ଈଶ୍ବର କାହିଁକି ଉତ୍ତମ ଲୋକମାନଙ୍କୁ ମନ୍ଦ ବିଷୟଗୁଡିକ ଘଟିବା ଅନୁମତି ଦିଅନ୍ତି?



ପ୍ରଶ୍ନ: ଈଶ୍ବର କାହିଁକି ଉତ୍ତମ ଲୋକମାନଙ୍କୁ ମନ୍ଦ ବିଷୟଗୁଡିକ ଘଟିବା ଅନୁମତି ଦିଅନ୍ତି?

ଉତ୍ତର:
ସମସ୍ତ ଈଶ୍ବର ତତ୍ତ୍ବରେ ଥିବା କଷ୍ଟକର ପ୍ରଶ୍ନ ମଧ୍ୟରୁ ଏହା ସବୁଠାରୁ ଅଧିକ କଷ୍ଟପ୍ରଶ୍ନ | ଈଶ୍ବର ଅନନ୍ତ, ଅସୀମ, ସର୍ବଜ୍ଞ, ସର୍ବବ୍ୟାପୀ ଏବଂ ସର୍ବଶକ୍ତିଶାଳୀ | ମାନବଜାତି (ଯେଉଁମାନେ ଅନନ୍ତ, ଅସୀମ, ସର୍ବଜ୍ଞ ଏବଂ ସର୍ବଶକ୍ତିଶାଳୀ ନୁହଁନ୍ତି) କାହିଁକି ଈଶ୍ବରଙ୍କ ପଥସକଳ ସମ୍ପୂର୍ଣ୍ଣରୂପେ ବୁଝିବା ନିମନ୍ତେ ସକ୍ଷମ ହେବାର ଆଶା କରାଯାଏ? ଆୟୁବ ପୁସ୍ତକ ଏହି ବିଷୟ ନେଇ ସଂଶ୍ଲିଷ୍ଟ ଅଟେ | ଶୟତାନ ଆୟୁବଙ୍କୁ ବଧ କରିବା ବ୍ୟତୀତ ସେ (ଶୟତାନ) ଯାହା ଚାହିଁଲା ତାହା ଆୟୁବଙ୍କ ପ୍ରତି କରିବା ନିମନ୍ତେ ଅନୁମତିପ୍ରାପ୍ତ ହୋଇଥିଲା |ଆୟୁବଙ୍କ ପ୍ରତିକ୍ରିୟା କ'ଣ ଥିଲା? "ସେ ମୋତେ ବଧ କଲେ ହେଁ ମୁଁ ତାଙ୍କ ପାଇଁ ଅପେକ୍ଷା କରିବି" (ଆୟୁବ ୧୩:୧୫) | "ସଦାପ୍ରଭୁ ଦେଲେ ଓ ସଦାପ୍ରଭୁ ନେଇଅଛନ୍ତି; ସଦାପ୍ରଭୁଙ୍କ ନାମ ଧନ୍ୟ ହେଉ" (ଆୟୁବ ୧:୨୧) | ଈଶ୍ବର ଆୟୁବଙ୍କ ପ୍ରତି ଯାହା ସମସ୍ତ କଲେ, ତାହା ସେ କାହିଁକି କଲେ ତାହା ସେ (ଆୟୁବ) ବୁଝିପାରିଲେ ନାହିଁ, କିନ୍ତୁ ସେ ଜାଣିଥିଲେ ଯେ, ଈଶ୍ବର ଉତ୍ତମ ଅଟନ୍ତି ଏବଂ ସେଇଥିଯୋଗୁଁ ସେ ତାଙ୍କୁ ଭରସା କରି ଚାଲିଥିଲେ | ପରିଶେଷରେ, ଆମ୍ଭମାନଙ୍କର ମଧ୍ୟ ପ୍ରତିକ୍ରିୟା ଠିକ୍ ସେହିଭଳି ହେବା ଉଚିତ୍ |

