ପ୍ରଭୁଭୋଜ / ଖ୍ରୀଷ୍ଟିୟ ରୋଟୀ ଓ ଦ୍ରାକ୍ଷାରସ ସେବନର ଗୁରୁତ୍ବ କ'ଣ?



ପ୍ରଶ୍ନ: ପ୍ରଭୁଭୋଜ / ଖ୍ରୀଷ୍ଟିୟ ରୋଟୀ ଓ ଦ୍ରାକ୍ଷାରସ ସେବନର ଗୁରୁତ୍ବ କ'ଣ?

ଉତ୍ତର:
ପ୍ରଭୁଭୋଜର ଯେଉଁ ଅର୍ଥ ରହିଛି ତାହାର ଗଭୀର ଅର୍ଥ ଯୋଗୁଁ ଏହା ଏକ ଆତ୍ମା ଉଦ୍ଦୀପକ ଅନୁଭବ ଅଟେ | ତାହାଙ୍କ ମୃତ୍ୟୁର ପୂର୍ବଦିନ ଥିବା ନିସ୍ତାରପର୍ବର ଯୁଗ ଯୁଗର ପାଳନ ସମୟରେ ଯୀଶୁ ଏକ ଗୁରୁତ୍ବପୂର୍ଣ୍ଣ ନୂତନ ସହଭାଗୀତାକୁ ସ୍ଥାପନ କରିଥିଲେ ଯାହା ଆଜି ଦିନ ପର୍ଯ୍ୟନ୍ତ ଆମେ ପାଳନ କରୁଛୁ | ଖ୍ରୀଷ୍ଟିୟ ଉପାସନାର ଏହା ଏକ ଅବିଚ୍ଛେଦ୍ୟ ଅଙ୍ଗ ଅଟେ | ଏହା ଆମ୍ଭମାନଙ୍କ ପ୍ରଭୁଙ୍କର ମୃତ୍ୟୁ ଏବଂ ପୁନରୁତ୍ଥାନକୁ ସ୍ମରଣ କରାଏ ଏବଂ ଭବିଷ୍ୟତରେ ତାଙ୍କ ଗୌରବମୟ ପୁନଃଆଗମନକୁ ଅପେକ୍ଷା କରାଏ |

ଯିହୂଦୀ ଧର୍ମ ବର୍ଷରେ ଏହା ସବୁଠାରୁ ଅଧିକ ପବିତ୍ର ଭୋଜ | ଏହା ମିଶର ଉପରେ ହୋଇଥିବା ଶେଷ ମାରୀର ସ୍ମୃତିଚାରଣ କରେ ଯେତେବେଳେ କି ମିଶରର ପ୍ରଥମଜାତଙ୍କର ମୃତ୍ୟୁ ହୋଇଥିଲା ଏବଂ ଇଶ୍ରାୟେଲୀୟମାନେ ସେମାନଙ୍କ ବାଜୁବନ୍ଧରେ ସିଞ୍ଚନ କରାଯାଇଥିବା ମେଷ ରକ୍ତ ଯୋଗୁଁ ରକ୍ଷା ପାଇଯାଇଥିଲେ | ତା'ପରେ ମେଷକୁ ପାକ କରାଯାଇ ଖମୀରଶୂନ୍ୟ ରୋଟୀ ସହ ଖିଆଯାଇଥିଲା | ଈଶ୍ବରଙ୍କ ଆଦେଶ ଥିଲା ଯେଏହି ଭୋଜ ଯୁଗାନୁକ୍ରମେ ପାଳିତ ହେବ | ଏହି ଘଟନାଟି ଯାତ୍ରା ୧୨ରେ ଲିପିବଦ୍ଧ କରାଯାଇଛି |

