ୍ଵରଙ୍କୁ ଵିଶ୍ଵାସ କରିବା ଜଣାଶୁଣା ନ ଥିବା ଏକ ସଂସ୍କୃତିରେ ସମସ୍ତେ ପାପରେ ଜୀବନଯାପନ କରନ୍ତି, ତେବେ ମଧ୍ୟ ଈଶ୍ଵର ଏହାକୁ କ୍ଷମାଦେବେ ନାହି | "ଏହି ସଂସାରର ଭାବ ଅନୁସାରେ ପୁଣି ଆକାଶ ମଣ୍ଡଳ ରାଜ୍ୟର ଅଧିପତି, ଅର୍ଥାତ୍ ଯେଉଁ ଆତ୍ମା ଏବେହେଁ ଅନାଜ୍ଞାବହ ସନ୍ତାନମାନଙ୍କଠାରେ କାର୍ଯ୍ୟ ସାଧନ କରୁଅଛି, ତାହାର ଇଛାନୁସାରେ ତୁମ୍ଭେମାନେ ମଧ୍ୟ ପୂର୍ବରେ ଆଚରଣ କରି ଅପରାଧ ଓ ପାପରେ ମୃତ ଥିଲ; " (ଏଫିସୀୟ ୨:୧-୨)

ଯେତେବେଳେ ଈଶ୍ଵର ଜଗତ ସୃଷ୍ଟି କଲେ, ଏହା ସିଦ୍ଧ ଓ ଉତ୍ତମ ଥିଲା | ତା'ପରେ ସେ ଆଦମ ଓ ହବାକୁ ସୃଷ୍ଟି କଲେ ପୁଣି ସେମାନଙ୍କୁ ସେମାନଙ୍କ ନିଜ ଇଛା ଶକ୍ତି ଦେଲେ, ଯେପରି ସେମନେ ଈଶ୍ଵରଙ୍କ ଅନୁକରଣ କରିବେ ବା ତାଙ୍କର ବାଧ୍ୟ ହେବେ ସେ ବିଷୟରେ ସେମାନଙ୍କର ବିକଳ୍ପ ରହିବ | କିନ୍ତୁ ଶୟତାନ ଦ୍ବାରା ପରୀକ୍ଷିତ ହୋଇ ସେମାନେ ଈଶ୍ଵରଙ୍କ ଆଜ୍ଞା ଅମାନ୍ୟ କଲେ, ଏବଂ ସେମାନେ ପାପ କଲେ | ଏହା ଈଶ୍ଵରଙ୍କ ସହ ଘନିଷ୍ଟ ସମ୍ପର୍କ ରଖିବାରୁ ସେମାନଙ୍କୁ (ଓ ଆମ୍ଭମାନଙ୍କ ସମେତ ପ୍ରତ୍ୟେକ ଜଣ ଯେଉଁମାନେ ତାଙ୍କ ପରେ ଆସିଥିଲେ) ବିଚ୍ଛିନ୍ନ କଲା | ପାପୀ ଭାବରେ, ଆମେ ଆମ ନିଜ ଦ୍ବାରା ଈଶ୍ଵରଙ୍କ ସହ ସମ୍ମିଳିତ ହୋଇପାରିବା ନାହି | ତେଣୁ, ଆମେ ଯେପରି ତାଙ୍କ ସହ ସ୍ଵର୍ଗରେ ସମ୍ମିଳିତ ହୋଇପାରିବା ସେଥିନିମନ୍ତେ ଈଶ୍ଵର ଏକ ମାର୍ଗ ପ୍ରସ୍ତୁତ କଲେ | "କାରଣ ଈଶ୍ଵର ଜଗତକୁ ଏଡେ ପ୍ରେମ କଲେ ଯେ, ସେ ଆପଣା ଅଦ୍ବିତୀୟ ପୁତ୍ରଙ୍କୁ ଦାନ କଲେ, ଯେପରି ଯେକେହି ତାହାଙ୍କଠାରେ ଵିଶ୍ଵାସ କରେ ସେ ବିନଷ୍ଟ ନ ହୋଇ ଅନନ୍ତ ଜୀବନ ପ୍ରାପ୍ତ ହୁଏ |" (ଯୋହନ ୩:୧୬) "କାରଣ ପାପର ବେତନ ମୃତ୍ୟୁ, କିନ୍ତୁ ଈଶ୍ଵରଙ୍କ ଅନୁଗ୍ରଦଦାନ ଆମ୍ଭମାନଙ୍କ ପ୍ରଭୁ ଖ୍ରୀଷ୍ଟଯୀଶୁଙ୍କ ସହଭାଗୀତାରେ ଅନନ୍ତ ଜୀବନ ଅଟେ |" (ରୋମୀୟ ୬:୨୩) ଯୀଶୁ ଆମ୍ଭମାନଙ୍କର ପାପ ନିମନ୍ତେ ମୃତ୍ୟୁଭୋଗ କରିବା ନିମନ୍ତେ ଜନ୍ମଲାଭ କରିଥିଲେ ଯେପରିକି ଆମେ ମୃତ୍ୟୁଭୋଗ କରିବା ନାହିଁ | ତାଙ୍କ ମୃତ୍ୟୁର ତିନିଦିନ ପରେ ସେ ସମାଧିରୁ ଉତ୍ଥିତ ହେଲେ (ରୋମୀୟ ୪:୨୫), ଯଦ୍ଦ୍ବାରା ସେ ମୃତ୍ୟୁ ଉପରେ ଜୟଲାଭକାରୀ ଭାବେ ନିଜକୁ ପ୍ରମାଣିତ କଲେ | ସେ ଈଶ୍ଵର ଓ ମନୁଷ୍ୟ ମଧ୍ୟରେ ଏକ ସେତୁ ସ୍ବରୂପ କାର୍ଯ୍ୟ କରନ୍ତି ଯେପରିକି ତାଙ୍କ ସହିତ ଆମର ବ୍ୟକ୍ତିଗତ ସମ୍ପର୍କ ରହିବ ଯଦି ଆମେ କେବଳ ଵିଶ୍ଵାସ କରୁ |

ଆଉ ଏକମାତ୍ର ସତ୍ୟ ଈଶ୍ଵର ଯେ ତୁମ୍ଭେ ତୁମ୍ଭକୁ ଓ ତୁମ୍ଭର ପ୍ରେରିତ ଯୀଶୁଖ୍ରୀଷ୍ଟଙ୍କୁ ଜାଣିବା ଅନନ୍ତ ଜୀବନ ଅଟେ |" (ଯୋହନ ୧୭:୩) | ଅଧିକାଂଶ ଈଶ୍ଵରଙ୍କୁ ଵିଶ୍ଵାସ କରନ୍ତି, ଏପରିକି ଶୟତାନ ମଧ୍ୟ ଵିଶ୍ଵାସ କରେ | କିନ୍ତୁ ପରିତ୍ରାଣ ପାଇବା ନିମନ୍ତେ ଆମେ ନିହାତି ଈଶ୍ଵରଙ୍କ ନିକଟକୁ ଫେରିବାକୁ ପଡିବ; ଏକ ବ୍ୟକ୍ତିଗତ ସମ୍ପର୍କ ସ୍ଥାପନ କରିବାକୁ ପଡିବ, ଆମ ପାପରୁ ଫେରିବାକୁ ପଡିବ, ଏବଂ ତାହାଙ୍କୁ ଅନୁସରଣ କରିବାକୁ ପଡିବ | ଆମ ନିକଟରେ ଥିବା ପ୍ରତ୍ୟେକ ବିଷୟରେ ଓ ଆମେ କରୁଥିବା ପ୍ରତ୍ୟେକ ବିଷୟରେ ଆମେ ନିହାତି ଈଶ୍ଵରଙ୍କୁ ଵିଶ୍ଵାସ କରିବାକୁ ପଡିବ | "ଅର୍ଥାତ୍ ଈଶ୍ଵରଙ୍କର ଯେଉଁ ଧାର୍ମିକତା ଯୀଶୁଖ୍ରୀଷ୍ଟଙ୍କଠାରେ ଵିଶ୍ଵାସ କରିବା ଦ୍ବାରା ସମସ୍ତ ବିଶ୍ବାସୀଙ୍କ ପ୍ରତି ବର୍ତ୍ତେ; କାରଣ କୌଣସି ପ୍ରଭେଦ ନାହି " (ରୋମୀୟ ୩:୨୨) | ବାଇବଲ ଶିକ୍ଷା ଦିଏ ଯେ ଯୀଶୁଙ୍କ ବ୍ୟତୀତ ପରିତ୍ରାଣ ନିମନ୍ତେ ଆଉ କୌଣସି ମାର୍ଗ ନାହି | ଯୋହନ ୧୪:୬ ରେ ଯୀଶୁ କହିଲେ , "ମୁ ପଥ, ସତ୍ୟ ଓ ଜୀବନ | ମୋ ଦେଇ ନ ଗଲେ କେହି ପିତାଙ୍କ ନିକଟକୁ ଯାଏ ନାହି |" ଯୀଶୁ ହିଁ ହେଉଛନ୍ତି ପରିତ୍ରାଣର ଏକମାତ୍ର ମାର୍ଗ ଯେହେତୁ ସେ ହିଁ ହେଉଛନ୍ତି ଜଣେମାତ୍ର ବ୍ୟକ୍ତି ଯେ ଆମ ପାପର ୠଣ ପରିଶୋଧ କରିପାରିବେ (ରୋମୀୟ ୬:୨୩) | ବାଇବଲ ବ୍ୟତୀତ ଅନ୍ୟ କୌଣସି ଧର୍ମ ପାପର ଭୟଙ୍କରତାର ଗଭୀରତା ବିଷୟରେ ଓ ଏହାର ପରିଣାମ ବିଷୟରେ ଶିକ୍ଷା ଦିଏ ନାହି | ଅନ୍ୟ କୌଣସି "ଧର୍ମ ପ୍ରବର୍ତ୍ତକ" ମନୁଷ୍ୟ ହୋଇନାହାନ୍ତି ଯିଏ ଈଶ୍ଵର ଥିଲେ (ଯୋହନ ୧:୧, ୧୪) - ଯିଏ ଏକମାତ୍ର ବ୍ୟକ୍ତି ଥିଲେ ଯାହାଙ୍କ ଦ୍ବାରା ଅସୀମ ୠଣ ପରିଶୋଧ କରାଯାଇପାରିବ | ଯୀଶୁ ଈଶ୍ଵର ହୋଇଥିବାରୁ ହିଁ ସେ ଆମ ୠଣ ପରିଶୋଧ କରିପାରିଲେ, ଯୀଶୁ ମନୁଷ୍ୟ ହୋଇଥିବାରୁ ହିଁ ସେ ମୃତ୍ୟୁଭୋଗ କରିପାରିଲେ | ଯୀଶୁଖ୍ରୀଷ୍ଟଙ୍କଠାରେ ଵିଶ୍ଵାସ କରିବା ଦ୍ବାରା ହି ପରିତ୍ରାଣ ମିଳେ! "ତାହାଙ୍କ ଛଡା ଆଉ କାହାଠାରେ ପରିତ୍ରାଣ ନାହି; କାରଣ ଯାହାଦ୍ବାରା ଆମ୍ଭମାନଙ୍କୁ ପରିତ୍ରାଣ ପାଇବାକୁ ହେବ, ଆକାଶ ତଳେ ମନୁଷ୍ୟମାନଙ୍କ ମଧ୍ୟରେ ଆଉ କୌଣସି ନାମ ଦିଆଯାଇନାହିଁ |" (ପ୍ରେରିତ ୪:୧୨)

ଏଠାରେ ଆପଣ ଯାହା ପଢିଲେ ସେହି କାରଣରୁ ଖ୍ରୀଷ୍ଟଙ୍କ ନିମନ୍ତେ ଗୋଟିଏ ନିଷ୍ପତ୍ତି ନେଲେ କି ? ଦୟାକରି ନିମ୍ନରେ ଥିବା "ମୁଁ ଆଜି ଖ୍ରୀଷ୍ଟଙ୍କୁ ଗ୍ରହଣ କଲି" ବୋତାମକୁ କ୍ଲିକ୍ କରନ୍ତୁ



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ସ୍ଵର୍ଗକୁ ଯିବା ନିମନ୍ତେ କ'ଣ ଯୀଶୁ ଏକମାତ୍ର ପଥ ଅଟନ୍ତି?