ଉତ୍ତମ ଲୋକମାନଙ୍କ ପ୍ରତି କାହିଁକି ମନ୍ଦ ବିଷୟ ଘଟିଥାଏ? ଏହାର ବାଇବଲ ଉତ୍ତର ହେଉଛି କୌଣସି "ଉତ୍ତମ" ଲୋକ ନାହାନ୍ତି | ବାଇବଲ ଏହାକୁ ପ୍ରଚୁର ଭାବେ ସ୍ବଷ୍ଟ କରେ ଆମେ ସମସ୍ତ ପାପ ଦ୍ବାରା କଳୁଷିତ ହୋଇଅଛୁ (ଉପଦେଶକ ୭:୨୦; ରୋମୀୟ ୬:୨୩; ୧ଯୋହନ ୧:୮) ରୋମୀୟ ୩:୧୦-୧୮ "ଉତ୍ତମ" ଲୋକଙ୍କର ଅଣସ୍ଥିତି ବିଷୟରେ ଅଧିକ ସ୍ବଷ୍ଟ ହୋଇପାରିବ ନାହିଁ: "ଯେପରି ଲେଖାଅଛି, ଧାର୍ମିକ କେହିନାହିଁ, ନା, ଜଣେ ସୁଦ୍ଧା ନାହିଁ; ଯେ ବୁଝେ, ଏପରି କେହିନାହିଁ; ଯେ ସତ୍ କର୍ମ କରେ, ଏପରି କେହି ନାହିଁ; ସେମାନେ ସମସ୍ତେ ବିପଥରେ ଯାଉଅଛନ୍ତି, ଏକ ସଙ୍ଗରେ ଅକର୍ମଣ୍ୟ ହୋଇଅଛନ୍ତି; ଯେ ସତ୍ କର୍ମ କରେ, ଏପରି କେହି ନାହିଁ, ନା, ଏପରି ଜଣେ ହେଲେ ନାହିଁ | ସେମାନଙ୍କ କଣ୍ଠ ଉନ୍ମୁକ୍ତ ସମାଧି, ସେମାନେ ଆପଣା ଆପଣା ଜିହ୍ବାରେ ଛଳନା କରିଅଛନ୍ତି, ସେମାନଙ୍କ ଓଷ୍ଠ ତଳେ କାଳସର୍ପର ବିଷ ଅଛି, ସେମାନଙ୍କ ମୁଖ ଅଭିଶାପ ଓ ଚଟୁତାରେ ପୂର୍ଣ୍ଣ,; ସେମାନଙ୍କ ପାଦ ରକ୍ତପାତ କରିବାକୁ ଦ୍ରୁତଗାମୀ, ସେମାନଙ୍କ ପଥରେ ବିନାଶ ଓ କ୍ଲେଶ, ପୁଣି ଶାନ୍ତିର ପଥ ସେମାନେ ଜାଣନ୍ତି ନାହିଁ | ଈଶ୍ବରଙ୍କ ଭୟ ସେମାନଙ୍କ ଆଖି ଆଗରେ ନ ଥାଏ |" ଏହି ଗ୍ରହ (ପୃଥିବୀ)ରେ ଥିବା ପ୍ରତ୍ୟେକ ମଣିଷ ନରକ ଏହି ମୁହୂର୍ତ୍ତରେ ନରକରେ ନିକ୍ଷିପ୍ତ ହେବାର ଯୋଗ୍ୟ | ପ୍ରତ୍ୟେକ ମୁହୂର୍ତ୍ତ ଆମେ କେବଳ ଈଶ୍ବରଙ୍କ ଅନୁଗ୍ରହ ଏବଂ ଦୟାରେ ହିଁ ବଞ୍ଚିଛୁ | ଏପରିକି ସବୁଠାରୁ ଅଧିକ ଭୟାନକ ଦୁଃଖ ଯାହା ଆମେ ଏହି ପୃଥିବୀରେ ଭୋଗକରୁ ଆମେ ପାଇବାର ଯୋଗ୍ୟ ଦୁଃଖ ଯାହା ଅନନ୍ତକାଳୀନ ଅଗ୍ନିମୟ ହ୍ରଦଠାରୁ ମଧ୍ୟ ଏହା ଦୟାପୂର୍ଣ୍ଣ ଅଟେ |