ଶେଷଭୋଜ, ଯାହାକି ଏକ ନିସ୍ତାରପର୍ବ ଥିଲା, ସମୟରେ ଯୀଶୁ ଏକ ରୋଟୀ ନେଇ ଈଶ୍ବରଙ୍କୁ ଧନ୍ୟବାଦ କଲେ | ଯେତେବେଳେ ସେ ଏହାକୁ ଭାଙ୍ଗି ଶିଷ୍ୟମାନଙ୍କୁ ଦେଲେ, ସେ କହିଲେ, "ତୁମ୍ଭମାନଙ୍କ ନିମନ୍ତେ ଦତ୍ତ ହୋଇଥିବା ମୋହର ଶରୀର ଏହି; ମୋତେ ସ୍ମରଣ କରିବା ନିମନ୍ତେ ଏହା କର | ଭୋଜନ ଉତ୍ତାରେ ସେହିପରି ସେ ପାନପାତ୍ର ଦେଇ କହିଲେ, ଏହି ପାନପାତ୍ର ତୁମ୍ଭମାନଙ୍କ ନିମନ୍ତେ ପାତିତ ହେଉଥିବା ମୋହର ରକ୍ତରେ ସ୍ଥାପିତ ନୂତନ ନିୟମ" (ଲୂକ ୨୨:୧୯-୨୦) | ଏକ ସ୍ତବଗାନ ପରେ ସେ ଭୋଜକୁ ସମାପ୍ତ କଲେ (ମାଥିଉ ୨୬:୩୦), ଏବଂ ସେମାନେ ସେହି ରାତିରେ ଜୀତ ପର୍ବତକୁ ଗଲେ | ସେହି ସ୍ଥାନରେ ହିଁ ଯିହୂଦାଙ୍କ ଦ୍ବାରା ଯୀଶୁଙ୍କୁ ଶତ୍ରୁହସ୍ତରେ ସମର୍ପଣ କରାଯାଇଥିଲା | ତା' ପରଦିନ ସେ କ୍ରୁଶବିଦ୍ଧ ହୋଇଥିଲେ |

ପ୍ରଭୁଭୋଜର ବିବରଣୀଗୁଡିକ ସୁସମାଚାର ପୁସ୍ତକଗୁଡିକରେ (ମାଥିଉ ୨୬:୨୬-୨୯; ମାର୍କ ୧୪:୧୭-୨୫; ଲୂକ ୨୨:୭-୨୨ ଏବଂ ଯୋଜନ ୧୩:୨୧-୩୦) ରେ ଦେଖାଯାଏ | ପ୍ରେରିତ ପାଉଲ ୧କରିନ୍ଥୀୟ ୧୧:୨୩-୨୯ ରେ ପ୍ରଭୁଭୋଜ ବିଷୟରେ ଲେଖିଥିଲେ | ପାଉଲ ଲେଖିଥିବା ଏକ ବକ୍ତବ୍ୟ ସୁସମାଚାର ପୁସ୍ତକଗୁଡିକରେ ଦେଖିବାକୁ ମିଳେନାହିଁ: "ଅତଏବ ଯେକେହି ଅଯୋଗ୍ୟ ଭାବରେ ପ୍ରଭୁଙ୍କର ଏହି ରୋଟୀ ଭୋଜନ କରେ କିମ୍ବା ଏହି ପାତ୍ରକୁ ପାନ କରେ, ସେ ପ୍ରଭୁଙ୍କ ଶରୀରର ଓ ରକ୍ତର ଦାୟୀ ହେବ | କିନ୍ତୁ ମନୁଷ୍ୟ ଆପଣାକୁ ପରୀକ୍ଷା କରୁ, ଆଉ ସେହିପରି ଭାବେ ଏହି ରୋଟୀ ଭୋଜନ କରୁ ଓ ଏହି ପାତ୍ରରୁ ପାନ କରୁ | କାରଣ ଯେ ପ୍ରଭୁଙ୍କ ଶରୀରକୁ ବିଶେଷ ନ ମଣି ଭୋଜନ କରେ ଓ ପାନ କରେ, ସେ ଆପଣା ଦଣ୍ଡ ନିମନ୍ତେ ଭୋଜନ କରେ ଓ ପାନ କରେ" (୧କରିନ୍ଥୀୟ ୧୧:୨୭-୨୯) | ଆମେ ପଚାରିପାରୁ, "ଅଯୋଗ୍ୟ ଭାବରେ" ରୋଟୀ ଓ ପାନପାତ୍ରର ଅଂଶୀ ହେବା କ'ଣ ବୁଝାଏ | ଏହା ରୋଟୀ ଏବଂ ପାନପାତ୍ରର ପ୍ରକୃତ ଅର୍ଥକୁ ଅସମ୍ମାନ କରିବା ଏବଂ ଆମ୍ଭମାନଙ୍କର ପରିତ୍ରାଣ ନିମନ୍ତେ ଆମ୍ଭମାନଙ୍କର ଉଦ୍ଧାରକର୍ତ୍ତା ପରିଶୋଧ କରିଥିବା ଉଲ୍ଲେଖଯୋଗ୍ୟ ମୂଲ୍ୟକୁ ଭୁଲିଯିବା | କିମ୍ବା ଏହାର ଏପରି ବି ଅର୍ଥ ହେବ ଯେ ପ୍ରଭୁଭୋଜକୁ ମୃତ ଓ ନାମମାତ୍ର ଆନୁଷ୍ଠାନିକ ବିଧି ହେବାକୁ ଦେବା କିମ୍ବା ଅଣସ୍ବୀକାର ପାପ ସହ ପ୍ରଭୁଭୋଜର ନିକଟବର୍ତ୍ତୀ ହେବା | ପାଉଲଙ୍କ ନିର୍ଦ୍ଦେଶାବଳୀକୁ ଆଖି ଆଗରେ ରଖି, ରୋଟୀ ଖାଇବା ଓ ପାନପାତ୍ରରୁ ପାନ କରିବା ପୂର୍ବରୁ ଆମେ ନିଜନିଜକୁ ପରୀକ୍ଷା କରିବା ଉଚିତ୍ |

