ଯୀଶୁଖ୍ରୀଷ୍ଟଙ୍କ ପୁନରୁତ୍ଥାନ ସତ୍ୟ ଅଟେକି?



ପ୍ରଶ୍ନ: ଯୀଶୁଖ୍ରୀଷ୍ଟଙ୍କ ପୁନରୁତ୍ଥାନ ସତ୍ୟ ଅଟେକି?

ଉତ୍ତର:
ଶାସ୍ତ୍ର ସନ୍ଦେହଶୂନ୍ୟ ପ୍ରମାଣ ଉପସ୍ଥାପନ କରେ ଯେ, ଯୀଶୁଖ୍ରୀଷ୍ଟ ପ୍ରକୃତରେ ମୃତମାନଙ୍କ ମଧ୍ୟରୁ ଉଠିଥିଲେ | ଖ୍ରୀଷ୍ଟଙ୍କ ପୁନରୁତ୍ଥାନ ମାଥିଉ ୨୮:୧-୨; ମାର୍କ ୧୬:୧-୨୦; ଲୂକ ୨୪:୧-୫୩ ଏବଂ ଯୋହନ ୨୦:୧-୨୧:୨୫ରେ ଲିପିବଦ୍ଧ ହୋଇଛି | ପୁନରୁତ୍ଥିତ ଖ୍ରୀଷ୍ଟ ମଧ୍ୟ ପ୍ରେରିତ ପୁସ୍ତକ(ପ୍ରେରିତ ୧:୧-୧୧)ରେ ଦେଖାଯାଆନ୍ତି | ଏହି ସମସ୍ତ ଶାସ୍ତ୍ରାଂଶରୁ ଆପଣ ଖ୍ରୀଷ୍ଟଙ୍କ ପୁନରୁତ୍ଥାନର ଅନେକ "ପ୍ରମାଣ" ପାଇପାରିବେ | ପ୍ରଥମଟି ହେଉଛି ଶିଷ୍ୟମାନଙ୍କଠାରେ ହୋଇଥିବା ଉଲ୍ଲେଖଯୋଗ୍ୟ ପରିବର୍ତ୍ତନ | ସେମାନେ ଭୟ ପାଇ ଲୁଚିଯାଇଥିବା ଏକ ପୁରୁଷ ଦଳରୁ ଶକ୍ତିଶାଳୀ, ଜଗତସାରା ସୁସମାଚାରକୁ ବଣ୍ଟନ କରିଥିବା ସାହସିକ ସାକ୍ଷୀଗୁଡିକରେ ପରିବର୍ତ୍ତିତ ହୋଇଥିଲେ | ପୁନରୁତ୍ଥିତ ଖ୍ରୀଷ୍ଟ ସେମାନଙ୍କୁ ଦେଖାଦେବା ଅପେକ୍ଷା ଆଉ କେଉଁ ବିଷୟ ଏହି ଉଲ୍ଲେଖନୀୟ ପରିବର୍ତ୍ତନକୁ ବର୍ଣ୍ଣନା କରିପାରିଥାନ୍ତେ?

ଦ୍ବିତୀୟ ହେଉଛି ପ୍ରେରିତ ପାଉଲଙ୍କ ଜୀବନ | ପ୍ରେରିତ ପାଉଲଙ୍କୁ ମଣ୍ଡଳୀର ଏକ ତାଡନାକାରୀ ହେବାଠାରୁ ମଣ୍ଡଳୀ ନିମନ୍ତେ ଜଣେ ପ୍ରେରିତ ହେବାକୁ ପରିବର୍ତ୍ତନ କଲା? ଦମ୍ମେଶକକୁ ସେ ଯିବା ପଥରେ ପୁନରୁତ୍ଥିତ ଖ୍ରୀଷ୍ଟ ତାଙ୍କୁ ଦର୍ଶନ ଦେବାରେ ହିଁ ସେପରି ହୋଇଥିଲା (ପ୍ରେରିତ ୯:୧-୬) | ତୃତୀୟ ବିଶ୍ବାସଜନକ ପ୍ରମାଣ ହେଉଛି ଶୂନ୍ୟ ସମାଧି | ଯଦି ଖ୍ରୀଷ୍ଟ ପୁନରୁତ୍ଥିତ ହୋଇନଥାନ୍ତେ, ତେବେ ତାଙ୍କ ଶରୀର କେଉଁଠି ଅଛି? ଶିଷ୍ୟମାନେ ଓ ଅନ୍ୟମାନେ ସେ ଯେଉଁଠି ସମାଧିପ୍ରାପ୍ତ ହୋଇଥିଲେ ତାହା ଦେଖିଥିଲେ | ଯେତେବେଳେ ସେମାନେ ଫେରିଲେ, ତାଙ୍କ ଶରୀର ସେଠାରେ ନ ଥିଲା | ଦୂତମାନେ ଘୋଷଣା କଲେ ଯେ, ସେ ଯେପରି ପ୍ରତିଜ୍ଞା କରିଅଛନ୍ତି ସେପରି ସେ ଉଠିଅଛନ୍ତି (ମାଥିଉ ୨୮:୫-୭) | ତାଙ୍କ ପୁନରୁତ୍ଥାନ ନିମନ୍ତେ ଚତୁର୍ଥ ଅତିରିକ୍ତ ପ୍ରମାଣ ହେଉଛି ଯେ, ସେ ଅନେକ ଲୋକଙ୍କୁ ଦର୍ଶନ ଦେଇଥିଲେ (ମାଥିଉ ୨୮:୫, ୧୬-୧୭; ମାର୍କ ୧୬:୯; ଲୂକ ୨୪:୧୩-୩୫; ଯୋହନ ୨୦:୧୯, ୨୬-୨୯, ୨୧:୧-୧୪; ପ୍ରେରିତ ୧:୬-୮; ୧କରିନ୍ଥୀୟ ୧୫:୫-୭) |

ଯୀଶୁଙ୍କ ପୁନରୁତ୍ଥାନର ଆଉ ଏକ ପ୍ରମାଣ ହେଉଛି ପ୍ରେରିତମାନେ ଯୀଶୁଙ୍କ ପୁନରୁତ୍ଥାନକୁ ଦେଇଥିବା ଅଧିକ ପରିମାଣର ଗୁରୁତ୍ବ | ଖ୍ରୀଷ୍ଟଙ୍କ ପୁନରୁତ୍ଥାନ ଉପରେ ମୁଖ୍ୟ ଶାସ୍ତ୍ରାଂଶ ହେଉଛି ୧କରିନ୍ଥୀୟ ୧୫ ଅଧ୍ୟାୟ | ଏହି ଅଧ୍ୟାୟରେ ଖ୍ରୀଷ୍ଟଙ୍କ ପୁନରୁତ୍ଥାନକୁ ବୁଝିବା ଏବଂ ଏହାକୁ ବିଶ୍ବାସ କରିବା କାହିଁକି ଅତି ଗୁରୁତ୍ବପୂର୍ଣ୍ଣ ବିଷୟ ଅଟେ? ନିମ୍ନ କାରଣଗୁଡିକ ନିମନ୍ତେ ପୁନରୁତ୍ଥାନ ଗୁରୁତ୍ବପୂର୍ଣ୍ଣ ଅଟେ: ୧)ଯଦି ଖ୍ରୀଷ୍ଟ ମୃତ୍ୟୁରୁ ଉତ୍ଥିତ ହୋଇନାହାନ୍ତି ତେବେ ବିଶ୍ବାସୀମାନେ ନିମ୍ନ ଶାସ୍ତ୍ରାଂଶରେ ଥିବା ଯେକୌଣସି ବିଷୟ ହୋଇଥାନ୍ତେ (୧କରିନ୍ଥୀୟ ୧୫:୧୨-୧୫) |୨) ଯଦି ଖ୍ରୀଷ୍ଟ ମୃତମାନଙ୍କୁ ମଧ୍ୟରୁ ଉତ୍ଥିତ ହୋଇନାହାନ୍ତି, ପାପ ନିମନ୍ତେ ତାଙ୍କ ବଳିଦାନ ଯଥେଷ୍ଟ ନୁହେଁ (୧କରିନ୍ଥୀୟ ୧୫:୧୬-୧୯) | ଯୀଶୁଙ୍କ ପୁନରୁତ୍ଥାନ ପ୍ରମାଣିତ କଲା ଯେ ତାହାଙ୍କ ମୃତ୍ୟୁ ଈଶ୍ବରଙ୍କ ଦ୍ବାରା ଆମ୍ଭମାନଙ୍କ ପାପର ପ୍ରାୟଶ୍ଚିତ ଭାବରେ ଗ୍ରହଣଯୋଗ୍ୟ ହେଲା | ଯଦି ସରଳ ଭାବେ ସେ ମରିଥାନ୍ତେ ଓ ମରି ରହିଥାନ୍ତେ, ତାହା ସୂଚାଇଥାନ୍ତେ ଯେ, ତାହାଙ୍କ ବଳିଦାନ ଯଥେଷ୍ଟ ନ ଥିଲା | ଫଳସ୍ବରୂପ, ବିଶ୍ବାସୀମାନଙ୍କର ପାପକ୍ଷମା ହୋଇନଥାନ୍ତା, ଏବଂ ସେମାନେ ମୃତ୍ୟୁଭୋଗ କଲାପରେ ମୃତ ହୋଇ ହିଁ ରହିଥାନ୍ତେ (୧କରିନ୍ଥୀୟ ୧୫:୧୬-୧୯) | ଅନନ୍ତ ଜୀବନ ବୋଲି କିଛି ନ ଥାନ୍ତେ (ଯୋହନ ୩:୧୬) | "କିନ୍ତୁ ପ୍ରକୃତରେ ଖ୍ରୀଷ୍ଟ ମଧ୍ୟ ମହାନିଦ୍ରାପ୍ରାପ୍ତ ଲୋକମାନଙ୍କର ପ୍ରଥମ ଫଳସ୍ବରୂପେ ମୃତମାନଙ୍କ ମଧ୍ୟରୁ ଉତ୍ଥିତ ହୋଇଅଛନ୍ତି" (୧କରିନ୍ଥୀୟ ୧୫:୨୦) |

ପରିଶେଷରେ, ଶାସ୍ତ୍ର ସ୍ବଷ୍ଟ କରେ ଯେ, ଯେଉଁମାନେ ଯୀଶୁଖ୍ରୀଷ୍ଟଙ୍କଠାରେ ବିଶ୍ବାସ କରନ୍ତି ସେ ଯେପରି ଥିଲେ ସେହିପରି ସେମାନେ ଉତ୍ଥିତ ହୋଇ ଅନନ୍ତ ଜୀବନ ପ୍ରାପ୍ତ ହେବେ (୧କରିନ୍ଥୀୟ ୧୫:୨୦-୨୩) | ୧କରିନ୍ଥୀୟ ବର୍ଣ୍ଣନା କରେ ଯେ ଖ୍ରୀଷ୍ଟଙ୍କ ପୁନରୁତ୍ଥାନ କିପରି ପାପ ଉପରେ ତାଙ୍କ ବିଜୟକୁ ପ୍ରମାଣିତ କରେ ଏବଂ ପାପ ଉପରେ ଜୟଯୁକ୍ତ ଜୀବନ କାଟିବା ନିମନ୍ତେ ଆମ୍ଭମାନଙ୍କୁ ଶକ୍ତି ଦିଏ (୧କରିନ୍ଥୀୟ ୧୫:୨୪-୩୪) | ଏହା ଆମେ ପାଇବାକୁ ଥିବା ପୁନରୁତ୍ଥିତ ଶରୀରର ଗୌରବମୟ ପ୍ରକୃତି ବିଷୟରେ ବର୍ଣ୍ଣନା କରେ (୧କରିନ୍ଥୀୟ ୧୫:୩୫-୪୯) | ଏହା ଘୋଷଣା କରେ ଯେ, ଖ୍ରୀଷ୍ଟଙ୍କ ପୁନରୁତ୍ଥାନର ଫଳ ସ୍ବରୂପ, ଯେଉଁମାନେ ତାଙ୍କଠାରେ ବିଶ୍ବାସ କରନ୍ତି ସେମାନେ ମୃତ୍ୟୁ ଉପରେ ଶେଷ ବିଜୟ ପ୍ରାପ୍ତ ହେବେ (୧କରିନ୍ଥୀୟ ୧୫:୫୦-୫୮) |

ଖ୍ରୀଷ୍ଟଙ୍କ ପୁନରୁତ୍ଥାନ କିପରି ଏକ ଗୌରବମୟ ସତ୍ୟ ଅଟେ! "ଅତଏବ, ହେ ମୋହର ପ୍ରିୟ ଭାଇମାନେ, ପ୍ରଭୁଙ୍କ ସେବାରେ ତୁମ୍ଭମାନଙ୍କ ପରିଶ୍ରମ ନିଷ୍ଫଳ ନୁହେଁ, ଏହା ଜାଣି ପ୍ରଭୁଙ୍କ କାର୍ଯ୍ୟରେ ସୁସ୍ଥିର ଓ ଅଟଳ ରହି ସର୍ବଦା ଅଧିକରୁ ଅଧିକତର ଯତ୍ନବାନ୍ ହୁଅ" (୧କରିନ୍ଥୀୟ ୧୫:୫୮) | ବାଇବଲ ଅନୁଯାୟୀ, ଯୀଶୁଖ୍ରୀଷ୍ଟଙ୍କ ପୁନରୁତ୍ଥାନ ନିଶ୍ଚିତଭାବେ ସତ୍ୟ ଅଟେ | ବାଇବଲ ଖ୍ରୀଷ୍ଟଙ୍କ ପୁନରୁତ୍ଥାନକୁ ଲିପିବଦ୍ଧ କରେ, ୫୦୦ରୁ ଅଧିକ ଲୋକଙ୍କ ଦ୍ବାରା ସାକ୍ଷ୍ୟ ପ୍ରମାଣିତ ହୋଇଥିଲା, ଏବଂ ଯୀଶୁଙ୍କ ପୁନରୁତ୍ଥାନର ଐତିହାସିକ ଘଟନା ଉପରେ ଅତିଗୁରୁତ୍ବପୂର୍ଣ୍ଣ ଖ୍ରୀଷ୍ଟିୟ ତତ୍ତ୍ବ ଗଠନ କରିବା ନିମନ୍ତେ ଆଗେଇ ଆସିଥାଏ |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଯୀଶୁଖ୍ରୀଷ୍ଟଙ୍କ ପୁନରୁତ୍ଥାନ ସତ୍ୟ ଅଟେକି?