ଏକ ସଠିକ୍ ପ୍ରଶ୍ନ ଏହା ହୋଇପାରେ "ଈଶ୍ବର କାହିଁକି ମନ୍ଦ ଲୋକମାନଙ୍କ ପ୍ରତି ଉତ୍ତମ ବିଷୟ ଘଟିବାକୁ ଦିଅନ୍ତି?" ରୋମୀୟ ୫:୮ ଘୋଷଣା କରେ, "କିନ୍ତୁ ଆମ୍ଭେମାନେ ପାପୀ ଥିବା ସମୟରେ ସୁଦ୍ଧା ଖ୍ରୀଷ୍ଟ ଆମ୍ଭମାନଙ୍କମାନଙ୍କ ନିମନ୍ତେ ମୃତ୍ୟୁଭୋଗ କଲେ" | ଏହି ଜଗତର ଲୋକମାନଙ୍କର ମନ୍ଦ, ଦୁଷ୍ଟତା, ଓ ପାପପୂର୍ଣ୍ଣ ପ୍ରକୃତି ସତ୍ତ୍ବେ ଈଶ୍ବର ଆମ୍ଭମାନଙ୍କୁ ପ୍ରେମ କରନ୍ତି | ସେ ଆମ୍ଭମାନଙ୍କ ପାପର ଦଣ୍ଡ ନେବା ନିମନ୍ତେ ଆମ୍ଭମାନଙ୍କୁ ପ୍ରେମ କରି ମୃତ୍ୟୁଭୋଗ କଲେ (ରୋମୀୟ ୬:୨୩) | ଯଦି ଆମେ ଯୀଶୁଖ୍ରୀଷ୍ଟଙ୍କୁ ଆମର ଉଦ୍ଧାରକର୍ତ୍ତା ଭାବରେ ଗ୍ରହଣ କରୁ (ଯୋହନ ୩:୧୬; ରୋମୀୟ ୧୦:୯), ତେବେ ଆମେ କ୍ଷମା ପାଇବା ଏବଂ ସ୍ବର୍ଗରେ ଏକ ପ୍ରତିଜ୍ଞାତ ଗୃହ ପ୍ରାପ୍ତ ହେବା (ରୋମୀୟ ୮:୧) | ଆମେ ଯାହା ପାଇବାର ଯୋଗ୍ୟ ଅଟୁ, ତାହା ହେଉଛି ନରକ | ଯଦି ଆମେ ବିଶ୍ବାସରେ ଖ୍ରୀଷ୍ଟଙ୍କ ନିକଟକୁ ଆସୁ ତେବେ ଆମେ ସ୍ବର୍ଗରେ ଅନନ୍ତ ଜୀବନ ପ୍ରାପ୍ତ ହେବା |

ହଁ, ବେଳେବେଳେ କେତେକ ଲୋକଙ୍କୁ ମନ୍ଦ ବିଷୟ ଘଟିଥାଏ ଯେଉଁମାନେ ସେପରି ମନ୍ଦ ବିଷୟ ପାଇବାର ଯୋଗ୍ୟ ପରି ଦେଖାଯାଇନଥାନ୍ତି | କିନ୍ତୁ ସେଗୁଡିକ ବୁଝୁ ବା ନ ବୁଝୁ ଈଶ୍ବର ତାଙ୍କ ଉଦ୍ଦେଶ୍ୟଗୁଡିକ ନିମନ୍ତେ ସେଗୁଡିକ ଘଟିବା ନିମନ୍ତେ ଦେଇଥାନ୍ତି | ଅଥଚ, ସର୍ବୋପରି ଆମେ ସ୍ମରଣରେ ରଖିବା ଉଚିତ୍ ଯେ ଈଶ୍ବର ଉତ୍ତମ, ନ୍ୟାୟବାନ୍ ଏବଂ ଦୟାମୟ ଅଟନ୍ତି | ଅନେକ ସମୟରେ ଏପରି ବିଷୟଗୁଡିକ ଘଟିଥାଏ ଯାହା ଆମେ ସରଳ ଭାବେ ବୁଝିପାରିନଥାଉ | ଅଥଚ, ଈଶ୍ବରଙ୍କ ଉତ୍ତମତା ବିଷୟରେ ସନ୍ଦେହାନୀ ନ ହୋଇ, ଆମର ପ୍ରତିକ୍ରିୟା ତାଙ୍କୁ ବିଶ୍ବାସ କରିବା ହେବା ଉଚିତ୍ | "ତୁମ୍ଭେ ସର୍ବାନ୍ତଃକରଣ ସହିତ ସଦାପ୍ରଭୁଙ୍କଠାରେ ବିଶ୍ବାସ କର ଓ ନିଜ ସୁବିବେଚନାରେ ଆଉଜିପଡନାହିଁ | ଆପଣାର ସବୁ ଗତିରେ ତାହାଙ୍କୁ ସ୍ବୀକାର କର; ତହିଁରେ ସେ ତୁମ୍ଭର ପଥସବୁ ସରଳ କରିବେ" (ହିତୋପଦେଶ ୩:୫-୬) |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଈଶ୍ବର କାହିଁକି ଉତ୍ତମ ଲୋକମାନଙ୍କୁ ମନ୍ଦ ବିଷୟଗୁଡିକ ଘଟିବା ଅନୁମତି ଦିଅନ୍ତି?