ସୁସମାଚାର ବିବରଣୀଗୁଡିକରେ ଅନ୍ତର୍ଭୁକ୍ତ ହୋଇନଥିବା ପାଉଲଙ୍କର ଆଉ ଏକ ମନ୍ତବ୍ୟ ହେଉଛି "କାରଣ ଯେତେଥର ତୁମ୍ଭେମାନେ ଏହି ରୋଟୀ ଭୋଜନ କର ଓ ଏହି ପାନପାତ୍ରରୁ ପାନ କର, ସେତେଥର ତୁମ୍ଭେମାନେ ପ୍ରଭୁଙ୍କ ଆଗମନ ପର୍ଯ୍ୟନ୍ତ ତାହାଙ୍କ ମୃତ୍ୟୁ ପ୍ରଚାର କରୁଅଛ" (୧କରିନ୍ଥୀୟ ୧୧:୨୬) | ଏହା ଆମ୍ଭମାନଙ୍କ ପ୍ରଭୁଙ୍କ ଦ୍ବିତୀୟ ଆଗମନ ପର୍ଯ୍ୟନ୍ତ ଏଥିରେ ଏକ ସମୟ ସୀମା ସ୍ଥାପନ କରିଥାଏ | ଏହି ସମସ୍ତ ସଂକ୍ଷିପ୍ତ ବିବରଣୀଗୁଡିକରୁ ଯୀଶୁ କିପରି ତାକ ଶରୀର ଏବଂ ରକ୍ତର ଚିହ୍ନ ଭାବରେ ସବୁଠାରୁ ନଗଣ୍ୟ ଉପାଦାନସକଳକୁ ବ୍ୟବହାର କଲେ ଏବଂ ସେସବୁ ତାଙ୍କ ମରଣର ସ୍ମୃତି ବହନ କରିବା ନିମନ୍ତେ ପଦକ୍ଷେପ ଗ୍ରହଣ କଲେ | ଏହା ଖୋଦିତ ମାର୍ବଲ୍ କିମ୍ବା ଢଳେଇ ହୋଇଥିବା କଂସା ନୁହେଁ, କିନ୍ତୁ ରୋଟୀ ଏବଂ ଦ୍ରାକ୍ଷାରସର ସ୍ମୃତି |

ସେ ଘୋଷଣା କଲେ ଯେ ରୋଟୀ ତାଙ୍କ ଶରୀର ବିଷୟରେ କୁହେ ଯାହା ଭଙ୍ଗାଯାଇପାରିବ | ସେଥିରେ କୌଣସି ଭଗ୍ନ ଅସ୍ଥି ନ ଥିଲା, କିନ୍ତୁ ତାଙ୍କ ଶରୀରକୁ ଏପରି ଭାବରେ ଯାତନା ଦିଆଯାଇଥିଲା ଯେ, ଏହା ଜଣାପଡୁନଥିଲା (ଗୀତ ୨୨:୧୨-୧୭; ଯିଶାଇୟ ୫୩:୪-୭) | ଦ୍ରାକ୍ଷାରସ ତାଙ୍କ ରକ୍ତ ବିଷୟରେ କୁହେ, ଯାହା ଦର୍ଶାଏ ଯେ, ସେ ଅତିଶୀଘ୍ର ଭୟଙ୍କର ମୃତ୍ୟୁଭୋଗ କରିବାକୁ ଯାଉଅଛନ୍ତି | ଈଶ୍ବରଙ୍କ ସିଦ୍ଧ ପୁତ୍ର ଯେ ସେ, ଏକ ଉଦ୍ଧାରକର୍ତ୍ତା ବିଷୟରେ ଥିବା ବାଇବଲର ଅସଂଖ୍ୟ ଭାବବାଣୀର ସଫଳୀକୃତ ହେଲେ (ଆଦି ୩:୧୫; ଗୀତ ୨୨; ଯିଶାଇୟ ୫୩) | ଯେତେବେଳେ ସେ "ମୋତେ ସ୍ମରଣ କରିବା ନିମନ୍ତେ ଏହା କର" ବୋଲି କହିଲେ ସେ ଦର୍ଶାଇଲେ ଯେ ଏହା ଏକ ବିଧିସଙ୍ଗତ ପାଳନ ଥିଲା ଯାହାକୁ ଭବିଷ୍ୟଦରେ ମଧ୍ୟ ପାଳନ କରାଯିବ| ଏହା ମଧ୍ୟ ଦର୍ଶାଏ ଯେ, ନିସ୍ତାରପର୍ବ, ଯାହା ଏକ ମେଷର ମୃତ୍ୟୁ (ବଳିଦାନ) ଆବଶ୍ୟକ କରୁଥିଲା ଏବଂ ଈଶ୍ବରଙ୍କ ମେଷଶାବକଙ୍କ ଆଗମନର ଅପେକ୍ଷାରେ ଥିଲା ଯିଏ ଜଗତର ପାପଭାର ନେଇଯାଆନ୍ତି, ତାହା ପ୍ରଭୁଭୋଜରେ ସଫଳୀକୃତ ହୋଇଥିଲା | ନିସ୍ତାରପର୍ବର ମେଷଶାବକ ଖ୍ରୀଷ୍ଟ(୧କରିନ୍ଥୀୟ ୫:୭) ଯେତେବେଳେ ବଳିକୃତ ହେଲେ (ଏବ୍ରୀ ୮:୮-୧୩) ସେତେବେଳେ ନୂତନ ନିୟମ ପୁରାତନ ନିୟମକୁ ପ୍ରତିବଦଳ କଲା | ବଳିଦାନ ପ୍ରଥାର ଆବଶ୍ୟକତା ଆଉ ରହିଲା ନାହିଁ (ଏବ୍ରୀ ୯:୨୫-୨୮) | ପ୍ରଭୁଭୋଜ / ଖ୍ରୀଷ୍ଟିୟ ରୋଟୀ ଓ ଦ୍ରାକ୍ଷାରସ ସେବନ ଖ୍ରୀଷ୍ଟ ଆମ୍ଭମାନଙ୍କ ନିମନ୍ତେ ଯାହା କଲେ ତାହାର ଏକ ସ୍ମୃତି ଏବଂ ତାଙ୍କ ବଳିଦାନର ଫଳସ୍ବରୂପ ଆମେ ଯାହା ପାଉ ସେଥିର ଏକ ପାଳନ |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ପ୍ରଭୁଭୋଜ / ଖ୍ରୀଷ୍ଟିୟ ରୋଟୀ ଓ ଦ୍ରାକ୍ଷାରସ ସେବନର ଗୁରୁତ୍ବ କ'ଣ?